كرەديتتىك كانيكۋل. تولەمدەر قالاي توقتاتىلادى؟

قازاقستاندا بانكتەر توتەنشە جاعداي كەزىندە كرەديت بويىنشا قارىز سوماسىن تولەۋدى ۋاقىتشا توقتاتۋ تۋرالى شەشىم قابىلداندى. دەسە دە بۇل بانك الدىندا بەرەشەگى بار بارلىق ازاماتتارعا بىردەي قاتىستى ەمەس. اتالمىش اكسيا اياسىندا قانداي كليەنتتەر قامتىلىپ, كىمدەر قالىس قالاتىنى تۋرالى قامشى ءتىلشىسى ازىرلەگەن ماتەريالدان تانىسۋعا بولادى.

kaspi.kz

kaspi.kz نەسيەلەر بويىنشا اي سايىنعى تولەمدەردى 3 ايعا كەيىنگە قالدىردى. ناۋقان اقشالاي, تاۋار تۇرىندەگى نەسيەلەر, اۆتونەسيە, ءبولىپ تولەۋ, كرەديتتىك كارتا مەن kaspi red قىزمەتىنە قاتىستى, سونداي-اق بارلىق نەسيەلەر بويىنشا قولدانىلادى. تولەم كەيىنگە قالدىرىلعان 3 ايدا قارىز سوماسىنا ايىپپۇل مەن ءوسىمپۇل قوسىلمايدى. تەك نەسيە مەرزىمى 3 ايعا ۇزارادى. اتالعان مەرزىمدە جاڭا نەسيە بەرىلمەيدى.

تولەمدى كەيىنگە قالدىرۋ مۇمكىندىگىن ەشقايدا شىقپاستان kaspi.kz موبيلدىك قوسىمشاسىنداعى ارنايى ونلاين-سەرۆيس كومەگىمەن ىسكە اسىرۋعا بولادى. وتىنىشتەردى قابىلداۋ 2 ساۋىردەن باستالماق. كەيىنگە قالدىرۋ اۆتوماتتى تۇردە جۇزەگە اسپايدى. ول ءۇشىن ءار كليەنت قوسىمشا ارقىلى بانككە ءوتىنىم قالدىرۋعا ءتيىس. بانك ءوتىنىمدى ماقۇلداعان جاعدايدا تولەنبەگەن ايلار ءۇشىن نەسيە تاريحى بۇزىلمايدى. ال كليەنت بانككە ءوتىنىم قالدىرماستان, كرەديت بويىنشا تولەم جاسالماسا, وندا كرەديت تاريحى بۇزىلادى.

ەسكەرتە كەتەرلىگى, اكسيا 18 ناۋرىزعا دەيىن الىنعان نەسيەلەرگە عانا قاتىستى قولدانىلادى. سونداي-اق بانك الدىندا مەرزىمى وتكەن بەرەشەگى (پروسروچكا) بار كليەنتتەر اتالمىش قىزمەتتى پايدالانا المايدى. ؛بانك call-ورتالىعىنىڭ نومەرى ؛&ndash؛ 9999.

halyk bank

16 ناۋرىز بەن 15 ماۋسىم ارالىعىندا تولەنبەگەن تولەمدەر بويىنشا ايىپپۇل مەن ءوسىمپۇل قوسىلمايدى. كرەديت بويىنشا تولەمدى كەيىنگە قالدىرۋ 16 ناۋرىز &ndash؛ 16 ءساۋىر ارالىعىندا, ياعني 1 اي كولەمىندە ارەكەت ەتەدى. بانك تولەنبەگەن ايدىڭ سوماسىن نەسيە مەرزىمىن ءبىر ايعا سوزۋ ارقىلى سوڭىنان ءوندىرىپ الادى. اكسيانى 16 ساۋىردەن كەيىن دە سوزۋ مۇمكىندىگى قاراستىرىلىپ جاتىر.

كرەديت تولەمىن كەيىنگە قالدىرۋ بويىنشا ءوتىنىم بانك سايتى ؛ارقىلى ونلاين تۇردە قابىلدانادى. ءوتىنىم 10 جۇمىس كۇنىندە قارالىپ, ناتيجە sms حابارلاما ارقىلى بەرىلەدى نەمەسە بانك قىزمەتكەرى قوڭىراۋ شالىپ ايتادى. كەيىنگە قالدىرۋ كەزىندە بانكپەن قوسىمعا كەلىسىم جاسالادى. ونى سايت ارقىلى جەكە كابينەتتەن نەمەسە موبيلدىك قوسىمشادان كورۋگە بولادى.

مۇندا دا كليەنتتىڭ بانك الدىندا مەرزىمى وتكەن بەرەشەگى بولماۋى كەرەك. ويتپەگەن جاعدايدا كليەنت اكسياعا قاتىسا المايدى. مەرزىمى كەشىكتىرىلگەن كرەديت بويىنشا 16 ناۋرىزعا دەيىنگى ەسەپتەلگەن ءوسىمپۇلدار ەش وزگەرىسسىز قالادى. ال 16 ناۋرىز بەن 15 ماۋسىم ارالىعىندا ءوسىمپۇل اۆتوماتتى تۇردە توقتاتىلادى. قوسىمشا سۇراقتار بويىنشا 7111 نومەرىنە حابارلاسۋعا بولادى.

fortebank ؛

جەكە تۇلعالار مەن بيزنەس وكىلدەرىنە تولەم 90 كۇنگە كەيىنگە قالدىرىلادى. بۇل ارالىقتا ايىپپۇل, ءوسىمپۇل قوسىلمايدى. الايدا توتەنشە جاعدايدىڭ كليەنت كىرىسى مەن بيزنەسكە اسەر ەتۋ جاعدايى دالەلدەنۋگە ءتيىس. بانك سايتى, موبيلدىك قوسىمشا ارقىلى ءوتىنىم بەرەردە دالەل بولا الاتىن ءتيىستى قۇجات قوسا تاپسىرىلۋى كەرەك. ول كەلىسىم-شارت, اكىمشىلىكتىڭ ەسكەرتپەسى, بيزنەس ءتۇرىنىڭ جابىلعانىن راستايتىن قاندايدا ءبىر قاعاز, جۇمىستان شىعارىلعانى نەمەسە اقىسىز دەمالىسقا جىبەرىلگەنى تۋرالى انىقتاما سەكىلدى قۇجاتتار بولۋى مۇمكىن. بانك قىزمەتكەرلەرى قوسىمشا قۇجاتتار سۇراتۋى دا ىقتيمال.

fortebank-تە دە 16 ناۋرىزعا دەيىن مەرزىمى كەشىكتىرىلگەن كرەديتى بارلاردىڭ نەسيە تولەمى كەيىنگە قالدىرىلمايدى. ؛بانك call-ورتالىعىنىڭ نومەرى ؛&ndash؛ 7575.

سبەربانك

كەپىلسىز نەسيە بويىنشا جەكە تۇلعالاردىڭ كرەديتتىك تولەمىن 3 ايعا كەيىنگە قالدىرۋ ؛&ndash؛ مەرزىمى وتكەن بەرەشەك جوق بولعان جاعدايدا عانا قولجەتىمدى. نەسيە 16 ناۋرىزعا دەيىن الىنعان بولۋى كەرەك. كليەنتتەر بىرنەشە كاتەگورياعا بولىنگەن. الەۋمەتتىك وسال توپ وكىلدەرى, اتاۋلى الەۋمەتتىك كومەك الۋشىلار, جەرگىلىكتى اتقارۋشى ورگاندا جۇمىسسىز رەتىندە تىركەلگەندەر ءۇشىن بانك بار شارۋانى ءوزى ىستەيدى. ەشقايدا بارىپ, ەش جەرگە ءوتىنىم قالدىرىلمايدى. بانك اتالعان ساناتقا جاتاتىن كليەنتتەر تۋرالى دەرەكتى كرەديتتىك بيۋرودان الىسىمەن, كليەنتتەرگە حابارلاسىپ, تولەمدى كەيىنگە قالدىرۋعا رۇحساتىن الادى.

ال توتەنشە جاعدايعا بايلانىستى قارجىلىق جاعدايى ناشارلاعان كليەنتتەر سايتتاعى ؛ۇلگىنى جۇكتەپ, تولتىرىپ, سكانەرلەپ, ەلەكتروندىق پوشتامەن جىبەرۋى كەرەك. وتىنىمگە قوسا تابىستى جوعالتقانىن راستايتىن قۇجات, جۇمىستان شىعارىلعانى جونىندەگى بۇيرىق, اقىسىز دەمالىسقا جىبەرىلگەنى تۋرالى جولداما, ناۋقاس قاعاسى سەكىلدى قۇجاتتار مىندەتتى تۇردە ۇسىنىلۋعا ءتيىس. شەشىم 10 جۇمىس كۇنى ىشىندە شىعارىلادى. قوسىمشا سۇراقتار بويىنشا 5030 نومەرى ارقىلى وپەراتوردان سۇراۋعا بولادى.

jysan bank

بانك الدىندا مەرزىمى وتكەن قارىزى جوق جەكە تۇلعالاردىڭ 18 ناۋرىزعا دەيىن الىنعان تۇتىنۋشىلىق جانە كەپىلدى نەسيەسىنىڭ تولەمى 60 كۇنگە كەيىنگە شەگەرىلەدى. شەگەرۋ ينديۆيدۋالدىق نەگىزدە 3 ايعا سوزىلۋى دا مۇمكىن. بۇل ارالىقتا بارلىق نەسيە بويىنشا ايىپپۇل, ءوسىمپۇل قوسىلمايدى. ءوتىنىمدى بانك بولىمشەسى ارقىلى, سونداي-اق [email protected] ەلەكتروندىق پوشتاسىنا ۇلگىگە ؛سايكەس ءوتىنىش جازۋ ارقىلى بەرۋگە بولادى. بانك call-ورتالىعىنىڭ نومەرى ؛&ndash؛ 7711.

tengri bank

اتالمىش بانكتە جەكە تۇلعالاردىڭ كەپىلسىز نەسيەلەرى بويىنشا 90 كۇن بويىنا ايىپپۇل مەن ءوسىپپۇل سالىنبايدى. جەكە تۇلعالار ؛[email protected] ؛پوشتاسىنا, ؛كاسىپكەرلەر [email protected] پوشتاسىنا ءوتىنىم قالدىرۋعا ءتيىس. ءوتىنىم ەركىن فورمادا جازىلادى. وندا نەسيە راسىمدەلگەن تۇلعانىڭ دەرەكتەرى تولىق كورسەتىلۋى, تەلەفون نومەرى جازىلۋى مىندەتتى. تولەمدى توقتاتۋ ناۋقانىنا بارلىق كليەنتتەر قاتىسا الادى. بانك call-ورتالىعىنىڭ نومەرى ؛&ndash؛ 3434.

بانك kassa nova

بانك اۆتوماتتىق رەجيمدە 16 ناۋرىزدان باستاپ 3 ايعا نەسيە بويىنشا تولەم جاسالماعانى ءۇشىن ايىپپۇل مەن ءوسىپپۇل سالمايدى. تولەنبەگەن ايلاردىڭ سوماسى قالعان مەرزىمگە تەڭدەي ەتىپ بولىنەدى. نەسيە مەرزىمى ۇزارمايدى. الايدا 16 ناۋرىزعا دەيىن كليەنتتىڭ تولەنبەگەن نەسيەسى بولماۋى كەرەك. ونداي بولعان جاعدايدا, كليەنت اكسيادان قالىس قالادى. تەك مەرزىمى 90 كۇننەن اسىپ كەتكەن نەسيەلەرگە 16 ناۋرىزدان توتەنشە جاعداي اياقتالعانعا شەيىن ايىپپۇل مەن ءوسىمپۇل سالۋ توقتاتىلادى. بانككە جۇگىنۋدىڭ قاجەتى جوق. call-ورتالىق نومەرى ؛&ndash؛ 595.

الفا-بانك

الەۋمەتتىك وسال توپ وكىلدەرى, اتاۋلى الەۋمەتتىك كومەك الۋشىلار, جەرگىلىكتى اتقارۋشى ورگاندا جۇمىسسىز رەتىندە تىركەلگەندەردىڭ تولەمدەرىن بانك 16 ناۋرىز &ndash؛ 15 ماۋسىم ارالىعىندا شەگەرەدى. ول ءۇشىن بانككە بارۋدىڭ قاجەتى جوق, بارلىعى اۆتوماتتى تۇردە جاسالادى. توتەنشە جاعدايعا بايلانىستى تابىسى ازايعان, قىسقارعان, اقىسىز ەڭبەك دەمالىسىنا جىبەرىلگەندەر دە 16 ناۋرىز بەن 15 ماۋسىم ارالىعىندا الفا-بانك قازاقستان موبيلدىك قوسىمشاسى ارقىلى 31 ناۋرىز بەن 15 ماۋسىم ارالىعىندا ءوتىنىم بىلدىرە الادى. قوسىمشا قۇجات كەرەك ەمەس. جەكە تۇلعالاردىڭ مەرزىمى 90 كۇننەن اسىپ كەتكەن كەپىلسىز نەسيەلەرى بويىنشا توتەنشە جاعداي اياقتالعانشا ايىپپۇل مەن ءوسىمپۇل سالۋ توقتاتىلادى. بانك call-ورتالىعىنىڭ نومەرى ؛&ndash؛ 2051.

بانك سەنتركرەديت

بانك كوروناۆيرۋس انىقتانعان نەمەسە كارانتيندە بولعان ازاماتتاردىڭ عانا نەسيە بويىنشا تولەمىن كەيىنگە شەگەرۋدى قاراستىرادى. الدىمەن كرەديتتى تولەۋ مەرزىمىن شەگەرۋ بويىنشا ءوتىنىش جازىلۋى كەرەك. ءوتىنىش ۇلگىسى بانك سايتىندا ؛تۇر. ءوتىنىشتى سكانەرلەپ نەمەسە سۋرەتكە ءتۇسىرىپ, [email protected] ەلەكتروندىق پوشتاسىنا, يا بولماسا +7 701 223 0228 ءنومىرى بويىنشا whatsapp ارقىلى جىبەرۋ كەرەك. وتىنىشپەن قوسا جەكە كۋالىك سۋرەتى مەن دياگنوز بەن كارانتيندە بولعانىن راستايتىن قۇجات قوسا جىبەرىلۋى مىندەتتى. ءاربىر ءوتىنىش دەربەس قارالادى. بانك call-ورتالىعىنىڭ نومەرى ؛&ndash؛ 505.

بانك حوۋم كرەديت

توتەنشە جاعداي كەزىندە كرەديتتەر جانە كرەديت كارتوچكالارى بويىنشا مەرزىمى وتكەن اي سايىنعى تولەمدەر ءۇشىن تۇراقسىزدىق ايىبى ەسەپتەلمەيدى. سونداي-اق مەرزىمى 90 كۇننەن اسقان كرەديت بويىنشا ەسەپتەلگەن سىياقى دا توقتاتىلادى. ول ءۇشىن بانككە جۇگىنۋ مىندەتتى ەمەس. ال جۇمىسىنان ايىرىلعان كليەنتتەرگە بانك تولەمدەردى 2 ايعا كەيىنگە قالدىرۋعا رۇقسات بەرەدى. تولەم دەمالىسىن الۋ ءۇشىن كليەنتتەر 1 ساۋىردەن كەيىن موبيلدىك قوسىمشا نەمەسە كەز كەلگەن بولىمشە ارقىلى بانككە جۇگىنە الادى. باستى تالاپ &ndash؛ كليەنتتىڭ مەرزىمى وتكەن بەرەشەگى بولماۋعا ءتيىس, نەسيە 18 ناۋرىزعا دەيىن الىنعان بولۋى كەرەك. ءارى ونىڭ اي سايىنعى تولەمى توتەنشە جاعدايدىڭ ارەكەت ەتۋ كەزەڭىنە سايكەس كەلۋى كەرەك. قوسىمشا سۇراقتار بويىنشا +7 771 724 12 40 نومەرىنە whatsapp ارقىلى حابارلاسۋعا بولادى.

kmf

وزگە بانكتەردەگىدەي كرەديتتىك كانيكۋل ميكروقارجى ۇيىمىندا دا بار. ءبىراق ۇيىم بىرنەشە باعىت بويىنشا ءارتۇرلى نەسيە قىزمەتتەرىن ۇسىناتىندىقتان ءار كليەنت ءىسى جەكە قارالادى. ول ءۇشىن كليەنت موبيلدىك قوسىمشاعا كىرىپ, نەسيە مەرزىمىن وزگەرتۋ شارتتارىن جەكە ەسەپتەۋى كەرەك. قوسىمشا سۇراقتار بويىنشا 7474 نومەرىنە نەمەسە 8 701 801 74 74 whatsapp نومەرگە حابارلاسۋعا بولادى.

اتفبانك

كرەديت بويىنشا تولەم مەرزىمىن كەيىنگە قالدىرۋ جونىندەگى ءوتىنىم بانك سايتى ارقىلى قابىلدانادى. ءوتىنىم سايتتا كورسەتىلگەن ارنايى ۇلگى بويىنشا تولتىرىلادى. ءوتىنىم بەرۋ كەزىندە كليەنت الەۋمەتتىك وسال توپقا جاتاتىنىن راستايتىن قۇجات پەن تابىسىنان ايىرىلعانى تۋرالى انىقتامانى قوسا تىركەۋى كەرەك. ءوتىنىم بەرگەننەن كەيىن, بانك قىزمەتكەرى بەرىلگەن اقپاراتتى ناقتىلاۋ ءۇشىن كليەنتپەن حابارلاداسى. بانكتىڭ تەلەفون نومەرى ؛&ndash؛ 2424, whatsapp نومەرى &ndash؛ 8 ؛705 ؛766 88 62.

ەۋرازيالىق بانك

بانك توتەنشە جاعدايعا بايلانىستى جۇمىسىنان قىسقارعان, اقىسىز دەمالىسقا شىعارىلعان كليەنتتەرىنىڭ عانا قارىزىن 3 ايعا شەگەرەدى. وزگە كليەنتتەر ادەتتەگىدەي مەرزىمدە تولەي بەرۋى كەرەك. تولەۋ مەرزىمى شەگەرىلمەگەن كليەنتتەردىڭ وتەلمەگەن بەرەشەگى ءۇشىن ايىپپۇل پەن ءوسىمپۇل شارت تالاپتارى نەگىزىندە قوسىلادى. ونداي كليەنتتەرگە ەشقانداي جەڭىلدىك قاراستىرىلماعان. تولەم مەرزىمىن توقتاتۋ تۋرالى ءوتىنىم بانك سايتىندا جۇرگىزىلەدى. وتىنىممەن بىرگە جۇمىستان قىسقارعانىن نەمەسە اقىسىز دەمالىسقا شىعارىلعانىن راستايتىن قۇجات قوسا ۇسىنىلۋعا ءتيىس. مەرزىمى كەشىكتىرىلگەن نەسيەلەر بويىنشا وتىنىشتەر قاراستىرىلمايدى. بانككە 8727 332 77 22 نومەرى بويىنشا حابارلاسۋعا بولادى.

تۇرعىن ءۇي قۇرىلىس جيناق بانكى

بانك 16 ناۋرىزدان كەيىن وتەلۋى ءتيىس تولەمدى 90 كۇنگە شەگەرۋگە مۇمكىندىك بەرەدى. شەگەرىلگەن تولەمگە نەگىزگى قارىز دا, نەسيە سىياقىسى دا كىرەدى. 16 ناۋرىز بەن 16 ماۋسىم ارالىعىندا ۋاقىتىلى وتەلمەگەن تولەمدەر بويىنشا ايىپپۇل جانە ءوسىمپۇل الىنبايدى. بۇل كليەنت جازعان ءوتىنىشتىڭ نەگىزىندە جۇزەگە اسىرىلادى. وتىنىشتە كەيىنگە شەگەرۋدىڭ نە سەبەپتى قاجەت بولعانى كورسەتىلۋ كەرەك, ءبىراق بانك قوسىمشا راستاۋ قۇجاتتارىن تالاپ ەتپەيدى. تولەمدى شەگەرۋ تۋرالى ءوتىنىش 2020 جىلعى 15 ساۋىردەن باستاپ ينتەرنەت-بانكينگ ارقىلى قابىلدانادى. ءونلاين-وتىنىش بەرۋ كەزىندە 2020 جىلدىڭ 16 ناۋرىزىنداعى جاعداي بويىنشا ۋاقتىلى وتەلمەگەن نەسيە تولەمى بولماۋى كەرەك.

 ؛