اباەۆ: جۇمىستى, كرەديتتى, بيزنەستى ۋايىمداماڭىزدار

قۇرمەتتى قازاقستاندىقتار!

بۇگىنگى تىكەلەي ەفيردى ونلاين-بريفينگ ەمەس, ۇندەۋ دەپ قابىلداعان ءجون.

وزدەرىڭىز كورىپ وتىرسىزدار, ىندەت تارالۋى ۇدەپ بارادى. ءبىر تۇندە 40-تان اسا ادامنىڭ انىقتالعانى &ndash؛ بۇل الاڭداتاتىن جاعداي. ءقازىر ۆيرۋس جۇقتىرعانداردىڭ سانى 204-كە جەتتى.

1899 ؛ادام ستاسيونارلىق كارانتيندە. 3 جارىم مىڭنان استامى ءۇي كارانتينىندە.

6 ؛مىڭنان اسا ادام اۋىرعاندارمەن بايلانىستا بولعان. ولاردىڭ ء95%-ى انىقتالدى.

قازىر ءبىز وتە كۇردەلى كەزەڭدە تۇرمىز. ۆيرۋس تارالۋىن باقىلاي الماي قالۋ ءقاۋپى تۋىنداپ وتىر.

وزگە ەلدەردەگى جاعدايعا قاراڭىزدار. يتاليادا ءبىر كۇندە 969 ؛ادام قايتىس بولعان. ونىڭ بارلىعى ساقتىق شاراسىنا سالعىرت قاراعاننىڭ سالدارى. بۇل جاعداي بارلىعىمىزعا ساباق جانە ەسكەرتۋ بولۋى كەرەك.

كوروناۆيرۋس, اسىرەسە, جاسى ۇلكەن ادامدارعا ءقاۋىپتى. ولاردىڭ ىشىندە ءبارىمىزدىڭ اتامىز بەن اجەمىز, اكەمىز بەن انامىز بار. ءوزىمىز ءۇشىن قورىقپاساق تا, ەڭ بولماسا, سول ۇلكەندەرىمىزدى ويلايىق.

كەيبىر ادامدا اۋرۋ بەلگىسى بىردەن بىلىنبەۋى مۇمكىن. ونداي ادام ۇيدە وتىرماسا, ءوزى بىلمەي ادامدارعا جۇقتىرادى.

وسىلايشا, ونداعان وتباسىنىڭ وبالىنا قالۋىڭىز مۇمكىن. وسىنداي جاعدايدان ساق بولايىق.

قازىر ۆيرۋسقا قارسى ەڭ ءتيىمدى كۇرەس &ndash؛ ول كارانتين رەجيمىن ساقتاۋ. سىزدەردەن وسىنى تاعى دا سۇرايمىز. ۇيدەن شىقپاڭىزدار. ءقازىر, شەتەلگە شىقپاي-اق, اۋرۋ جۇقتىرعانداردىڭ سانى وسۋدە.

بۇل دەگەنىمىز &ndash؛ اۋرۋ كەز-كەلگەن جەردە جۇعۋى مۇمكىن. قوناقتا, تۋىستاردىڭ ۇيىندە, ليفتتە, اۆتوبۋستا, كەزەكتە تۇرعاندا.

الايدا, كوپ ادامداردىڭ بۇل ەسكەرتۋلەرگە سالعىرت قارايتىنىن كورىپ وتىرمىز.

مىسالى, كەشە, ءبىر كۇننىڭ وزىندە, توتەنشە جاعداي تالاپتارىن بۇزعانى ءۇشىن 237 ؛ادام جاۋاپقا تارتىلعان. ونىڭ ء74-ى قاماۋعا الىندى.

بۇل بەيقامدىق اۋرۋحانادا ناۋقاستارعا ورىن جەتپەۋىنە اكەلۋى مۇمكىن. بۇعان جول بەرۋگە بولمايدى. سوندىقتان, اعايىن, ءوزىمىزدى, جاقىندارىمىزدى ساقتايىق.

جۇمىستى, كرەديتتى, بيزنەستى ۋايىمداماڭىزدار. مەملەكەت ەشكىمدى تاستامايدى. كومەكتەسەدى.

زەينەتكەرلەرگە ءدارى اپارۋعا, مۇقتاج جاندارعا ازىق-تۇلىك جەتكىزۋگە كومەكتەسەمىز. بۇعان دەيىن بىرنەشە رەت ايتقانىمىزداي, جۇمىستان بوساعان نەمەسە اقى تولەنبەيتىن دەمالىسقا شىققاندار تولەم الادى.

بۇگىنگى تاڭدا, ۇكىمەت الەۋمەتتىك ماڭىزى بار ازىق-تۇلىك ساتىپ الۋعا رەزەرۆتەن 14,7 ملرد. تەڭگە ءبولدى.

وعان قوسا, دارىگەرلەرگە, پوليسيا قىزمەتكەرلەرىنە جانە كوروناۆيرۋسپەن كۇرەسىپ جاتقان ادامدارعا جەكە قورعانىس قۇرالدارىن ساتىپ الۋ ءۇشىن 21,4 ؛ملرد. تەڭگە ءبولىندى.

سونىمەن بىرگە, نۇر-سۇلتان, الماتى, شىمكەنت قالالارى مەن وبلىس اكىمدىكتەرىنە جەكە قورعانىس قۇرالدارىن, ءدارى جانە مەديسينالىق قۇرالدار ساتىپ الۋعا 10,7 ؛ملرد. تەڭگە قاراستىرىلعان.

قازىر, سالىق تەكسەرۋلەرى جانە اكىمشىلىك قۇقىق بۇزۋشىلىقتار بويىنشا ىستەردى قاراۋ توقتاتىلدى. سالىق دەكلاراسياسىن تاپسىرۋ مەرزىمى 31 ؛ناۋرىزدان 30 ؛ساۋىرگە دەيىن ۇزارتىلدى.

قۇرمەتتى اعايىن!

مەملەكەت كوروناۆيرۋسپەن كۇرەسكە قاجەتتى بارلىق شارانى جاسايدى. ءبىراق, ءبىرىنشى كەزەكتە, ءار ادام ءوزىن-وزى, ءوز وتباسىن ساقتاۋى كەرەك.

سوندىقتان, ۇيدە بولايىق. امان بولايىق.

 ؛