«مەملەكەتتىك ءتىلدى وقىتۋ ادىستەمەسى» اتتى ونلاين كۋرس وتەدى

ەلدەگى توتەنشە جاعدايعا بايلانىستى ازاماتتاردىڭ دەنساۋلىعىن ساقتاۋ جانە قازاقستاندا كوروناۆيرۋستىڭ تارالۋىمەن كۇرەس جۇرگىزۋ ماقساتىنداعى شارالار جوسپارىنا سايكەس ء«؛تىل-قازىنا»؛ ورتالىعى «؛مەملەكەتتىك ءتىلدى وقىتۋ ادىستەمەسى»؛ اتتى ونلاين كۋرس ۇيىمداستىرادى.

ونلاين كۋرسقا ءتىل باسقارمالارى قىزمەتكەرلەرى, وبلىستىق جانە اۋداندىق تىلدەردى وقىتۋ ورتالىقتارىنىڭ وقىتۋشىلارى, ادىسكەرلەرى مەن ءتىل ماماندارى جانە وسى تاقىرىپتا ءبىلىمىن جەتىلدىرەمىن دەگەن كەز كەلگەن ەرەسەك ازامات قاتىسا الادى.

كۋرس بارىسىندا مەملەكەتتىك ءتىل جانە ونى وقىتۋ ادىستەمەسىنە قاتىستى عالىمدار مەن ادىسكەرلەر وي-پىكىرلەرىن, ۇزدىك ادىس-تاسىلدەرىن ورتاعا سالىپ, ءوزارا تاجىريبە الماسادى. ەلىمىزدەگى ورتالىقتاردىڭ جۇمىسىن ساندىق جۇيەگە كوشىرۋدە ءبىرىڭعاي ەلەكتروندى دەرەكقوردى پايدالانۋ جولدارى كورسەتىلىپ, زاماناۋي پەداگوگيكالىق تەحنولوگيالاردى ءتيىمدى قولدانۋ جايلى كەڭەس-ۇسىنىستار ايتىلادى, ناتيجەسى كورسەتىلەدى. سونىمەن قاتار قازاق ءتىلىن وقىتۋدىڭ اۆتورلىق ادىستەمەسىن قالىپتاستىرۋ ماسەلەسى قوزعالىپ, زاماناۋي ۇلگىدەگى وقۋ كەشەندەرىن, ادىستەمەلىك ماتەريالدارىن ازىرلەۋ جايى تالقىلانادى.

ونلاين كۋرس مازمۇنى بويىنشا مەملەكەتتىك ءتىلدى وقىتۋ تاجىريبەسى تانىستىرىلادى, اۋىزشا ءسوزدىڭ ءتىلتانىمدىق نەگىزدەرى, ادەبي ءتىل نورماسى, ەملە ەرەجەنىڭ قالىپتاسۋ تاريحى, ۇزدىك پەداگوگيكالىق تەحنولوگيالار جايلى ساباق ۇلگىلەرى كورسەتىلەدى. وقىتۋ ۇردىسىندە google پلاتفورمالارى جانە تاعى باسقا سەرۆيستەردىڭ مۇمكىندىكتەرىن پايدالانۋ ارقىلى وقىتۋشىلاردىڭ سيفرلىق ساۋاتتىلىعىن ارتتىرۋعا, سيفرلىق داعدىلاردى مەڭگەرگەن كرەاتيۆتى وقىتۋشىلار ورتاسىن قالىپتاستىرۋعا ىقپال جاسالادى. مەملەكەتتىك ءتىلدى قاشىقتان وقىتۋدىڭ جۇيەسىن قۇرۋ جونىندەگى پىكىرلەر مەن يدەيالار العا تارتىلادى.

ونلاين كۋرس باعدارلاماسىن www.tilalemi.kz سايتىنان كورۋگە بولادى. ونلاين كۋرس قورىتىندىسىندا قاتىسۋشىلارعا سەرتيفيكات تابىستالادى.