فرانسيادا كوروناۆيرۋس جۇقتىرعان قازاق وتباسى ۇندەۋ جولدادى (ۆيدەو)

"بىل ويلان" youtube ارناسىندا فرانسيادا تۇرىپ جاتقان ومار ءابدىقاھارۇلى ؛ اتتى ەتنيكالىق قازاقتىڭ ؛ وتباسىمەن كوروناۆيرۋس جۇقتىرعانىن ايتقان ۆيدەوۇندەۋى جاريالاندى. ۇندەۋدە ناۋقاس ءۇي كارانتينىندە قانداي ەم الىپ, قالاي كۇتىنىپ جاتقانىن بايان ەتكەن.

ونىڭ ايتۋىنشا, 14-15 ناۋرىزدا وتباسىندا العاش ۇلكەن قىزىندا كوروناۆيرۋس انىقتالعان. ونىڭ جاسى 10-دا. 17 ناۋرىزدا جۇبايى سىرقاتتانسا, 21 ناۋرىزدا وزىنەن سىرقات بەلگىلەرى بايقالعان. 22 ناۋرىزدا 4 جاسار ۇلىندا, 24 ناۋرىزدا كەنجە قىزىندا ۆيرۋس انىقتالعان.

&ndash؛ اسسالاۋماعالەيكۋم, قازاق ەلى. مەنىڭ اتىم &ndash؛ ومار. فرانسيادا تۇرامىن. دۇنيەنى الاساپىرانعا سالعان كوروناۆيرۋسپەن وتباسىم جۇعىمدالدى. بۇل ۆيرۋستىڭ بەلگىلەرى وتباسىمىزدا اركىمدە ءارقالاي باستالدى. سىزدەرگە اۋرۋدىڭ بەلگىلەرى قالاي باستالعانىن بولىسپەكپىن. 17 ناۋرىزدان باستاپ ءبىز ۆيرۋس جۇقتىرعانىمىزدى سەزىندىك. باستاپقىدا قىزىم اۋىردى. ءبىراق ءبىز سىرقاتتى ۆيرۋسپەن بايلانىستىرعان جوقپىز جانە جۇقتى دەپ ويلامادىق. ويتكەنى قىزىم جوتەلىپ, ءبىرىنشى كۇنى تاماعى اۋىردى, ەكىنشى كۇنى قىزۋى كوتەرىلىپ, ءۇشىنشى جانە ءتورتىنشى كۇندەرى وزىنە كەلىپ, جاقسارا باستادى. ءقازىر جاعدايى جاقسى, &ndash؛ دەدى ومار ءابدىقاھارۇلى.

سونداي-اق ول ءايىلىنىڭ دە تاماعى اۋىرىپ, جوتەلىپ, دەنەسى قىزعانىن اتاپ ءوتتى.

ال وماردىڭ ۆيرۋسپەن كۇرەسكەنىنە بۇگىن التىنشى كۇن.

&ndash؛ باستاپقىدا مەنىڭ تاماعىم اۋىرىپ, ەرتەسىنە جوتەل مەن قىزۋىم بولدى. كەشە تۇندە دە قىزۋ بولعان. ءقازىر وكپەمنەن بىردەڭە ۇستاپ, ءتۇيىلىپ تۇرعانداي. ارتىق تىنىس السام, اۋىرادى. ءقازىر جاقسىمىن. الداعى ۋاقىتتا بۇل ۆيرۋستى اللاھتىڭ قالاۋىمەن جەڭىپ شىعامىز دەپ ۇمىتتەنەمىن, &ndash؛ دەدى ومار.

ول دارىگەرلەر ايتقان قاجەتتى دارى-دارمەكتەردى ءىشىپ, يممۋنيتەتتى كوتەرەتىن جەمىس-جيدەكتەردى جەپ جاتقانىن ايتتى. ؛

&ndash؛ قۇرمەتتى قازاق ەلى, سپورتپەن اينالىسقان ماعان مىنا اۋرۋ ماعان وسىلاي اسەر ەتىپ جاتقاندا, جاسى ۇلكەندەردىڭ قانداي دەڭگەيدە اۋىراتىنىن ويلاپ ءتۇسىنۋ قيىن. سول سەبەپتى اۋرۋدان ساقتانىپ, توپتاسقان جەرلەرگە بارماڭىزدار. ءتىپتى ءبىز ۆيرۋستى وتباسىمىزبەن قالاي جۇقتىرىپ العانىمىزدى ءالى كۇنگە دەيىن بىلمەيمىز. قازاق ەلىن بۇل اۋرۋدان ساقتانۋعا شاقىرامىن, &ndash؛ دەگەن ومار ءابدىقاھارۇلى قازاقستاندىقتارعا ۇيدەن شىقپاۋعا كەڭەس بەردى.

 ؛

 ؛