جامبىل وبلىسىندا كوروناۆيرۋس جۇقتىرعان تاعى ءبىر ادام انىقتالدى

26 ناۋرىز كۇنى ساعات 22.20-دا جامبىل وبلىسىندا تاعى ءبىر ادامنان كوروناۆيرۋس تابىلدى. بۇل تۋرالى دەنساۋلىق ساقتاۋ مينيسترلىگى حابارلادى. ؛

بۇل وبلىستا كورناۆيرۋس جۇقتىرعان العاشقى ادام 24 ناۋرىزدا انىقتالعان. جامبىل وبلىستىق دەنساۋلىق ساقتاۋ باسقاراماسىنىڭ دەرگەگىنشە, 29 جاستاعى ول ازامات 23 ناۋرىزدا قىرعىزستاننان كەلگەن.

قازاقستاندا 26 ناۋرىز كۇنى ۆيرۋس جۇقتىرعاندار كۇرت كوبەيدى. دەنساۋلىق ساقتاۋ مينيسترلىگىنىڭ دەرىگىنشە, بۇگىن 32 ادامنان ۆيرۋس تابىلدى.

جالپى ەلدە 13 ناۋرىزدان بەرى ۆيرۋس جۇقتىرعان 112 ادام انىقتالدى. ولاردىڭ ەكەۋى ىندەتتەن ايىعىپ شىقسا, ءبىر ادام بۇگىن قايتىس بولدى.

ەلدە كوروناۆيرۋس ينفەكسيسىن جۇقتىرعانداردىڭ باسىم بولىگى الماتىدا مەن نۇر-سۇلتاندا. ؛

كوروناۆيرۋسقا بايلانىستى قازاقستاننىڭ بارلىق اۋماعىندا 16 ناۋرىزدان 15 ساۋىرگە دەيىن توتەنشە جاعداي. ال الماتى مەن نۇر-سۇلتان 19 ناۋرىزدان باستاپ كارانتينگە جابىلعان. بۇل قالالارعا كىرىپ-شىعۋعا تىيىم سالىنعان. بۇگىننەن باستاپ قالا ىشىندە ازىق-تۇلىك دۇكەندەرى مەن ءدارىحانالار عانا جۇمىس ىستەپ تۇر. ؛ ؛

 ؛