26 ناۋرىز, 2020 news
كورنەكى سۋرەت
الماتى اكىمىنىڭ ءباسپاسوز قىزمەتى قالادا كوروناۆيرۋس انىقتالعان ازاماتتاردىڭ جاعدايى تۋرالى حابارلادى.
اكىمدىكتىڭ دەرگەنىشە, بۇگىندە قالالىق كلينيكالىق جۇقپالى اۋرۋلار اۋرۋحاناسىندا 40 پاسيەنت جاتىر. ونىڭ ەكەۋى &ndash؛ بالا.
38 پاسيەنتتىڭ جاي-كۇيى &ndash؛ قاناعاتتانارلىق, 1 بالانىڭ جاعدايى اۋىرلىعى ورتاشا دارەجەدە. ءبىر ناۋقاستىڭ جاعدايى اۋىر. 1956 جىلى تۋعان پاسيەنت ەنتىگۋىنە بايلانىستى وكپەنى جاساندى جەلدەتۋ اپپاراتىندا جاتىر. دارىگەرلەر ناۋقاستىڭ اۋىر جاعدايىن وكپەنىڭ سوزىلمالى وبسترۋكتيۆتى اۋرۋىنىڭ بولۋىمەن بايلانىستىرادى.
بۇدان بولەك پروۆيزورلىق گوسپيتالداردا كارانتيندە 938 ازامات, ونىڭ ىشىندە 56 بالا باقىلانۋدا. ازاماتتاردىڭ تەمپەراتۋراسى قالىپتى جاعدايدا.
سونداي-اق بۇگىن, 26 ناۋرىزدا قالالىق جۇقپالى اۋرۋلار اۋرۋحاناسىنان covid-19 راستالعان ايەل ەمدەلىپ شىعارىلدى. ول ەلدە كوروناۆيرۋستىق ينفەكسيا انىقتالعان العاشقىلاردىڭ ءبىرى بولاتىن. پاسيەنت ۆيرۋستى ەۋروپا ەلدەرىنىڭ بىرىندە جۇقتىرعان. ول ۆيرۋسقا قارسى ەمدەۋ مەن سيمپتوماتيكالىق تەراپيانىڭ تولىق كۋرسىن الدى. اۋرۋ سيمپتومدارسىز ءوتىپ, ۆيرۋسقا قارسى ەم قاناعاتتانارلىق جاعدايدا ءوتتى. ەمدەۋ كەزەڭىندە اسقىنۋلار بولعان جوق. سوڭعى ەكى باقىلاۋ تالداۋى قورىتىندىسى بويىنشا كوروناۆيرۋس انىقتالعان جوق.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر