الماتى مەن نۇر-سۇلتاندا ۇيدەن شىعۋعا شەكتەۋ قويىلادى

قازاقستاندا كوروناۆيرۋسقا بايلانىستى قۇرىلعان توتەنشە جاعداي جونىندەگى مەملەكەتتىك كوميسسيا 28 ناۋرىزدان باستاپ نۇر-سۇلتان جانە الماتى قالالارىندا كارانتين رەجيمىن كۇشەيتۋ تۋرالى شەشىم شىعاردى. بۇل تۋرالى ؛رrimeminister.kz ؛سايتى حابارلادى.

مەملەكەتتىك كومميسيا شىعارعان شەشىمگە سايكەس, 28 ناۋرىز ساعات 00.00-دەن باستاپ الماتى مەن نۇر-سۇلتاندا تومەندەگىدەي شەكتەۋلەر قويىلادى.

• ازىق-تۇلىك, دارى-دارمەك ساتىپ الۋدى جانە جۇمىسقا بارۋدى قوسپاعاندا, ازاماتتاردىڭ تۇرعىن ۇيدەن شىعۋىن شەكتەۋ؛
• حالىق كوپ جينالاتىن ورىنداردى جابۋ (ساياباقتار, سكۆەرلەر, جاياۋ جۇرەتىن كوشەلەر, جاعالاۋلار, ويىن الاڭدارى جانە ت. ب.)؛
• قوعامدىق كولىك جۇمىسىن كەزەڭ-كەزەڭمەن شەكتەۋ؛
• كوشەلەردە جانە باسقا دا قوعامدىق ورىنداردا ءۇش ادامنان ارتىق توپتاسىپ جينالۋعا تىيىم سالۋ (وتباسى مۇشەلەرىنەن باسقا)؛
• كامەلەتتىك جاسقا تولماعانداردىڭ ۇلكەندەرسىز سىرتتا جۇرۋىنە تىيىم سالۋ. ؛

قازاقستاندا 26 ناۋرىز كۇنى ۆيرۋس جۇقتىرعاندار كۇرت كوبەيدى. دەنساۋلىق ساقتاۋ مينيسترلىگىنىڭ دەرىگىنشە, بۇگىن 28 ادامنان ۆيرۋس تابىلدى. ەلدە ىندەت جۇقتىرعاندار سانى 109-عا جەتتى. ءقازىر الماتىدا ؛&ndash؛ 40 ادام, نۇر-سۇلتاندا ؛&ndash؛ 61 ادام, قاراعاندىدا ؛&ndash؛ ەكى ادام, شىمكەنتتە ؛&ndash؛ ەكى ادام, الماتى وبلىسىندا ؛&ndash؛ ءبىر ادام, اقتوبە وبلىسىندا &ndash؛ ءبىر ادام, جامبىل وبلىسىندا &ndash؛ ءبىر ادام, سولتۇستىك قازاقستان وبلىسىندا ءبىر ادام ەمدەلىپ جاتىر. ؛

كوروناۆيرۋسقا بايلانىستى قازاقستاننىڭ بارلىق اۋماعىندا 16 ناۋرىزدان 15 ساۋىرگە دەيىن توتەنشە جاعداي. ال الماتى مەن نۇر-سۇلتان 19 ناۋرىزدان باستاپ كارانتينگە جابىلعان. بۇل قالالارعا كىرىپ-شىعۋعا تىيىم سالىنعان. بۇگىننەن باستاپ قالا ىشىندە ازىق-تۇلىك دۇكەندەرى مەن ءدارىحانالار عانا جۇمىس ىستەپ تۇر. ؛ ؛