وڭتۇستىك كورەيادا كولىكپەن بالا قاققان قازاقستاندىققا سوت ۇكىمى جەڭىلدەتىلدى

قر سىرتقى ىستەر مينيسترلىگى ؛وڭتۇستىك كورەيادا ەكى جىل التى اي مەرزىمگە باس بوستاندىعىنان ايىرىلعان قازاقستان ازاماتى سىرىم شارىبەككە تاعايىندالعان جازا وزگەرتىلگەنىن حابارلادى.

مينيسترلىك مالىمەتىنشە, بۇگىن, ياعني 26 ناۋرىزدا چانگۆون قالاسىندا قازاقستان ازاماتىنا قاتىستى ءىس بويىنشا اپەللياسيالىق سوتتىڭ قورىتىندى وتىرىسى وتكەن.

"سوت وتىرىسىنا قازاقستاندىق ديپلوماتتار دا قاتىستى. كورەياداعى قر ەلشىلىگىنىڭ قولداۋىمەن اۋدارماشى قىزمەتى اقىسىز نەگىزدە ۇسىنىلدى. تىڭداۋ بارىسىندا سوت بۇرىن شىعارىلعان ۇكىمدى (2 جىل 6 اي) تىم قاتاڭ دەپ ساناپ, باس بوستاندىعىنان ايىرۋ مەرزىمىن تۇزەۋ جۇمىستارىمەن قوسا العاندا 2 جىلعا دەيىن قىسقارتۋ تۋرالى شەشىم قابىلدادى. سونىمەن قاتار, قورعاۋ تاراپىنىڭ كورەيا رەسپۋبليكاسىنىڭ جوعارعى سوتىنا 7 كۇن ىشىندە اپپەلياسياعا بەرۋ قۇقىعى بار. اتالعان ۋاقىت بويى س. شارىبەك تەرگەۋ يزولياتورىندا بولادى, ال اپەللياسيا بولماعان جاعدايدا چانگۆون قالاسىنىڭ تۇرمەسىنە اۋىستىرىلادى. ؛جازانى وتەۋ مەرزىمى ۇستالعان ساتتەن, ياعني 2019 جىلعى 14 قازاننان باستاپ ەسەپتەلەدى. وسىلايشا, جازانىڭ جالپى مەرزىمى 1 جىل 6 ايدى قۇرايدى. ءبىزدىڭ وتانداسىمىزدىڭ جاعدايى جاقسى, ونىڭ ەشقانداي شاعىمى جوق" دەلىنگەن مينيسترلىك تاراتقان اقپاراتتىق حابارلامادا.

2019 جىلعى 16 قىركۇيەكتە كورەيا رەسپۋبليكاسىندا زاڭسىز جۇرگەن قازاقستان ازاماتى كولىكپەن بالانى قاعىپ, وقيعا ورنىنان قاشىپ كەتكەن. ونىڭ جۇرگىزۋشى كۋالىگى بولماعان. ؛ارتىنشا ۇشاققا بيلەت الىپ, قازاقستانعا قايتىپ كەتكەن. ؛ال قازان ايىنىڭ ورتاسىندا قازاقستاندىق جىگىت تەرگەۋ شارالارىنا قاتىسۋ ءۇشىن سەۋل قالاسىنا ءوز ەركىمەن ۇشىپ بارعان. ول چانگۆون قالاسىنىڭ تەرگەۋ يزولياتورىنا قامالدى.

تەرگەۋ بارىسىندا زارداپ شەككەن بالانىڭ جولدى رۇحسات ەتىلمەگەن جەردەن كەسىپ وتكەنى انىقتالدى. جابىرلەنۋشىنىڭ اتا-اناسى بالالارىنىڭ ميىنا قان كەتكەنىن, ونىڭ ەمىنە 50 مىڭ دوللاردان استام قارجى جۇمسالعانىن, بالا كۇتىمى ءۇشىن جۇمىستان شىعۋلارىنا تۋرا كەلگەنىن ايتىپ, ايىپتالۋشىعا كەشىرىم بەرمەگەن.