24 ناۋرىز, 2020 news
ۇلىبريتانياداعى مارجان ەسىمدى قازاقستاندىق كوروناۆيرۋستان قالاي ەمدەلگەنى تۋرالى instagram جەلىسىندە جازبا جاريالادى. ول ءۇي كارانتينىندە قاجەتتى ەم شارالارىن الىپ, قالاي كۇتىنگەنىن اشىپ ايتتى.
&ndash؛ بارلىعى 2 اپتا بۇرىن باستالدى. كەنەتتەن باسىم اۋىرىپ, ءوزىمدى ءالسىز سەزىندىم. ءبىر اپتانىڭ ىشىندە وسى اۋرۋ بەلگىلى بولدى. بىردە پايدا بولىپ, بىردە جوق بولدى. دۇيسەنبىدەن باستاپ بوريس دجونسون ەلدەگى اسا (دارىگەرلەر, كولىك جۇرگىزۋشىلەرى) قاجەتتى ماماندىق يەلەرىنەن باسقا بارلىق ادامدارعا ۇيدە قاشىقتىقتان جۇمىس جاساۋعا بۇيىردى. سول سەبەپتى سەيسەنبىدەن باستاپ ۇيدە جۇمىس ىستەدىم, بىرنەشە رەت ونلاين كەزدەسۋ وتكىزدىم, الايدا تۇستەن كەيىن دەمالىس الدىم. سەبەبى ءوزىمدى ناشار سەزىندىم. ال تۇندە دەنە قىزۋىم كوتەرىلدى. كەلەسى كۇنى جالعاسا بەردى, بۇلشىق ەتتەرىم اۋىرىپ, قالتىراۋ باستالدى. ءبىراق سۋىق تيۋ بەلگىلەرى, جوتەل بولعان جوق, &ndash؛ دەدى مارجان ەسىمدى جەلى قولدانۋشىسى.
ونىڭ ايتۋىنشا, بەيسەنبى كۇنى قىزۋى ءتۇسىپ, ءوزىن ءالسىز سەزىنگەن. تەك شومىلۋ مەن نامازعا تۇرىپ جۇرگەن. سونداي-اق ول اۋىرعان ۋاقىتتا ەشقانداي ءيىستى سەزبەگەنىن اتاپ ءوتتى.
⠀
&ndash؛ كەيىننەن دارىگەر بۇنىڭ كوروناۆيرۋس ەكەنىن انىقتادى. ەشقانداي ەم جوعىن جانە دەمالىپ, يممۋنيتەتىم اۋرۋدى جەڭگەنشە كۇتىنۋىمدى ايتتى. قۇدايعا شۇكىر مەن تىنىس الۋ سىرقاتتارىمەن اۋىرمايمىن. تەمەكى شەكپەيمىن, ىشىمدىك ىشپەيمىن. كۇيەۋىم بال قوسىلعان ءزىمبىر سۋسىنىن ؛كۇندەلىكتى دايىنداپ بەردى. يممۋنيتەتىمدى كوتەرۋ ءۇشىن جاسالىپ جاتقان بارلىق دۇنيەلەر اسەر ەتىپ, جاقسى ناتيجە بەرىپ جاتىر. كەيىننەن ۇلىم دا اۋىرىپ قالدى, الايدا بالالار بۇل ۆيرۋسپەن جاقسى كۇرەسەدى ەكەن, &ndash؛ دەدى مارجان.
ول جەلىدەگى وقىرماندارىنا كوروناۆيرۋستىڭ بەلگىلەرى تابىلعان جاعدايدا ەشقانداي دۇربەلەڭگە سالىنباي, ءۇي جاعدايىندا قالاي كۇتىنۋ قاجەتتىگىن اتاپ ايتتى. ؛
⠀
&ndash؛ اۋىرعان ادامداردىڭ 80%-ى ءۇي جاعدايىندا جازىلادى, ولاردا مەنىكى سياقتى اۋرۋدىڭ بەلگىلەرى نەمەسە ودان جەڭىل تۇرلەرى بولۋى مۇمكىن. ەڭ باستىسى &ndash؛ دۇربەلەڭگە سالىنباۋ. جاراتۋشى ادامنىڭ ءومىرىنىڭ سوڭىن اۋرۋعا الىپ كەلسە, ودان ەشقانداي جولمەن قاشىپ قۇتىلا المايسىڭ, كەرىسىنشە وعان شاحيد دارەجەسى بەرىلەدى. ال اۋرۋدىڭ تارالماۋى ءۇشىن ۇيدە وتىرعان ادامدارعا ساۋاپ شاحيدپەن بىردەي بەرىلەدى, &ndash؛ دەپ ول وقىرماندارىن سابىرعا شاقىردى.
مارجان ءوزىنىڭ باستان كەشكەن وقيعاسىن بايانداي وتىرىپ, دارىگەرلەردىڭ گيگيەناعا بايلانىستى كەڭەستەرىن ۇزدىكسىز ورىنداۋعا جانە يممۋنيتەتتى كۇشەيتىۋگە كەڭەس بەردى. ؛
&ndash؛ ويتكەنى يممۋنيتەت &ndash؛ ۆيرۋسپەن كۇرەسەدى. جاڭا دايىندالعان كوكونىس پەن جەمىس سۋسىندارىن, قارا زەرە مايىن ىشىڭىزدەر, سونىمەن قاتار دارۋمەندەرگە باي تابيعي تاعامداردى جەڭىزدەر. ەگەر دە دەنىڭىز ساۋ بولسا, سپورتپەن شۇعىلدانىڭىزدار. اۋرۋدىڭ بەلگىلەرى تابىلسا, قورعانىپ, ءوزىڭىزدى وقشاۋلاڭىز, &ndash؛ دەدى ءسوزىن تۇيىندەپ.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر