«قازىرگى احۋال توقسانىنشى جىلداردىڭ باسىنا ۇقسايدى»: نازارباەۆ ۇندەۋ جاسادى

نازارلارىڭىزعا ۇندەۋدىڭ تولىق ءماتىنىن ۇسىنامىز.

قىمباتتى وتانداستار!

بۇگىندە ءبارىمىز كوروناۆيرۋستىڭ جاھاندىق پاندەمياعا ۇلاسقانىنا كۋا بولىپ ءوتىرمىز.

قازىر ۆيرۋس جەر شارىنداعى 155-تەن استام مەملەكەتتىڭ, سونىڭ ىشىندە قازاقستاننىڭ دا اۋماعىنا تارالۋدا.

ىندەتتىڭ گەوگرافيالىق ءورىسى ۇزدىكسىز كەڭەيىپ, قۇرباندارىنىڭ سانى دا ءوسىپ كەلەدى.

بۇل جاعدايدى حالىقارالىق ەكونوميكالىق داعدارىس &ndash؛ شيكىزات, ۆاليۋتا جانە قارجى نارىقتارىنىڭ قۇلدىراۋى ۋشىقتىرا تۇسۋدە.

مۇنىڭ ءبارى ءبىزدىڭ ەلدى دە اينالىپ وتپەيتىنى انىق.

باسقاشا ايتقاندا, ءبىز ءقازىر «؛دۇلەي داۋىل»؛ دەپ سيپاتتاۋعا بولاتىن ۇلكەن قاۋىپ-قاتەر الدىندا تۇرمىز.

شەشۋ جولدارىن تابۋ تۇرعىسىنان كۇردەلى بوپ وتىرعان قازىرگى احۋال ءبىر جاعىنان 1990-شى جىلداردىڭ باسىنداعى جاعدايعا ۇقسايدى.

ول كەزدە ءبىز شىن مانىندە وتە قيىن جاعدايدا بولعان ەدىك.

وسىنداي اۋىر كەزەڭدە مەن بارلىق قازاقستاندىقتاردى ەل پرەزيدەنتى قاسىم-جومارت توقاەۆ پەن ۇكىمەت تاراپىنان ىسكە اسىرىلىپ جاتقان شۇعىل شارالاردى قولداۋعا شاقىرامىن.

ەل بيلىگى كوروناۆيرۋستان قورعانۋ ءۇشىن ونىڭ الدىن الۋعا باعىتتالعان كەشەندى شارالار قابىلدادى.

بۇل رەتتە توتەنشە جاعدايدىڭ جاريالانۋى &ndash؛ ماڭىزدى جانە قاجەتتى قادام.

ونداعى ماقسات &ndash؛ ءبىزدىڭ ازاماتتارىمىز بەن مەملەكەتىمىزدىڭ مۇددەسىن ءقورعاۋ.

قازىر كوروناۆيرۋس ينفەكسياسىنىڭ زالالالىن ازايتۋ جانە ەكونوميكانى تۇراقتاندىرۋ جونىندەگى ارناۋلى شتاب جۇمىس ىستەپ جاتىر.

ازىق-تۇلىك پەن ەڭ قاجەتتى تاۋارلاردىڭ, مەديسينالىق ماقساتقا ارنالعان زاتتاردىڭ تاپشىلىعىنا جول بەرمەۋ ءۇشىن بارلىق جاعداي جاسالۋدا.

مەملەكەتتىڭ الەۋمەتتىك مىندەتتەمەلەرىنىڭ ءبارى دە ورىندالۋدا.

ەلدەگى قۇقىقتىق ءتارتىپ قامتاماسىز ەتىلىپ وتىر.

وتاندىق كاسىپكەرلەرگە, شاعىن جانە ورتا بيزنەسكە جان-جاقتى قولداۋ كورسەتىلىپ جاتىر.

جۇمىس ورىندارىن ساقتاۋعا بارىنشا كۇش سالىنۋدا.

مەملەكەتتىك دەڭگەيدە قابىلدانىپ جاتقان شارالار قازىرگى قيىن احۋالعا ساي دەر كەزىندە قولعا الىندى.

مەن مۇنى تولىق قولدايمىن!

سونىمەن قاتار, قازىرگى داعدارىس ۇزاعىراق ۋاقىتقا سوزىلار بولسا, ۇكىمەت وعان قارسى شارالار ازىرلەۋگە ءتيىس.

ونداي جاعدايدا ەلىمىزدى جانە ازاماتتارىمىزدى قاتاڭ ۇنەمشىلدىككە, كەشەندى ورنىقتى دامۋ باعدارىنا شىعۋعا دايىنداۋ كەرەك.

قۇرمەتتى قازاقستاندىقتار!

دانا حالقىمىزدا «؛كەمەدەگىنىڭ جانى ءبىر»؛ دەگەن ۇلاعاتتى ءسوز بارىن بىلەسىزدەر.

وسىناۋ سىن ساعاتتا ورتاق ىستەن ەشكىم دە سىرت قالماۋعا تيىس.

بىرىنشىدەن, ۇكىمەت بيۋدجەت سالاسى قىزمەتكەرلەرىنىڭ, ستۋدەنتتەردىڭ, شاعىن جانە ورتا بيزنەستىڭ اۋىرتپالىعىن جەڭىلدەتۋ باعىتىنداعى ناقتى قادامدارىن جاريا ەتتى.

بىراق تەك قانا مەملەكەتتىڭ كۇش-جىگەرى جەتكىلىكسىز بولادى.

زاۋالدى ەڭسەرۋ ءۇشىن باسقا دا قوسىمشا رەسۋرستاردى جۇمىلدىرعان ءجون.

اربىر ازامات ءوزىنىڭ قولىنان كەلەتىن ۇلەسىن قوسۋعا تيىس.

مەن بۇل قيىن كەزەڭدە ەل-جۇرتقا كومەكتەسكىسى كەلەتىن جانە جاردەم بەرە الاتىن ادامداردىڭ قاراجاتى جيناقتالاتىن رەسپۋبليكالىق قور قۇرۋدى ۇسىنامىن.

وسىنداي جاعدايدا بۇرىنعىشا وتاندىق ءىرى كاسىپورىندار دا قولداۋىن كورسەتەدى دەپ سەنەمىن.

ونداي قورلاردى ءاربىر وبلىس ورتالىعىندا جانە رەسپۋبليكالىق ماڭىزى بار قالالاردا قۇرۋ قاجەت.

ول جۇمىستى تيىسىنشە سول جەرلەردىڭ اكىمدەرى جۇزەگە اسىرعانى دۇرىس.

بۇكىل حالىق, قالىڭ ەل, جالپاق جۇرت بولىپ جۇمىلۋدىڭ جارقىن ۇلگىسى مەن تيىمدىلىگىن ءبىز ارىس قالاسىن اپاتتان كەيىن جەدەل قالپىنا كەلتىرگەن كەزدە كورسەتكەن ەدىك.

ەكىنشىدەن, مەن ءقازىردىڭ وزىندە ۇلتتىق بيزنەس وكىلدەرىنىڭ ەل-جۇرتقا كورسەتىپ جاتقان كومەگى ءۇشىن ريزاشىلىعىمدى بىلدىرەمىن.

مۇنداي مارتتىك جالعاسىن تاۋىپ, وعان قوسىلاتىن بيزنەس وكىلدەرىنىڭ سانى كوبەيە تۇسەدى دەگەن ۇمىتتەمىن.

كومپانيالار يەلەرى وزدەرىنىڭ قول استىندا ەڭبەك ەتىپ جۇرگەن جاندارعا قارجىلاي دا, مورالدىق تۇرعىدان دا جاردەمدەسەدى دەپ سەنەمىن.

ماسەلەن, ۋاقىتشا دەمالىسقا جىبەرۋگە ءماجبۇر بولعان جاعدايدا ەڭبەككەرلەردى اقىلى تۇردە ؛ بوساتقان نەمەسە قىسقارتىلعان جۇمىس كەستەسىنە كوشكەن ابزال.

وتاندىق بيزنەس وكىلدەرىن جالدامالى قىزمەتكەرلەردى جۇمىستان شىعارماۋعا شاقىرامىن.

سىزدەر جۇمىس ورىندارىن ساقتاۋ ارقىلى قوعامعا قامقورلىقتارىڭىزدى كورسەتەسىزدەر.

ەلىمىزدىڭ كەن ءوندىرىسى مەن شيكىزات رەسۋرستارىن وڭدەۋ جانە ونەركاسىپ سالاسىنداعى ءىرى ينۆەستورلار دا ۇكىمەتپەن, اكىمدىكتەرمەن بىرلەسە وتىرىپ, وزدەرى جۇمىس ىستەپ جاتقان وڭىرلەردىڭ تۇرعىندارىنا قولداۋ كورسەتۋگە ءتيىس.

قيىندىقتا قول ۇشىن بەرۋ &ndash؛ يگى ءداستۇر, حالقىمىزدىڭ قانىندا بار, بويىمىزعا سىڭگەن اسىل قاسيەت.

ۇشىنشىدەن, قازىرگى ۋاقىتتا ەڭ اۋەلى اسا مۇقتاج جاندارعا كومەك كورسەتۋ كەرەك.

مەنىڭ تاپسىرماممەن «؛nur otan»؛ پارتياسىنىڭ جوبالارى اياسىندا 150 ميلليون تەڭگە ءبولىندى.

بۇل قاراجات كارانتين جاريالانعان نۇر-سۇلتان جانە الماتى قالالارىنداعى الەۋمەتتىك جاعدايى تومەن ازاماتتارعا اتاۋلى كومەك كورسەتۋگە جۇمسالادى.

كوروناۆيرۋس ينفەكسياسىنىڭ تارالۋىنا جول بەرمەۋ ءۇشىن ؛ مەنىڭ شەشىممەن تۇڭعىش پرەزيدەنت قورى ەسەبىنەن تاعى 200 ميلليون تەڭگە ءبولىندى.

جالپى, كوروناۆيرۋسقا قارسى كۇرەسكە ارنالعان قاراجاتتىڭ دۇرىس جۇمسالۋىن «؛nur otan»؛ پارتياسى باقىلاۋىندا ۇستايدى دەپ ويلايمىن.

تورتىنشىدەن, ۇلكەن كىسىلەردى, بالالار ءۇيى  ؛تاربيەلەنۋشىلەرى مەن ارناۋلى اۋراحانالارداعى ناۋقاستاردى قاجەتتى زاتتارمەن ۇزبەي قامتاماسىز ەتۋگە باسا كوڭىل بولگەن جون.

ەلىمىزدىڭ كومەككە مۇقتاج ءاربىر ازاماتىنا قامقورلىق كورسەتىلۋگە ءتيىس.

قازاقستاندىقتار قيىن كەزەڭدەردە ءاردايىم بىر-بىرىنە جاردەمدەسكەن.

بۇل ىسكە ەرىكتىلەر قوزعالىسىنىڭ وكىلدەرى دە اتسالىسادى ؛ دەپ سەنەمىن.

بەسىنشىدەن, ءبىز پاندەميامەن كۇرەستىڭ «؛الدىڭعى شەبىندە»؛ جۇرگەن دارىگەرلەر مەن مەدبيكەلەردى, ؛قۇقىق قورعاۋ ورگاندارى مەن اسكەري قىزمەتكەرلەردى قولداۋىمىز كەرەك.

ولاردىڭ يىعىنا اۋىر جۇك ءتۇسىپ, زور جاۋاپكەرشىلىك ارتىلىپ وتىر.

جۇرتشىلىقتىڭ ولارعا كومەكتەسىپ, تۇسىنىستىك تانىتۋعا جانە بارلىق نۇسقاۋىن جاۋاپكەرشىلىكپەن ورىنداۋعا تىرىسقانى ءجون.

قادىرلى ءوتانداستار!

بىزدىڭ بىرلىگىمىز &ndash؛ قازىرگى قيىندىقتى ەڭسەرۋدىڭ كەپىلى.

تاۋەلسىز قازاقستان تاريحىندا بۇدان دا كۇردەلى كەزەڭدەردى باستان وتكەردىك.

بارلىق اۋىرتپالىقتى جەڭىپ, ءاردايىم ورتاق وتانىمىزدىڭ گۇلدەنۋى جولىندا ەڭبەك ەتىپ كەلەمىز.

وسى جولعى سىناقتى دا ەل بولىپ ەڭسەرەمىز دەپ سەنەمىن.

قازاقستاننىڭ جولى قيىندىقسىز بولمايتىنىن مەن تاۋەلسىزدىكتىڭ باستاپقى كەزىندە-اق بىلگەنمىن.

بۇل رەتتە تاريح پەن ۋاقىت ءبىزدىڭ جوسپارىمىزعا وزگەرىستەرىن ەنگىزەتىنىن ەسكەرگەن ەدىم.

جايما-شۋاق كەزدەردىڭ وزىندە دە ءبىز الدىمىزدان شىعۋى مۇمكىن سىن-قاتەرلەرگە دايىندالىپ, الماعايىپ ۋاقىتتاردا قاجەت بولاتىن رەزەرۆ قالىپتاستىردىق.

جيناقتالعان التىن-ۆاليۋتا قورى مەن ۇلتتىق قور قاراجاتى ءاردايىم ءبىزدىڭ قابىلداعان شارالارىمىز بەن جالپى ۇلتتىق ەكونوميكانى قولداۋعا سەپتىگىن تيگىزدى.

قازىر وسى كۇردەلى احۋالدان شىعۋ ءۇشىن قازاقستاندا بارلىق قاجەتتى رەسۋرس بار, قور دا جەتكىلىكتى.

بۇل &ndash؛ ءبىزدىڭ «؛الدىمەن ەكونوميكا, سوسىن ساياسات»؛ قاعيداتىنا نەگىزدەلگەن باعىت-باعدارىمىزدىڭ ناقتى ناتيجەسىنىڭ ءبىرى.

جاڭادان مەملەكەت قۇرۋ وڭاي ەمەس, ال ونى سىن-قاتەردەن قورعاۋ جانە تاۋەلسىزدىكتى ساقتاپ قالۋ ودان دا قيىن.

بىزدە تاجىريبە دە, ناقتى ىس-ارەكەت الگوريتمى دە بار.  ؛

مەن ۇلتتى ۇيىستىرۋدىڭ, بىرلىك پەن قوعامداعى كەلىسىمنىڭ ماڭىزدىلىعىن ۇنەمى ايتىپ كەلەمىن.

تۇتاستىعىمىزدى تاعى ءبىر رەت دالەلدەيتىن كۇن تۋدى.

ەلىمىزدىڭ بارلىق ازاماتتارىن توزىمدىلىك تانىتۋعا, مەملەكەت قابىلداپ جاتقان شارالاردى قولداۋعا شاقىرامىن.

بىرلىك باردا الىنبايتىن اسۋ جوق.

كەلە جاتقان ناۋرىز مەيرامى &ndash؛ ءبىزدىڭ بىرلىگىمىزدىڭ نىشانى.

شۋاقتى مەرەكە قارساڭىندا ءاربىر شاڭىراققا شاتتىق پەن يگىلىك تىلەيمىن!

بارلىق اۋىرتپالىق ءبىزدى اينالىپ وتكەي.

قازاقستان بۇل قيىندىقتى دا ەڭسەرىپ, دامۋدىڭ جاڭا كەزەڭىنە اياق باسادى دەپ نىق سەنەمىن.

بىز بىرگەمىز!