ايسۇلتان راحات: نۇرسۇلتان نازارباەۆتىڭ پرەزيدەنتتىككە قايتىپ ورالاتىن ۋاقىتى كەلدى

ەكس-پرەزيدەنت نۇرسۇلتان نازارباەۆتىڭ جيەن نەمەرەسى ايسۇلتان راحات facebook جەلىسىنە جازبا جاريالادى. ول وندا ءوز ءومىرى تۋرالى, قانداي قاتەلىكتەر جاساعانى تۋرالى جازعان. ؛

"مەن وسىعان دەيىنگى جاساعان كۇنالارىم مەن ءومىر جولىم تۋرالى ايتۋعا دايىنمىن. ؛ مەن 1990 جىلى 26 تامىزدا الماتى قالاسىندا, قازكسر-دە دۇنيەگە كەلدىم. بۇل حاتىمدا بارىنشا شىنشىل بولۋعا تىرىسامىن. ؛ مەن جەر بەتىندەگى ەڭ جامان ادام بولدىم, ءتىپتى اقىلعا قونىمسىز جاماندىقتار جاسادىم. وزىمە جانە وتباسىما, جانىمداعى جاقىندارىما جاساعان جاماندىقتارىم ءۇشىن قاتتى وكىنەمىن جانە اللانىڭ الدىندا تىزەرلەپ تۇرىپ كەشىرىم سۇرايمىن. ءوزىمنىڭ جان دۇنيەمنەن جاساعان جاماندىقتارىمدى كورەمىن جانە بۇل وتە اۋىر. ءبىراق جانىمنىڭ اۋىرعانى ءبىر جاعىنان جاقسى, بۇل مەنىڭ ءومىر ءسۇرىپ جاتقانىمدى بىلدىرەدى. سونداي-اق مەندە بارلىعىن وزگەرتۋگە مۇمكىندىك بار.

بالالىق شاعىمدا وتە مەيىرىمدى بالا بولعانىم ەسىمدە. وكىنىشكە قاراي, توعىز جاسىمدا بايدىڭ بالالارى وقيتىن جاڭا مەكتەپكە اۋىستىم. كەيىن مەيىرىمدى بولۋدىڭ ءتيىمسىز ەكەنىن ءتۇسىندىم. سىنىپتا مەنى بارلىعى مازاق قىلىپ, جىلاتاتىن. تاڭنان كەشكە دەيىن جىلايتىنمىن. مەن ءومىر سۇرگەن قوعام ساناما جاڭا يدەولوگيانى ءسىڭىردى. 2001 جىلعى ساياسي كريزيستەن كەيىن نۇرسۇلتان نازارباەۆ پەن راحات اليەۆتىڭ اراسىندا العاش رەت كەلىسپەۋشىلىك پايدا بولدى. كەيىن راحات اليەۆتى اۆسترياعا ەلشى رەتىندە جىبەردى. تاعدىردىڭ جازۋىنا ساي, مەن دە اكەممەن بىرگە قازاقستاننان اۆسترياعا كوشىپ باردىم. بىزبەن بىرگە اكەمنىڭ كومانداسىندا جۇمىس ىستەگەن بىرنەشە ۇقك قىزمەتكەرى دە اۆسترياعا كوشتى. ال داريعا نازارباەۆا بولسا "اسار" ساياسي پارتياسىنىڭ جۇمىستارىمەن قازاقستاندا قالدى. مەنى راحات اليەۆ تاربيەلەدى. 11 جاسىمدا اكەمنىڭ قىزمەتكەرلەرى قوعام ءۇشىن جابىق بولعان "كگب" ادەبيەتىن ۇيرەتە باستادى. بۇل ادەبيەتتە ءار ادامنىڭ ءناجىس ەكەنى ءبىراق جاعداي جاساساڭ كەز كەلگەن ادامنىڭ ۇستىنەن ءناجىستى كەتىرۋگە بولاتىنى جازىلعان. سوندىقتان بۇل جاتتىعۋ جاعدايدى قالىپتاستىرۋدى ۇيرەتتى. ول مەنەن پوليسيا قىزمەتكەرىن (وپەراتيۆنيك) جاساپ شىعارعىسى كەلگەندەي. تەوريادان بولەك پراكتيكا دا بولدى. ولار مەنىڭ سەنىمىمە كىردى. كەيىن كەزەك-كەزەك ساتقىندىق جاسادى. ساتقىندىققا ءتوزۋ سونداي اۋىر ەدى. ءبىراق مەن كەيىن ەشكىمگە ەشقاشان سەنبەيتىن بولدىم. بۇل جايتتار مەن ءۇشىن ومىرلىك ساباق بولدى دەپ ايتا الامىن. جىل وتكەن سايىن پسيحولوگيالىق تۇرعىدان مىقتى بولا باستادىم. 16 جاسىمدا جەدەل-ىزدەستىرۋ ىستەرىنە ماشىقتانعانىم سونشالىق, كەز كەلگەن ادامنىڭ سەنىمىنە وڭاي كىرىپ, كەز كەلگەن سىرىن بىلە الاتىنمىن. مەن مانيپۋلياتور بولدىم.

بىراق بۇل ارەكەتتەردى جاندۇنيەم قالامادى. مەنى بۇل جامان الەمنەن قۇتقارعان تەك فۋتبول بولدى. مەن تەك فۋتبول الاڭىندا ويناپ جۇرگەن كەزدە عانا شىنايى ايسۇلتان بولا الدىم. انگليادا فۋتبول ويناۋعا كەتۋ ءۇشىن 2006 جىلى مەن نۇرسۇلتان نازارباەۆ پەن راحات اليەۆتى الدادىم. الدىمەن, نۇرسۇلتان نازارباەۆ رومان ابراموۆيچ ارقىلى ماعان «؛چەلسي»؛ كلۋبىن كورسەتتى. ءبىراق مەن بۇل سپورتتا تالانتتى بولمادىم. مىقتىلارمەن باسەكەگە تۇسپەدىم. راحات اليەۆ ماعان قاتتى اشۋلاندى. سەبەبى مەن راحات اليەۆكە ەمەس نۇرسۇلتان نازارباەۆقا ءوتىنىش جاسادىم. كەيىن راحات اليەۆ ماعان جاقسى كورىنۋ ءۇشىن ءوزىنىڭ ەسكى دوسى الەكساندر گايداماك ارقىلى مەنى «؛پورتسمۋت»؛ فۋتبول كلۋبىنا قوستى. تالانتتى بولعانىم ءۇشىن ەمەس, تانىس ارقىلى كلۋبتا وينادىم" دەپ جازدى ايسۇلتان نازارباەۆ. ؛

سونداي-اق ايسۇلتان نازارباەۆ ەكس-پرەزيدەنتتىڭ وتستاۆكاعا كەتۋىنە بايلانىستى دا پىكىر ءبىلدىردى. ؛

"نۇرسۇلتان نازارباەۆتىڭ وتستاۆكاعا كەتۋىنىڭ ارتىندا كارىم ءماسىموۆ پەن تيمۋر كۇلىباەۆ تۇر. ءبىراق قانداي ماقساتپەن؟ داريعانى تولىعىمەن ورنىنان ىعىستىرعىسى كەلە مە؟

بىراق بۇل ادامدار قالايشا مەنىڭ ۇستانىمىمدى اشىق تۇردە قولداي الادى؟ سەبەبى ولار نازارباەۆتىڭ ۇلدارىنا ادال بولۋ تۋرالى دا انت بەرگەن. ال ولار ءوز ۋادەلەرىن ورىندامادى. بۇگىن قىزىنىڭ اياعىنان شالۋعا تىرىسسا, ەرتەڭ ۇلدارىن دا ۇرىپ-سوعادى. بۇل مەملەكەتتى تەز شەشىم قابىلداي الاتىن ءبىر عانا ادام باسقارۋى كەرەك. ءبىز ودان پرەزيدەنتتىككە قايتا ورالۋىن ءوتىنۋىمىز كەرەك. سەبەبى ونىڭ مول تاجىريبەسى كريزيستەن شىعۋعا كومەكتەسەدى. ءيا, كەلىسەمىن نۇرسۇلتان نازارباەۆ كوپ قاتەلىك جاسادى. ءبىراق ءقازىر ونىڭ پرەزيدەنتتىككە قايتىپ ورالاتىن ۋاقىتى كەلدى. كىم نە ويلايتىنى ماڭىزدى ەمەس, ءبىراق ول قازىرگى جاعدايدى تۇزەتۋگە بەل بايلاپ ورالعانى ماڭىزدى" دەپ جازدى ايسۇلتان راحات. ؛

تاعى وقىڭىز!

&diams؛ ؛توقاەۆ 1 جىلدا قانداي پرەزيدەنت بولدى؟

 ؛