• usd 399.67
  • eur 452.95
  • rub 5.82
  • cny 56.36

19 ناۋرىز, 2020 news

داريعا نازارباەۆا مالىمدەمە جاسادى

اشىق دەرەككوز

پارلامەنت سەناتىنىڭ ءتوراعاسى داريعا نازارباەۆا پالاتانىڭ جالپى وتىرىسى مەن كوميتەت وتىرىستارىنا شاقىرتىلاتىن ادامداردىڭ سانىن شەكتەۋدى تاپسىردى. ؛

"وزدەرىڭىز بىلەسىزدەر, ەلدە توتەنشە جاعداي جاريالاندى. بۇل دەر كەزىندە قابىلدانعان ءارى وتە قاجەتتى شارا. وسى قادامداردى جاقسى تۇسىنەمىز. وسىعان بايلانىستى ءتيىستى بۇيرىققا قول قويدىم. توتەنشە جاعداي كەزەڭىندە بارلىق ءىسساپارلار مەن جوسپارلى بۇقارالىق شارالارعا تىيىم سالىنادى. ال زاڭ شىعارۋشىلىق جۇمىس جالعاسادى. ءبىز مۇمكىندىگىنشە جالپى وتىرىس پەن كوميتەت وتىرىستارىنا شاقىرتىلاتىن ادامداردىڭ سانىن شەكتەۋمىز كەرەك" دەدى د. نازارباەۆا.

داريعا نازارباەۆا ەلدەگى توتەنشە جاعدايدىڭ سالدارىنان جۇمىسسىز قالاتىن ازاماتتاردىڭ ماسەلەسىن كوتەردى. ؛

"مەملەكەتتىڭ مىندەتى - ازاماتتاردىڭ ءومىرى مەن دەنساۋلىعىن ساقتاۋ, ەكونوميكا مەن تۇتىنۋ نارىعىنىڭ قىزمەتىن قامتاماسىز ەتۋ. باياۋلاۋعا بولمايدى. ازاماتتاردىڭ تابىسى مەن جۇمىسپەن قامتىلۋىن دا ۇنەمى نازاردا ۇستاۋىمىز قاجەت. توتەنشە جاعداي مەن كارانتين, وكىنىشكە قاراي, ىسكەرلىك بەلسەندىلىكتىڭ تومەندەۋىنە اكەپ سوعىپ جاتىر. كوپتەگەن ادام ۋاقىتشا جۇمىسسىز قالۋى مۇمكىن, ءتىپتى كۇن كورۋگە اقشاسى بولمايدى" دەدى نازارباەۆا. ؛

سەنات اپپاراتىنىڭ 70-تەن اسا قىزمەتكەرى ۇيدەن جۇمىس ىستەپ, ال قالعاندارى قىسقارتىلعان جۇمىس كۇنىنە اۋىسقان. ؛

"بىزگە ەرتەڭگى كۇنگە سەنىممەن قاراپ, بويىمىزداعى ۇرەي مەن كۇدىكتەن ارىلۋ قاجەت. الەم جۇرتشىلىعىنا تەمىر حانىم دەپ تانىلعان مارگارەت تەچەر: ء"بىزدىڭ قورقىنىشتىڭ توقسان پايىزى - ەشقاشان بولمايتىن نارسە تۋرالى" دەگەن. قازىرگى تاڭدا بارشامىز ءبارى جاقسى بولاتىنى تۋرالى ويلاپ, جاقسىلىقتان ۇمىتتەنۋىمىز كەرەك. ءبىز &ndash؛ تالاي سىندا شىنىققان مىقتى حالىقپىز. ءبىز ءبارىن جەڭەمىز! الداعى سەنبى كۇنى جارقىن مەرەكەمىز ناۋرىز كەلەدى. بۇل &ndash؛ كوكتەم مەرەكەسى, جاندانۋ مەن گۇلدەنۋ مەيرامى. ءۇمىت پەن جاڭارۋ مەرەكەسى. بارشاڭىزعا دەنساۋلىق پەن بار جاقسىلىقتى تىلەيمىن! ناۋرىز بىزگە بۇل جىلى تەك باقىت الىپ كەلسىن, قايعى مەن اۋىرتپالىقتان ارىلتسىن!" دەدى نازارباەۆا.

سونداي-اق ؛داريعا نازارباەۆا دەپۋتاتتارعا كوروناۆيرۋسقا قارسى كۇرەس قورىنا ءبىر كۇندىك جالاقىسىن اۋدارۋ تۋرالى ۇسىنىس جاسادى. ؛

"سەنات دەپۋتاتتارى مەن اپپارات قىزمەتكەرلەرىنىڭ ءبىر كۇندىك جالاقىسىن ۆيرۋسپەن ؛كۇرەس قورىنا اۋدارۋ تۋرالى ۇسىنىس بار, قارسىلىق جوق پا؟ ؛ەگەر بىرەۋ كوبىرەك بەرگىسى كەلسە, قارسىلىقتار بولمايدى, قولدايسىزدار ما ؟" دەدى داريعا نازارباەۆا. ؛

بارلىق دەپۋتاتتار ۇسىنىلعان ۇسىنىستى ءبىراۋىزدان قولدادى.

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر