• usd 399.67
  • eur 452.95
  • rub 5.82
  • cny 56.36

13 ناۋرىز, 2020 news

پرەزيدەنت جۇمىس كەستەسىنە وزگەرىس ەنگىزىلدى

فوتو: اقوردا سايتى

پرەزيدەنتتىڭ ءباسپاسوز حاتشىسى مەملەكەت باسشىسىنىڭ جۇمىس كەستەسى تۋرالى ايتىپ بەردى. بۇل تۋرالى پرەزيدەنتتىڭ ءباسپاسوز قىزمەتىنىڭ حاتشىسى بەرىك ءۋالي حابارلادى.

&ndash؛ ارينە, كوروناۆيرۋستىڭ الەمگە تارالۋى جاعدايى مەملەكەت باسشىسىنىڭ جۇمىس كەستەسىنە دە اسەر ەتتى. بۇعان دەيىن حابارلاعانىمىزداي, پاندەمياعا قارسى الدىن-الۋ شارالارى اياسىندا پرەزيدەنتتىڭ قاتىسۋى جوسپارلانعان ءبىرقاتار شارالار توقتاتىلدى. ونىڭ ىشىندە ناۋرىزدى تويلاۋ, ۇلى وتان سوعىسىنداعى جەڭىستىڭ 75 جىلدىعىنا ارنالعان پاراد بار. بۇعان دەيىن مەملەكەت باسشىسى 8 ناۋرىزعا ارنالعان سالتاناتتى جيىن مەن مەرەكەلىك كونسەرتتى دە توقتاتقان بولاتىن. مۇنىڭ بارلىعى ازاماتتاردىڭ قاۋىپسىزدىگى مەن ساۋلىعى ءۇشىن جاسالۋدا, ؛&ndash؛ دەدى بەرىك ءۋالي.

ونىڭ ايتۋىنشا, پرەزيدەنتتىڭ حالىقارالىق كەزدەسۋلەر كەستەسىنە دە وزگەرىستەر ەنگىزىلدى.

&ndash؛ قازىرگى ۋاقىتتا الەم بويىنشا ساپارلار, ەكىجاقتى جانە كوپجاقتى كەزدەسۋلەر, كەلىسسوزدەر توقتاتىلىپ جاتىر. سوندىقتان, قازاقستاندا دا ءبىرقاتار سىرتقى ساياسي شارالار, ونىڭ ىشىندە دۇنيەجۇزىلىك ساۋدا ۇيىمىنا مۇشە ەلدەردىڭ مينيسترلەرىنىڭ كەزدەسۋى سىندى جيىندار كەيىنگە قالدىرىلىپ نەمەسە توقتاتىلىپ جاتىر. سونىمەن بىرگە, پرەزيدەنتتىڭ جۇمىس كەستەسىنىڭ بوساپ قالماعانىن دا اتاپ وتكەن ءجون. پاندەميا ءبىزدىڭ ۇلتتىق مۇددەلەرىمىزدى قوزعايتىن ەكونوميكاعا, قارجىعا جانە حالىقارالىق قاتىناستارعا ىقپال ەتۋدە. سوندىقتان مەملەكەت باسشىسى جاڭا سىناقتار مەن قاۋىپ-قاتەرلەر جاعدايىنداعى ەلدىڭ ستراتەگيالىق دامۋ ماسەلەلەرىن شەشۋگە ءمان بەرىپ وتىر. سونىمەن بىرگە, ول جەدەل ارەكەت ەتۋگە كوبىرەك كوڭىل بولەدى: جينالىستار مەن كەزدەسۋلەر وتكىزەدى, جاعدايدى قاداعالايدى جانە ءتيىستى ۆەدومستۆولاردىڭ جۇمىسىن تۇراقتى باقىلاۋدا ۇستاپ وتىر, ؛&ndash؛ دەدى ب. ءۋالي.

ىلمەك سوزدەر: پرەزيدەنت توقاەۆ

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر