"؛توقاەۆتىڭ ءوز ەركىمەن دوعارىسقا كەتۋىنە سەبەپ جەتكىلىكتى..."؛

ەلىمىزدە سوڭعى كۇندەرى ورىن الىپ جاتقان وقيعالار: باس سانيتار بەكشيننىڭ كورونوۆيرۋس 11-16 ناۋرىز ارالىعىندا قازاقستاننان دا «؛ناكونەس تو»؛ تابىلاتىنى تۋرالى «؛ۋادەسى»؛, ەلباسىنىڭ پۋتينمەن كەزدەسۋى, كورونوۆيرۋس پاندەمياسىنا بايلانىستى توقاەۆتىڭ ناۋرىز مەرەكەسىنىڭ قوعامدىق ءىس-شارالارىن توقتاتۋى, سەنات ءتورايىمىنىڭ وسە تۇسكەن بەلسەندىلىگى, 16 ناۋرىزدان باستاپ مەكتەپتەر مەن جوو ورىندارىندا ساباقتىڭ بەلگىلى ءبىر مەرزىمگە دەيىن توقتاتىلۋى ەلىمىزدە ورىن الۋى ىقتيمال ماڭىزدى وزگەرىستەردىڭ العىشارتتارى ءتارىزدى كورىنەدى.

20 ناۋرىزدا قاسەكەڭنىڭ پرەزيدەنتتىك تاققا وتىرعانىنا تۋرا ءبىر جىل تولادى. بۇل مەرزىمدە ول ەكىنشى جانە ءۇشىنشى كەزەكتەگى ءبىرقاتار جۇمىستاردى اتقارعانىمەن مەملەكەت پەن حالىق ءۇشىن ماڭىزدى ءبىرىنشى كەزەكتەگى (ەلدەگى بيلىكتى تولىقتاي ءوز قولىنا الۋ, جاڭا كونستيتۋسيا قابىلداۋ, ساياسي رەجيمدى وزگەرتۋ, ت.ب.) ماسەلەلەرمەن مۇلدە اينالىسا المادى. ءسويتىپ پرەزيدەنت ەلباسىنىڭ كولەڭكەسىنەن شىعا الماي قالدى. ەكونوميكالىق احۋال دا كۇرت قۇلدىرادى, سىرقى ەلدەرگە قارىز 158 ملرد دوللارعا تايادى. ىشكى باعامدا دوللار بولسا اناۋ 400 تەڭگەدەن جوعارى شارىقتاعان. سىرت كوزگە پرەزيدەنتتىڭ ءوز ەركىمەن دوعارىسقا كەتۋىنە سەبەپ جەتكىلىكتى...

بىر جىل بۇل بيلىكتىڭ دە, حالىقتىڭ دا كۇتىپ وتىرعان مەرزىمى. بىلتىر مەملەكەت باسشىسى پرەزيدەنتتىكتەن كەتەتىنى تۋرالى جاريا ەتكەن تۇستا ساراپشىلاردىڭ ءبارى بۇل قادامنىڭ ماقساتى &ndash؛ داريعانى تاققا وتىرعىزۋ ەكەندىگىن اينا-قاتەسىز سەزگەن. باسقا دا قوسىمشا نۇسقالار قاراستىرىلعانىن ەسەپتەن شىعارۋعا بولمايدى. ءبىراق قازىرگى جاعدايدا بارلىق شارۋا وسى يدەيانىڭ فينالىنا باستاپ كەلەدى.

ياعني ءتىپتى تاياۋ كۇندەردە ق.ك.توقاەۆ ءتۇرلى سەبەپپەن ءوزىنىڭ دوعارىسقا كەتەتىنىن مالىمدەسە ءوز باسىم مۇلدە تاڭ قالمايمىن. ونداي جاعدايدا داريعا كونستيتۋسياعا سايكەس پرەزيدەنت ورىنتاعىنا اۆتوماتتى تۇردە جايعاسا قالادى. حالىقتىڭ بۇل «؛جاڭالىقتى»؛ قۋانىشپەن قابىلداي قويۋى ەكىتالاي.
ىقتيمال نارازىلىقتاردىڭ الدىن الۋ &ndash؛ بيلىكتىڭ باس اۋرۋى بولىپ تۇرعاندا مىنا كورونوۆيرۋس پاندەمياسى «؛ىزدەگەنگە &ndash؛ سۇراعان»؛ بولىپ تۇر. قانداي «؛مۇمكىندىك»؛, قانداي «؛تاريحي ءسات»؛! مۇنداي «؛مۇمكىندىكتى»؛ جالپى جىبەرۋگە بولا ما, ايتىڭدارشى؟!

كورونوۆيرۋستىڭ قازاقستانداعى ساياسي سيندرومى مەنىڭشە مىنە, وسىنداي.

جازۋشى-پۋبليسيست مارات ءبايدىلداۇلى توقاشباەۆ

(ماقالا اۆتورىنىڭ پىكىرى قامشى پورتالىنىڭ كوزقاراسىن بىلدىرمەۋى مۇمكىن.)