• usd 468.56

  • eur 497.56

  • rub 7.3

  • cny 67.18

29 ناۋرىز, 05:07:50
الماتى
+35°

11 ناۋرىز, 2020 ساياسات

پۋتين تاعىندا 2036 جىلعا دەيىن وتىرۋى مۇمكىن

تۇستىك پرەزيدەنتى تاعى زاڭ وزگەرتۋگە كوشتى. دالىرەك ايتقاندا, رەسەي مەملەكەتتىك دۋماسى سوڭعى ءۇشىنشى وقىلىمدا كونستيتۋسياعا ەنگىزىلۋگە ۇسىنىلعان تۇزەتۋلەردى ماقۇلدادى. بۇنداي تۇزەتۋلەردىڭ ارقاسىندا پۋتين الداعى سايلاۋلاردا دا ەل پرەزيدەنتى اتانۋى مۇمكىن.

فوتو: kommersant.ru

بۇل تۋرالى ؛qamshy.kz اقپارات اگەنتتىگى ؛ ؛رەيتەر ؛دەرەگىنە سۇيەنە وتىرىپ حابارلايدى.

مۇنداي ماڭىزدى وقيعا ءۇشىن دۋمانىڭ 383 دەپۋتاتى داۋىس بەرگەن. ەڭ قىزىعى, وعان قارسى شىققاندار بولماي, تەك 43 ادام عانا قالىس قالدى دەلىنگەن.

ناتيجەسىندە, مەملەكەتتىك دۋما كونستيتۋسياعا تۇزەتۋ تۋرالى زاڭدى ماقۇلداپ, قازىرگى پرەزيدەنتتى ەكى مەرزىمگە سايلانۋ قۇقىعىنا يە ەتكەن.

سونىمەن بىرگە, جاڭا زاڭ جوباسىندا كونستيتۋسياعا 200-دەي تۇزەتۋ ەنگىزۋ كوزدەلگەن. بۇل تۇزەتۋلەر اراسىندا ءپۋتيننىڭ وتكەن-كەتكەن پرەزيدەنتتىك مەرزىمدەرىن ەسەپتەن الىپ تاستايتىن باپتار دا بار.

ياعني, قازىرگى مەملەكەت باسشىسى پرەزيدەنتتىككە ۇمىتكەر بولعان جاعدايدا ونىڭ بۇرىنعى پرەزيدەنتتىك مەرزىم كورسەتكىشى نولگە تەڭ بولماق.

ال بۇگىنگى ۋاقىتقا دەيىنگى قولدانىستاعى نەگىزگى زاڭ بويىنشا پرەزيدەنت ءپۋتيننىڭ كەزەكتى التى جىلدىق مەرزىمى 2024 جىلدان كەيىن اياقتالۋعا ءتيىس بولاتىن.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر