قازىناسى اسىل سيقىرلى ورداعا 85 جىل

تامىرلى تاريحى تۇڭعيىق وزگەشە ونەر بەسىگى, ادام جانىنا ىزگىلىك نۇرىن سەبەتىن, اسىل قۇندىلىقتاردى ناسيحاتتاۋشى, كورەرمەن كوڭىلىن شارتاراپقا سامعاتىپ, ەرتەگىلەر ەلىنە ەرىكسىز جەتەلەيتىن الماتى مەملەكەتتىك قۋىرشاق تەاترىنا بيىل 85 جىل تولىپ وتىر. قويناۋىنا سيقىرلى الەم سىرىن تۇندىرعان تۇڭعىش قۋىرشاق تەاترى قويماسىنداعى قازىنالى قويىلىمدار لەگى عاسىرعا جۋىق ۋاقىت بويى كورەرمەنىنە قالتقىسىز ۇسىنىلىپ, كىشكەنتاي بۇلدىرشىندەر مەن جاسوسپىرىمدەر, سوڭعى جىلداردا ەرەسەكتەر بويىنا جان ازىق سىيلايتىن تاپتىرماس تاربيە قۇرالىنا اينالىپ تولاسسىز قوشەمەتتەر مەن كورەرمەننىڭ ىستىق ىقىلاسىنا بولەنۋدە.

مەرەيلى دە مەرەكەلى جاڭا 85 ماۋسىم اياسىندا تەاتر ۇجىمى تانىمى بولەك, تابيعاتى وزگە, ماڭىزى زور, ماعىناسى تەرەڭ, مادەنيەت پەن قوعام ءۇشىن بەرەرى مول, جاڭا فورماتتاعى, تىڭ يدەيالارعا تولى ءىس-شارالاردى وتكىزۋدى كەڭىنەن قولعا الىپ, ءبىرقاتار يگى جۇمىستاردى ابىرويمەن اتقارۋدا. سونىڭ ءبىرى دە بىرەگەيى العىس ايتۋ مەرەكەسى قارساڭىندا اقپارات كەڭىستىگىن ءتۇرلى مادەني تاقىرىپتاعى اقپاراتتارمەن ناسيحاتتاپ جۇرگەن جۋرناليستەر, تىلشىلەر مەن بلوگەرلەردىڭ باسقوسۋمەن وتكىزىلگەن ءباسپاسوز تۋرى.

رۋحاني اسىل قۇندىلىقتاردى دارىپتەپ, ادامگەرشىلىك بيىك ۇعىمداردى جاس جەتكىنشەكتەر بويىنا ماڭىزى مول, تاربيەلىك ءمانى جوعارى سپەكتاكلدەر ارقىلى ۇعىندىرىپ جۇرگەن باقىتتى بالا كۇندەردىڭ ەسكىرمەس ەستەلىگىنە اينالعان ەرتەگىلەر ەلىنىڭ ەلشىسى اتالمىش ءىس-شارا بارىسىندا تەاتردىڭ ءتولقۇجاتىنا اينالعان «؛قۋىرشاق دۋمان»؛ (رەج.: س.شۇكىروۆ, ق.ەشمۇراتوۆا) سپەكتاكلىنىڭ كورسەتىلىمىمەن بىرگە سىرلى الەم سىرىن تانىتقان سيقىرلى قۋىرشاق تۇرلەرىنەن كوز تارتار كورمە ۇيىمداستىرىپ, ساحنا سىرتىنداعى تىلسىم مامان يەلەرىمەن قۋىرشاق جاساۋ, كيىم تىگۋ جانە تەاتر ارتيستەرىمەن ؛ تىعىز بايلانىستاعى قۋىرشاق جۇرگىزۋدەن شەبەرلىك ساعاتتارىن ۇسىندى. بالا قيالىنىڭ تۇنىق مەكەنىندە تاعىلىمدى كورەرمەندەرگە تەاتر ارتيستەرى مەرەكەلىك كوڭىلدى ويىن-ساۋىق باعدارلاما دايىنداپ, جاعىمدى اتموسفەرا بارىسىندا كىشكەنتاي بۇلدىرشىندەر عانا ەمەس, اتا-انالاردى دا قۋىرشاق سىرىنا قانىقتىراتىن ءتۇرلى سۇراقتارعا جاۋاپ بەردى. سيقىرلى قۋىرشاق ونەرىن تانىتىپ, ۇمىتىلماس اسەر سىيلاعان جايدارلى جەكسەنبىدە كاسىبي شىعارماشىلىق ءوزارا بايلانىس ورناپ, سالماقتى جوسپارلار باعىتى ايقىندالدى.

وسى ورايدا, جاڭا بەلەسكە ايقىن ماقساتتارمەن تالپىنىپ, شىعارماشىلىعىن شىڭداي ءتۇسۋدى مىندەت سانايتىن تەاتر ۇجىمى الداعى ۋاقىتتا مەرەيلى 85 جىلدىق مەرەيتويى اياسىندا قۋىرشاق تەاتر ونەرىن دارىپتەۋ, ەلىمىزدىڭ ۇلتتىق مادەنيەتىن وركەندەتۋ ماقساتىندا «؛قۋىرشاقتار شاقىرادى &ndash؛ 2020»؛ قۋىرشاق تەاترلار فەستيۆالىن وتكىزەتىنىن ەستەرىڭىزگە سالامىز. قوعامداعى وزەكتى تاقىرىپتار مەن تۇيىتكىلى كوپ سۇراقتاردى, ورتانى ويلاندىرىپ جۇرگەن وقيعالاردى قۋىرشاق بەينەسىندە كورسەتىپ, قۋىرشاق تىلىمەن ايتقىزاتىن الماتى قالاسىنىڭ مەملەكەتتىك قۋىرشاق تەاترىنىڭ ۇسىنار جاڭالىعىن جىبەرىپ الماڭىز, ءقادىرلى وقىرمان.

مادينا تولە