"؛بوياۋشى"؛ دەگەنگە اشىمباەۆ ساقالىن بوياپتى

سوندا ول كىم بولدى دەيسىز عوي, ءوزىن "وزگەشىل" ويىمەن-اق ساياساتتانۋشى اتاندىرىپ جۇرگەن دانيار اشىمباەۆ دەگەن پاقىرىڭىز بۇل. ءقاۋىپتى ويدىڭ يەسى. تارازىنىڭ ەكى باسىنا ورىس پەن قازاقتى قاتار قويىپ (مىنە ناعىز ۇلتارازدىق تۋدىرۋ), نە دەسە دە قاتتى داۋىسى شىعا قويمايتىن قانداسىن "سويىپ" ايتتىم دەگەن ءتۇرى بولسا كەرەك, ؛stanradar.com ؛سايتىنا سۋىرىلىپ-اق سۇحبات بەرىپتى.

باقساڭىز, ونىڭ ايتۋىنشا بىلتىر ەلدەن 45,2 مىڭ ادام كوشىپ كەتكەن. الايدا "بۇل قازاقستانداعى حالىق سانىنىڭ ازايۋىنا اسەر ەتكەن جوق. سەبەبى سىرتتان كوشىپ كەلىپ جاتقان ەتنيكالىق قازاقتار بارشىلىق" دەيدى ادەپكى ءتىل ۇشى ويىندا. سوسىن "بۇلاردىڭ كوپشىلىگى ورتا ءبىلىمدى" دەي كەلىپ:

"سايىپ كەلگەندە بىرەۋ كەتىپ, ءبىر كەلىپ جاتىر. كەتىپ جاتقاندار وقىپ-توقىعان جاستار, كەلىپ جاتقاندار ەتنيكالىق قازاقتار. ولاردىڭ &ndash؛ ءبىلىمى, جۇمىس ءوتىلى جوق. ولار وسىندا كوشىپ كەلىپ, مەملەكەت ەسەبىنەن كۇن كورگىسى كەلەدى&rdquo؛, &ndash؛ دەيدى اشىمباەۆ.

وسىلايشا, ءوز قانداسى ؛&ndash؛ ءوز قازاعىن ءبىلىمى مەن جۇمىسى جوق دەلبە-كەزبە ەسەبىندە كورگەن "ساياساتتانۋشى" ەلدەن كەتكەن ورىسپەن وكىرىپ-وكسىپ قوشتاسارداي ەمەۋرىن تانىتادى كەلىپ. "وقىپ-توقىعان" جاستار دەپ تاعى ەمەشەگى ءۇزىلىپ-ۇزىلىپ ايتادى ەپتى ءسوزىن.

سوندا دەيمىز, ءبىر ەلدىڭ ساياساتى تۋرالى ءساليقالى ءسوز ايتۋى ءتيىس "ساياساتكەرىڭىز", سوڭعى جاڭالىقتاردان حابارى جوق بولعانى ما؟ ماسەلەن, ول ءۇشىن دەرەك سۇراماي مىنا ءبىر داپ-دايىن دايەكتى تاۋساپ كورىڭىز. قازاقستاندا ماڭداي الدى قانشا ۋنيۆەرسيتەت بولسا دەيمىز, سونىڭ تىم كوپ مولشەرىندە تەك قازاقتار وقىپ جاتقانى جاسىرعىسىز شىندىق ەمەس پە؟ مەيلى, ەتنيكالىق قازاق, مەيلى جەرگىلىكتى قازاق بولسا دا.

ال ول ەمەشەگى ۇزىلگەن "وقىپ-توقىعان" ورىس جاستارى قايدا دەيسىز بە؟ ولاردىڭ دەنى كاسىپتىك ورتا ءبىلىم بەرۋ مەكەمەلەرىن جاعالايتىنى تاعى دا راس. سوسىن دا ۇيىڭدە تەلەۆيزورىڭ بۇزىلىپ, تەگەنەڭ تەسىلسە دە سولاردىڭ سوپاڭ ەتىپ جەتىپ كەلەتىنى سوندىقتان بولسا كەرەك.

ارينە, بۇل ءبىر ۇلتتى تۇتاس "ورتا ءبىلىم" الىپ جاتىر دەپ اشىمباەۆشا دايەكسىز كەمسىتۋ ەمەس. ورىستاردىڭ تەحنيكا تىلىنە ۇيىرلىگى سەبەپ بۇعان. ال قازاق كەرىسىنشە بالاسىن تىرمالاپ كوزىن اشقاننان "پرەزيدەنت بولادى", "اكىم بولادى كەيىن" دەپ نەمەسە "دارىگەر بولعاننان جاقسىسى جوق", ء"مۇعالىم بولايىن دەپ تۇر" دەگەن قالىپپەن قۇلاق ءسىڭىستى ەتىپ وسىرمەي مە؟

بۇندايدا قانداستىڭ دا قازاق ەكەنىن, كوشپەلى ومىردەن كەشە قول ۇزگەن ەتنيكالىق قازاقتىڭ (مۇمكىن ءدال وسى كونەدەن ءتىنى ۇزىلمەي كەلگەن ءداستۇرشىل كوزقاراسىن "بىلىمسىزدىك" دەي مە ەكەن وسىلار دا) بۇل تۇسىنىكتەن الىس تۇرىپ ويلامايتىنى تاعى ءمالىم. ءتىپتى, بۇل تۋرالى سوڭعى ۋاقىتتا ءجيى دە ايتىلىپ كەلەدى. بۇعان ەشكىم كوز جۇمباسا كەرەك. ؛

ەندەشە, ەتنيكالىق قازاق تۋرالى "ولاردىڭ &ndash؛ ءبىلىمى, جۇمىس ءوتىلى جوق. ولار وسىندا كوشىپ كەلىپ, مەملەكەت ەسەبىنەن كۇن كورگىسى كەلەدى" دەپ "شاعىپ" سويلەگەن سابازىڭىزدىڭ ءوز ءبىلىمى دە شامالى بولىپ تۇرعانى عوي. ويتپەسە, قازاقستاننىڭ ەڭ ءزارۋ ماماندىقتارى ءبىلىم-عىلىم مەن مەديسينا سالاسىندا قانشاما قانداسى ءجۇر سول دانياردىڭ؟! ال كاسىپكە تىرەلەتىن "شاعىن جانە ورتا بيزنەس" دەگەن ۇران شىققان جەردە تاعى دا سول ء"بىلىمسىز" قازاعى جۇرگەن جوق پا قالباڭ قاعىپ؟ بۇل تۋرالى ناقتى دەرەكتەردى تاعى دا ۇسىنا جاتارمىز...

الدە, اشىمباەۆ سەكىلدى "الاكوز" ادامدار شەتەلدەن قانداسى اسىپ, بار بايلىعىن جولى مەن "دوكۋمەنتىنە" شاشىپ, بويىندا كۇپ-كۇرەڭ قازاقى قانى تاسىپ كەلگەندە بەرىلگەن "ەرۋلىك" ەسەبىندەگى از قارجىنى قازاقستان ۇكىمەتى ءومىر بويى قالتاسىنا قۇيىپ وتىر دەپ ويلاي ما ەكەن. ەگەر, "ەرۋلىك" دەگەن تەك قازاقتىڭ عانا ەنشىسىندەگى ۇعىمدى ورىسشا ويلايتىن دانيارلار بىلمەسە, بۇنى "اداپتاسيالىق" قاراجات دەپ ءتۇسىندىرۋ كەرەك-اۋ بۇلارعا.

قىتايدىڭ ارانداي اۋزىنا الاقانداعىسىن سالىپ, باسى امان وتكەن تورعايداي قازاققا ونسىز دا شەتەل اسىپ جاتقان قاراجاتتىن جۇقاناسىن كوپ كورسە, ونى دا بەرمەسىن. "اش قۇلاق تا تىش قۇلاق" دەيىك ءسويتىپ...

جوق, "ساسىق اۋىزدان" شىققان ءسوز مۇنىمەن بىتپەپتى. ؛ونىڭ پىكىرىنشە بۇگىنگى قازاقستان ءومىر سۇرۋگە قولايسىز ەلگە اينالىپ كەلەدى - مىس. ياعني, مەملەكەتتىڭ مونوۇلتتانىپ بارا جاتقانى الاڭداتقان "ساياساتەكەردى". وقىپ كورىڭىز:

&ldquo؛ۇكىمەتتە رومان سكلياردان (پرەمەردىڭ ورىنباسارى) وزگە ۇلت وكىلدەرى جوق. ۆيسە-مينيسترلەردىڭ دەڭگەيىندە وزگە ۇلت وكىلدەرىن ساۋساقپەن ساناپ الاسىز. اكىمدەر اراسىندا دا قازاق ەمەستەر جوق. اۋدان اكىمدەرى اراسىندا ءىشىنارا عانا وزگە ۇلتتار. ۇلتتىق كومپانيالار دەڭگەيىندە دە وسى كورىنىس. ەڭ قىزىعى قارىم-قاتىناس, جۇمىس ءتىلى &ndash؛ ورىس ءتىلى&rdquo؛, &ndash؛ دەيدى ول.

"اكەسىن ؛ساباعاندى كورىپ ەدىم, بىراق ؛اكەسىن ؛ارباعا ؛بايلاپ قويىپ ؛ساباعاندى ءبىرىنشى رەت كورۋىم»؛ دەگەن ءسوز ەسكە تۇسەدى وسىندايدا. اكەسى ؛&ndash؛ قازاق بولعاندا, بايلاپ قويىپ راحاتتانىپ ساباپ وتىرعان تاعى دانيار ؛&ndash؛ بالاسى دەمەي امال جوق مۇندايدا. ؛

دەمەي كورىڭىز: بيلىك باسىندا قازاقتار كوپ بولىپ كەتتى دەپ, بۇكىل قازاقتى قوساقتاپ ساباپ وتىرعان جوق پا؟!

p.s. قارقارا باسىڭ "قانجىعادا" كەتكەن قايران التىنبەك! سەن ايتقان: "قازاق ۇلتىنا سىرتتان كەلگەن ۇلكەن كومەك بار, ول ؛&ndash؛ ورالماندار" دەگەن ءسوزدى كىم قاپەرىنە الار ءقازىر؟ سىرتتانى كەتىپ, "سۇق ءيتى" قالعان قوعامدا قانداستىڭ قۇنى دا دانيارلاردىڭ اۋزىمەن ولشەنىپ كەتپەسە نە ەتتى؟!

 ؛

 ؛