• usd 468.56

  • eur 497.56

  • rub 7.3

  • cny 67.18

29 ناۋرىز, 18:53:30
الماتى
+35°

10 جىلدان استام تۇرمەدە وتىرعان "قازاتومونەركاسىپ" كومپانياسىنىڭ بۇرىنعى جەتەكشىسى مۇحتار جاكىشەۆ شارتتى جازامەن بوستاندىققا شىعاتىن بولدى. بۇگىن, 3 ناۋرىزدا سەمەي قالالىق №2 سوتى شىعارعان شەشىمگە سايكەس, ؛جاكىشەۆ "پروباسيالىق باقىلاۋعا الىنادى, جازا مەرزىمى تولىق اياقتالمايىنشا قازاقستان اۋماعىنان شىعارىلمايدى". ؛

56 جاستاعى مۇحتار جاكىشەۆ 2009 جىلى مامىردا ۇستالىپ, "ۆەنادا (اۆستريا) "قازاتومونەركاسىپ" كومپانياسىنىڭ زاڭسىز وكىلدىگىن اشۋ ارقىلى پايدا تاپتى, استىرتىن كاسسا ۇستادى, كۇزەتشىسىنە قوسىمشا ەڭبەكاقى تولەپ كەلگەن" دەگەن ايىپپەن 14 جىلعا سوتتالعان. تۇرمەدە وتىرعان كەزدە ءۇشىنشى توپ مۇگەدەكتىگىن العان جاكىشەۆ وزىنە تاعىلعان ايىپتارمەن كەلىسپەيدى.

قازاقستاندىق قۇقىق قورعاۋشىلار جاكىشەۆتى "ساياسي تۇتقىندار" تىزىمىنە قوسقان. قۇقىق قورعاۋشىلار "جاكىشەۆ ەلدەن قاشقان مۇحتار ابليازوۆپەن (بۇرىنعى بانكير, قازاقستان بيلىگىن سىناۋشى) ارالاسقانى ءۇشىن قىسىمعا ۇشىرادى" دەپ سانايدى. ال قازاقستان بيلىگى ەلدە "ساياسي تۇتقىندار جوق" دەپ ەسەپتەيدى.

بۇعان دەيىن ونىڭ مەرزىمىنەن ەرتە بوساتۋ تۋرالى وتىنىشتەرى قاناعاتتاندىرىلماعان. وتكەن جىلدىڭ وزىندە جاكىشەۆ ءىسى بويىنشا ءۇش رەت اپەلاسيالىق سوت ءوتىپ, ونىڭ جازاسى وزگەرىسسىز قالعان ەدى. سوت "جاكىشەۆ ؛مەملەكەتكە كەلتىرگەن 99,6 ميلليارد تەڭگە كولەمىندە شىعىندى وتەمەدى" دەگەن بولاتىن. ؛

قازاقستاندا سوڭعى جىلدارى مۇحتار جاكىشەۆتى بوستاندىققا شىعارۋدى تالاپ ەتكەن اكسيالار جيىلەدى. وعان قاتىسقاندار جاكىشەۆتىڭ "ساياسي تۇتقىن" ەكەنىن ايتىپ, بيلىك ونى زاڭسىز ۇستاپ وتىر دەپ ەسەپتەيدى. ؛

 ؛

 ؛

"قامشى" سىلتەيدى
ىلمەك سوزدەر: جاكىشەۆ

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر