"؛ويان, قازاق, ويان!"؛ الماتىدا وتپەي قالعان ميتينگىدە ونداعان ازامات ۇستالدى (ۆيدەو)

قازاقستانداعى تىركەلمەگەن ساياسي ۇيىمدار ميتينگ جاريالاعان 1 ناۋرىز كۇنى الماتىدا ونداعان ادام ۇستالدى. ۇستالعانداردىڭ اراسىندا وپپوزيسيالىق "دات" گازەتىنىڭ جەتەكشىسى ەرمۇرات ءباپي, تاۋەلەلسىز جۋراناليست باقىتجان قوسبارماقوۆ, جۋرناليست اسەل جاڭاباەۆ, بەلسەندى بەسجان كۇمىسبەك پەن دانايا قاليەۆا بار. ؛

"ميتينگ وتەدى" دەگەن الماتىداعى "رەسپۋبليكا" الاڭى 1 ناۋرىز كۇنى تولىعىمەن پوليسيانىڭ قورشاۋىندا بولدى. ؛الاڭعا ماڭىنداعى جەلتوقسان, اباي, ساتباەۆ, تيميريازەۆ, ابىلاي حان, نازارباەۆ كوشەلەرىنىڭ بويىندا پوليسيا الاڭعا بارماق بولعان ازاماتتاردى جىبەرمەي تۇردى.

پوليسيا "رەسپۋبليكا" الاڭىنداعى "تاۋەلسىزدىك" مونۋمەنتىنىڭ قاسىندا ونداعان ادامدى ۇستادى. ءتارتىپ ساقشىلارى جۋرناليستەرگە ولاردى نە سەبەپتى ۇستاعاندارىن تۇسىندىرگەن جوق. ۇستالعانداردىڭ كەيبىرى "شال, كەت", "ويان, قازاقستان" دەپ ايعايلادى. ؛

ناۋرىزدىڭ ء1-ى كۇنى الماتىداعى ادام كوپ جۇرەتىن "رەسپۋبليكا" سارايىنىڭ الدىندا دا ءبىر توپ پوليسيا تۇردى. ؛

بۇعان دەيىن ەلدە "ەكستريميستىك ۇيىم" دەپ تانىلعان, ءبىراق ەۋروپارلامەنت بەيبىت وپپوزيالىق ۇيىم دەپ اتاعان "قازاقستاننىڭ دەموكراتيالىق تاڭداۋى" (قدت) ۇيىمى, تىركەلمەگەن "دەمپاريا" بەلسەندىلەرى, "respublika", "oyan, qazaqstan" قوزعالىستارى ءدال وسى كۇنى قازاقستاننىڭ بارلىق وڭىرىندەگى قالا مەن وبلىس اكىمدىكتەرىنىڭ الدىندا بەيبىت ميتينگىگە شىعاتىندارىن مالىمدەگەن. قازاقستاننىڭ باس پروكۋراتۋراسى اقپاننىڭ ء28-ى كۇنى ناۋرىزدىڭ ء1-ى كۇنى بولاتىن ميتينگىنى "زاڭسىز اكسيا" دەپ, ؛  ؛قازاقستاندىقتاردى ول اكسيالارعا قاتىسپاۋعا شاقىرعان.

 ؛

 ؛