26 اقپان, 2020 ايتتى-ەي, باۋىرىڭ!
"؛دۋلات ءاعادىلدىڭ ولىمىنە پوليسيا دا, ۇقك دە كىنالى ەمەس"؛
بەلسەندىنىڭ ءولىمى تۋرالى
facebook.com
دۋلات ءاعادىلدىڭ ولىمىنە پوليسيا دا, ۇقك دە كىنالى ەمەس. 30 جىلدا قالىپتاسقان جۇيە كىنالى. ءبىز قۇقىقتىق مەملەكەت ەمەس, ۇقك, پوليسيا بيلىگىن قۇردىق. كۇشتىك قۇرىلىمدار مەملەكەتتىڭ, قازاقستان ازاماتتارىنىڭ باس-اماندىعىنان كورى بيلىكتىڭ قاۋىپسىزدىگىن, جەكە مۇددەلەرىن عانا قورعايتىن جەندەتتەرگە اينالىپ وتىر. قۇقىق سالتانات قۇرعان دەموكراتيالىق ەل بولعانىمىزدا ازاماتتىق پىكىرىن ءبىلدىرىپ, قارسى شىققانى ءۇشىن تىپ-تىنىش ۇيىندە جاتقان ادامنىڭ شاڭىراعىنا باسا-كوكتەپ كىرىپ, بەينەبىر قاندىقول قاراقشىنى نەمەسە زيانكەس تەرروريستى ۇستاعانداي قولىن قايىرىپ, كىسەن سالىپ ءتۇن ورتاسى قاقاعان ايازدا كۇشتەپ ايداپ اكەتە الار ما ەدى؟ باسقا وركەنيەتتى ەلدە ادام ءولىمىن بىلاي قويعاندا, وسىلاي قاراقشىلىق جولمەن الىپ كەتكەندىكتەرى ءۇشىن كەم دەگەندە ىشكى ىستەر ءمينيسترى وتستاۆكاعا كەتەر ەدى.
ساياسي, قۇقىقتىق رەفورمانى تالاپ ەتكەن قوعامدىق كەڭەس مۇشەلەرىنىڭ سوڭعى جاعدايلارعا كوپشىلىگى ءۇنسىز. ال اتاعىنان ات ۇركەتىن ءمۇيىزى قاراعايداي اقىن, جازۋشىلار, جۇلدىز انشىلەر مۇندايدا كورىنبەيدى. ال ءجۇز مىڭداپ ايلىق الىپ وتىرعان دەپۋتاتتاردان ونسىز دا قايىر جوق.
قۇقىقتىق مەملەكەتكە اينالماي بۇل وسىلاي جالعاسا بەرەدى. كوميسسيا قۇرىلار, ارى كەتسە بىرنەشە بۇيرىقتى ورىنداعان جەندەت كىنالى دەپ تابىلار. بۇدان نە وزگەرەدى؟! ءبىراق رەاكتيۆ مەملەكەتتە سولاي!
قايرات جولدىبايۇلى
؛
ەسكەرتۋ: اۆتوردىڭ كوزقاراسى رەداكسيا ۇستانىمىن بىلدىرمەيدى!
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر