قر ستاتيستيكا كوميتەتى 2019 جىل قورىتىندىلارى بويىنشا مەدياندىق (جۇمىسقا قابىلەتتى تۇرعىنداردىڭ جارتىسى اراتىن جالاقى) جانە مودالدىق (جۇمىسقا قابىلەتتى تۇرعىندار اراسىندا كوپ كەزدەسەتىن جالاقى) دەرەكتەردى جاريالادى.

ranking.kz سايتىنىڭ جازۋىنشا, جۇمىسقا قابىلەتتى قازاقستاندىقتاردىڭ جارتىسى, ياعني, 3,3 ملن ادام 112,2 تەڭگە جالاقى الادى. ءبىر جىلدا مەدياندىق جالاقى 5,6 پايىزعا (5,9 مىڭ تەڭگە), قىمباتشىلىق 5,4 پايىزعا ارتقان.

ەلدەگى ورتاشا جالاقى ؛&ndash؛ ؛203,9 مىڭ تەڭگە. بۇل سوما مەدياندىق جالاقىدان شامامەن ەكى ەسەگە ارتىق.

ورتاشا جالاقى مەن مەدياندىق جالاقىنىڭ الشاقتىعى ۇلكەن بولعان سايىن, ەڭبەكاقى تەڭسىزدىگى مەن تومەنگى جالاقى الاتىندار ۇلەسى جوعارىراق بولادى.

ورتاشا جالاقى مەن ونىڭ ديناميكالىق ءوسىمى نەگىزىنەن جوعارى جالاقىلى قىزمەتكەرلەر ەسەبىنەن جاسالىپ, سولاردىڭ ەسەبىنەن وسەدى. الايدا ول قىزمەتكەرلەر جالاقىسى تۇرعىنداردىڭ كوپ بولىگى الاتىن مەدياندىق جالاقىعا اسەر ەتپەيدى. ؛ ؛

2019 جىلدىڭ سوڭعى توقسانىنداعى كورسەتكىشكە سەنسەك, نۇر-سۇلتانداعى ورتاشا جالاقى 308,1 مىڭ تەڭگە, ال مەدياندىق جالاقى 48 پايىزعا تومەن, ياعني, 157 مىڭ تەڭگە. الماتىداعى ورتاشا جالاقى 248,7 مىڭ تەڭگە, مەدياندىق جالاقى 141,4 مىڭ تەڭگە كولەمىندە.

ستاتيستيكا كوميتەتىنىڭ دەرەگىنشە, مودالدىق جالاقى ەل بويىنشا 58 034 تەڭگە شاماسىندا.