اعادىلدىڭ ادۆوكاتى: ماعان ونىڭ ماستىعىن راستايتىن قۇجاتتى كورسەتكەن جوق

25 اقپان كۇنى تۇسكە تامان نۇر-سۇلتان قالاسىنداعى تەرگەۋ يزولياتورىندا قاماۋدا وتىرعان قوعام بەلسەندىسى دۋلات ءاعادىلدىڭ قايتىس بولعانى حابارلاندى. رەسمي اقپاراتقا ساي, بەلسەندى جۇرەك تالماسىنان كوز جۇمعان. كەشكە قاراي مارقۇمنىڭ قورعاۋشىسى باۋىرجان ازانوۆ facebook پاراقشاسىنا كەزدەيسوق ءمايىتحاناعا كەلىپ, دۋلات ءاعادىل ءمايىتىن اشىپ جاتقانىنا كۋا بولعانىن جازدى. قامشى تىلشىسىنە پىكىر بىلدىرگەن زاڭگەر ؛تاۋەلسىز ساراپشىلاردىڭ قاتىسۋىمەن سوت-مەديسينالىق ساراپتاما جاسالاتىنىن ءمالىم ەتتى.

قورعاۋشىنىڭ ايتۋىنشا, ءمايىتتى اشۋ جۇمىستارى ەرتەڭ 10:00-دە جالعاسادى.

&ndash؛ سوت-مەديسينالىق ساراپتاماعا تاۋەلسىز ساراپشىلار قاتىساتىن بولدى. ءبىز &ndash؛ مارقۇمنىڭ تۋىستارى, دوستارى, قورعاۋشىلار بولىپ ەكى تاۋەلسىز ساراپشىنى تاپتىق. تەرگەۋ امالدارىنا اتالعان ساراپشىلاردى قاتىستىرۋ تۋرالى ءوتىنىشىمدى قاناعاتتاندىردى. ەندى ايتقاندارىندا تۇرىپ, ساراپشىلاردى قاتىستىرادى دەپ ۇمىتتەنىپ وتىرمىز, &ndash؛ دەيدى زاڭگەر.

زاڭگەر دۋلات ءاعادىل ۇستالعان كەزدە ماس بولدى دەگەنگە كۇمانمەن قارايتىنىن ايتتى.

&ndash؛ دۋلات ءاعادىلدى ۇستاعان كەزدەگى بەينەجازبانى كوردىم. ونىڭ ارەكەتتەرى ماس ادامدىكىنە ۇقسامايدى. البەتتە مەن مامان ەمەسپىن, ءبىراق ءمايىتتى ؛ اشۋ كەزىندە سپيرت ءيىسىن سەزبەدىم. ونىڭ ۇستىنە مەن ىشىمدىك, ەسىرتكى تۇتىناتىن ادامدى ارەكەتىنە قاراپ, بىردەن بىلە قويامىن. ماعان ادامنىڭ الكوگولدىك سۋسىنداردى ىشەتىنىن نە ىسپەيتىنىن انىقتاۋ قيىن ەمەس. مەنىڭشە, ول ۆيدەودا ماس ەمەس. دۋلات تەرگەۋ يزولياتورىنا تۇسكەندە ونىڭ جاي-كۇيى قانداي بولعانىن بىلگىم كەلىپ, ول ماس بولسا, سونى راستايتىن قۇجاتتى, دۋلات ءاعادىلدىڭ قولى قويىلعان قۇجاتتى كورسەتۋلەرىن سۇرادىم. ونىڭ ماستىعىن راستايتىن قۇجاتتى ماعان كورسەتكەن جوق, &ndash؛ دەيدى باۋىرجان ازانوۆ.

زاڭگەر ابزال قۇسپان دا تاۋەلسىز ساراپشىلار كومەگىنە جۇگىنۋ قاجەتتىگىن اتاپ ءوتتى.

&ndash؛ دۋلات ءاعادىلدىڭ قازاسى &ndash؛ وتباسى ءۇشىن عانا ەمەس, قوعام ءۇشىن ۇلكەن قازا. سىزدەر ارقىلى تۋعان-تۋىستارىنا قايعىرىپ كوڭىل ايتقىم كەلەدى. تاس باتقان جەرىنە اۋىر عوي. جاقىندارى جىلاپ, جوقتاپ جاتىر. جەرلەۋ راسىمىنە دايىندالۋدا دەگەندەي. جەتىسىن, قىرقىن ۇيىمداستىرۋ كەرەك. ءبىراق وسىنداي اۋىر جاعدايعا قاراماستان, زاڭدىق مۇمكىندىكتەردى قاراستىرۋ قاجەت. مىندەتتى تۇردە جابىرلەنۋشىلەردىڭ قۇقىعى قورعالۋعا ءتيىس. ونى ەلوردادا جۇرگىزە الاتىن ازاماتتاردىڭ ءبىرى &ndash؛ باۋىرجان ازانوۆ. سونداي سەنىمدى, قوعامعا بەلگىلى قۇقىققورعاۋشىلار ماسەلەنى باقىلاۋىنا الىپ, تاۋەلسىز ساراپشىلاردى تارتۋعا ءتيىس, &ndash؛ دەدى ول.

ابزال قۇسپاننىڭ سوزىنشە, قازاقستاندا سوت-مەديسينالىق ساراپتامالاردىڭ بارلىعىنا بىردەي سەنە بەرۋگە بولمايدى.

&ndash؛ ەگەر قازاقستاننىڭ سوت-مەديسينالىق ساراپتاماسىنا سەنەتىن بولساق, وندا زامانبەك ءنۇرقادىلوۆ ءوزىن ءۇش رەت جۇرەك تۇسىنان, ءبىر رەت باسىنان اتىپ ولگەن. بۇل &ndash؛ قازاقستاننىڭ سوت-مەديسينالىق ساراپتاماسىنىڭ شىعارعانى. سوندىقتان سوت-مەديسينالىق ساراپتاماعا تاۋەلسىز ماماندار قاتىسۋى كەرەك. مەن سولار قاتىسقان ساراپتاما قورىتىندىسىنا, تاۋەلسىز ساراپشىلار ايتسا عانا سەنەمىن. ال نۇر-سۇلتان قالاسى ىشكى ىستەر دەپارتامەنتىنىڭ رەسمي مالىمدەمەسىنە ءوز باسىم سەنبەيمىن, &ndash؛ دەگەن زاڭگەر مارقۇم تۋرالى ۇستالعان ساتتە ماس بولىپتى دەگەن اقپاراتتار انىقتالۋى كەرەك ەكەنىن اتاپ ءوتتى.

&ndash؛ پروسەدۋراعا ساي دۋلات ءاعادىلدىڭ ماس كۇيدە بولعانى ول تەرگەۋ يزولياتورىنا قامالماي تۇرىپ انىقتالۋى كەرەك. يزولياتورعا تۇسكەن ازاماتتىڭ دەنساۋلىعى سانيتارلىق ءبولىم قىزمەتكەرلەرى تاراپىنان مىندەتتى تۇردە تەكسەرىلەدى. سونىڭ قورىتىندىسىن, سوندا نە جازىلعانىنا قاراۋ كەرەك. ول قۇجاتتا دۋلات ءاعادىلدىڭ قولى بولۋى قاجەت, &ndash؛ دەيدى قۇقىققورعاۋشى.

زاڭگەر ابزال قۇسپان مارقۇمنىڭ قۇقىققورعاۋشىسى باۋىرجان ازانوۆ "ماعان كورسەتپەدى" دەگەن قۇجاتتى ايتىپ وتىر.

دۋلات ءاعادىل كوزى تىرىسىندە بيلىككە قارسى نارازىلىق جيىندار مەن ميتينگىلەردە بەلسەندىلىگىمەن كوزگە ءتۇسىپ, الەۋمەتتىك جەلىدە قازاقستان بيلىگىن ءجيى سىناعان. وتكەن جىلى بىرنەشە مارتە اكىمشىلىك جازاعا تارتىلعان.2019 جىلعى  ؛قاراشانىڭ ورتاسىندا اكىمشىلىك قاماۋدا وتىرعان سەلينوگراد اۋداندىق تەرگەۋ يزولياتورىنان قاشىپ شىعىپ, كەيىن ول ارەكەتىنىڭ سەبەبىن "زاڭسىز قۋدالاۋعا قارسىلىعىم" دەپ تۇسىندىرگەن. پوليسيا ەكى كۇن بويى ىزدەگەن بەلسەندى 15 قاراشادا ءوزى باس پروكۋراتۋرا الدىنا كەلگەن. كەيىن ول "سوت قاۋلىسىن ورىنداماعانى ءۇشىن" تاعى 6 تاۋلىككە سوتتالعان.

قوعام بەلسەندىسىنىڭ تەرگەۋ يزولياتورىندا جۇمباق جاعدايدا كوز جۇمعانى ونىڭ جاقتاستارىن بەيجاي قالدىرمادى. بۇگىن تۇسكە قاراي ءاعادىلدىڭ قازا بولعانىن ەستىگەن بەلسەندىلەر قازاقستاننىڭ بىرنەشە قالاسىندا قارسىلىق جيىنىن وتكىزدى. ولار ءاعادىل "جۇرەك تالماسىنان قايتىس بولدى" دەگەن رەسمي اقپاراتقا سەنبەيتىندەرىن ايتىپ, ونىڭ ولىمىنە بيلىك پەن قۇزىرلى ورگانداردى كىنالادى.

&diams؛ ؛ وقي وتىرىڭىز: ؛دۋلات ءاعادىلدىڭ اناسى: ازانوۆقا ەش رەنجىمەيمىن, تەك مازالاماسا ەكەن (ۆيدەو)