اعادىل ءولىمى بەلسەندىلەردى بەيجاي قالدىرمادى (ۆيدەو)

بيلىككە قارسى نارازىلىق جيىندارى مەن ميتينگىلەردە بەلسەندىلىگىمەن كوزگە ءتۇسىپ, الەۋمەتتىك جەلىدە قازاقستان بيلىگىن ءجيى سىنايتىن قوعام بەلسەندىسى دۋلات ءاعادىلدىڭ نۇر-سۇلتان قالاسىنداعى تەرگەۋ يزولياتورىندا جۇمباق جاعدايدا كوز جۇمعانى ونىڭ جاقتاستارىن بەيجاي قالدىرمادى. بۇگىن تۇسكە قاراي ءاعادىلدىڭ قازا بولعانىن ەستىگەن بەلسەندىلەر قازاقستاننىڭ بىرنەشە قالاسىندا قارسىلىق جيىنىن وتكىزدى. ولار ءاعادىل "جۇرەك تالماسىنان قايتىس بولدى" دەگەن رەسمي اقپاراتقا سەنبەيتىندەرىن ايتىپ, ونىڭ ولىمىنە بيلىك پەن قۇزىرلى ورگانداردى كىنالادى. ؛ ؛

دۋلات ءاعادىلدىڭ قازاسىن ەستي سالا جينالعان ەلوردالىق بەلسەندىلەر الدىمەن ول قايتىس بولعان يزولياتورعا باردى. ول جاقتان ءاعادىلدىڭ ولىمىنە قاتىستى اقپارات الا الماعان ءبىر توپ ادام قازاقستان ىشكى ىستەر مينيسترلىگى عيماراتىنىڭ الدىنا بارىپ, مينيستر ەرلان تۇرعىمباەۆتىڭ شىعۋىن تالاپ ەتتى. باستاپقىدا مينيسترلىك وكىلدەرى جينالعان بەلسەندىلەرگە ءاعادىلدىڭ ولىمىنە قاتىستى ەشقانداي ماعۇلمات بەرگەن جوق. سوعان نارازى بولعان بەلسەندىلەر جولدى جاۋىپ تاستادى. ءبىراق بىرنەشە مينۋتتان كەيىن ارنايى جاساق كەلىپ جولدى جاپقانداردىڭ بارلىعىن الىپ كەتتى. ؛

ال كەشە قاراي ەلوردالىق بەلسەندىلەر تاعى دا مينيسترلىك عيماراتىنىڭ الدىنا بارىپ قارسىلىق اكسياسىن وتكىزدى. قولدارىنا مارقۇم بولعان بەلسەندىنىڭ سۋرەتىن ۇستاپ شىققان ولار ءاعادىلدىڭ ولىمىنە بيلىكتى كىنالاپ, "بيلىك ؛&ndash؛ قانىشەر!" دەپ ۇرانداتتى. ؛

نۇر-سۇلتانداعى قارسىلىق اكسياسىنا ۇقساس ءاعادىلدىڭ ولىمىنە بايلانىستى قارسىلىق جيىنى الماتىدا دا ءوتتى. الماتىلىق بەلسەندىلەر دە ءاعادىلدىڭ ولىمىنە بيلىكتى كىنالاپ, كەش باتقانشا جالعاسقان قارسىلىق اكسياسى كەزىندە مارقۇم بەلسەندىنىڭ سۋرەتىن ۇستاپ ءجۇردى.

اعادىلدىڭ ولىمىنە بايلانىستى قارسىلىق جيىنىن وتكىزگەن الماتىلىق بەلسەندىلەر. سۋرەت qazaqtimes.com ؛سايتىنان الىندى.

الماتىلىق بەلسەندىلەر پرەزيدەنت قاسىم-جومارت توقاەۆ, قالا پروكۋرورى باۋىرجان جۇرەكباەۆ پەن ىشكى ىستەر ءمينيسترى ەرلان تۇرعىمباەۆتىڭ اتىنا ارىز جازدى. ولار ارىزدا ءاعادىل ولىمىنە قاتىستى "تەرگەۋدىڭ ءادىل جۇرگىزىلۋىن", پىكىرىنە بولا "بەلسەندىلەردى زاڭسىز قۋدالاۋدى دوعارۋدى", "ساياسي تۇتقىندار مەن بيىلعى ميتينگىلەردە قامالعانداردى دەرەۋ بوساتۋدى" تالاپ ەتتى. تالاپ ارىز جازۋشىلار جاۋاپ ورگانداردىڭ ؛ باق ارقىلى رەسمي تۇردە جاۋاپ بەرۋىن سۇرايدى. ؛

دۋلات ءاعادىلدىڭ قايتىس بولعانى تۋرالى اقپارات تۇسكى ساعات 12 كەزىندە تارادى. ىشكى ىستەر مينيسترلىگىنىڭ الدىن الا مالىمەتى بويىنشا, ءاعادىل جۇرەك تالماسىنان قايتىس بولعان. رەسمي ساراپتاما ەرتەڭ دايىن بولادى. ؛

دۋلات ءاعادىل الەۋمەتتىك پروبلەمالار جانە ازاماتتىق قۇقىقتى ساقتاۋ ماسەلەسىن كوتەرىپ جۇرگەن. ول وتكەن جىلى بىرنەشە مارتە اكىمشىلىك جازاعا تارتىلىپ, كەمىندە 60 تاۋلىك قاماۋدا وتىرعان. ؛

43 جاستاعى بەلسەندى قاراشانىڭ ورتاسىندا اكىمشىلىك قاماۋدا وتىرعان سەلينوگراد اۋداندىق تەرگەۋ يزولياتورىنان قاشىپ كەتكەن ەدى. كەيىن ول ارەكەتىنىڭ سەبەبىن "زاڭسىز قۋدالاۋعا قارسىلىعىم" دەپ تۇسىندىرگەن. پوليسيا ەكى كۇن بويى ىزدەگەن بەلسەندى 15 قاراشادا ءوزى باس پروكۋراتۋرا الدىنا كەلگەن. كەيىن ول "سوت قاۋلىسىن ورىنداماعانى ءۇشىن" تاعى 6 تاۋلىككە سوتتالعان ەدى. ءاعادىلدىڭ ارتىندا ايەلى مەن التى بالاسى قالدى. ؛