polisia.kz
قر ءىىم تەرگەۋ باسقارماسىنىڭ باستىعى سانجار ءادىلوۆ تۇركىستان وبلىسىندا قارۋ ۇرلاعان دەزەرتير سارباز وقيعاسىنىڭ ەگجەي-تەگجەيىن ايتىپ بەردى, ؛دەپ حابارلايدى ؛qamshy.kz اقپارات اگەنتتىگى ؛zakon.kz ؛سايتىنىڭ دەرەگىن نەگىزگە الىپ. ؛
"شىنىندا دا بۇل ارادا بەلگىلى ءبىر ۋاقىت بويىنا ۇرلىق فاكتىلەرى ورىن العان. قاڭتاردىڭ سوڭىنان باستاپ اقپان ايىنىڭ ورتاسىنا دەيىن قارۋ ساقتاۋ قويماسىنا وزدىگىنەن كىرۋگە رۇقسات العان سارباز بىلدىرمەي كۇنىنە بىر-ەكى مىلتىقتان ۇرلاپ كەتىپ جۇرگەن, - دەدى ءادىلوۆ ۇكىمەت دالىزىندە جۋرناليستەر ساۋالىنا جاۋاپ بەرە.
ادىلوۆتىڭ ايتۋىنشا سارباز جالعىز بولماعان.
"اۆتوماتتاردىڭ جايىنا كەلەر بولساق, بۇل كەزدە اسكەري سارباز سىرتتاعى ءوز تانىستارىن كومەككە شاقىرعان. نەگىزگى قارۋ-جاراق تۇرلەرى ءبىر كۇندە, ياعني 19 اقپاننان 20-نا قاراعان ءتۇنى ۇرلانعان. ول ەكى تاپانشانى ساتىپ ۇلگەرگەن, ءبىز ونى بىردەن تاۋىپ, 120 مىڭ تەڭگەگە ساتىپ الدىق. قالعان قارۋ ونىڭ دوستارىندا ساقتالعان, - دەدى ءادىلوۆ.
ول تەرگەۋ بارىسىندا 291-باپ, "قارۋ ۇرلاۋ" جانە 453-باپ, "قىزمەت بابىنداعى سالعىرتتىق" بويىنشا قىلمىستىق ىستەر قوزعالعانىن ايتتى.
"تەرگەۋ مالىمەتتەرى بويىنشا, كەلىسىمشارتپەن اسكەري قىزمەت اتقارعان سەرجانت 1995 جانە 1996 جىلعى ەكى دوسىمەن 29 اۆتومات, 28 تاپانشا جانە 2 پىشاقتى مىلتىق ۇرلاعان.
قر ۇقك مەن ءىىم بىرلەسكەن جەدەل-تەرگەۋ توبى ءىزىن سۋىتپاي ۇرلىققا قاتىسى بارلاردىڭ بارلىعىن ۇستاپ, قارۋلاردى تاركىلەدى. قازىرگى ۋاقىتتا قورعانىس مينيسترلىگى تۇركىستان وبلىسىندا ورنالاسقان اسكەري بولىمدە قارۋ-جاراقتاردى قوسىمشا تۇگەندەۋ جۇمىستارىن جۇرگىزىپ جاتىر. سونىمەن قاتار, ءۇش لاۋازىمدى تۇلعا, اتاپ ايتقاندا ديۆيزيا كومانديرى, كەزەكشى ؛ارنايى ؛ ۋاكىل, سونداي-اق كەلىسىمشارت بويىنشا قىزمەت ەتكەن قاتارداعى سارباز اسكەري قىزمەت ەرەجەلەرىن بۇزعانى ءۇشىن, قارۋدىڭ ۇرلانۋىنا اكەلىپ سوققان نەمقۇرايلىلىقتارى ءۇشىن قازىرگى ۋاقىتتا ۇستالىپ, قاماۋعا الىندى, - دەيدى سانجار ءادىلوۆ.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر