22 اقپان, 2020 ايتتى-ەي, باۋىرىڭ!
قىرشىن دارحان. قورداي جانجالىنىڭ جالىنى جۋىردا باسىلا قويماس...
قورداي وقيعاسىنا ون بەس كۇن
facebook.com
قورداي ولەڭ
قورداي - قازاق قاسيەتىمىز تەك ءبىزدىڭ.
قورداي -مازاق قاسىرەتىمىز تەك ءبىزدىڭ.
قورداي-قورداي, القىمىڭا تەپكىزدىم.
قورلاي-قورلاي وسى كۇيگە جەتكىزدىم.
دارحان ۇلدى جەر قۇشتىرعان كوك تەمىر.
كوك تەمىردى كوكىرەگىڭنەن وتكىزدىم.
قىرشىن دارحان,
بۇل دۇنيەدە نە كوردىڭ.
الدىڭدا ەدى كەلەر كۇن دە, كورەر كۇن.
قانقۇيلىعا سەن تاپ بولدىڭ قاپىدا.
بىرىنشى بوپ سەن ورتەندىڭ, سەن ءولدىڭ.
وتانىڭدى - توپىراعىڭدى ءسۇيىپ كەپ.
وققا سەكىر!
وتقا سەكىر!
كۇيىپ كەت!
جاننان قىمبات,
&ldquo؛زاڭنان&rdquo؛ قىمبات ازاتتىق.
شىندىعى جوق شىتىرماندى قيىپ كەت!
پروكۋرور,
پوليسەي,
سوت,
القىنعان!
جاعا جەڭىڭ كومكەرىلگەن التىننان.
ادىلەتتەن قىمبات ەمەس شەكپەنىڭ.
ورىن تاعىڭ قىمبات ەمەس حالقىڭنان.
شىندىق پەنەن ادىلدىكتەن قالىس قاپ,
شىمىرىكپەي انت ىشەسىڭ نان ۇستاپ.
قاي باعىتقا بەت تۇزەدىڭ قارىشتاپ؟
قازاعىڭنان قادام سايىن الىستاپ.
سوزبەن كىمدى سەندىرەسىڭ, بيلىك سەن!
شامداناسىڭ شىنىمدى ايتىپ كيلىكسەم.
جاۋ سانايسىڭ تىك ۇستاسام ەڭسەمدى,
قۇل كورەسىڭ يكەمىڭە يلىكسەم.
اشۋ قورداي!
نامىس قورداي!
وت قورداي!
باسىنعاننىڭ باسىن جۇلار شوقپارداي.
قان كوشەدە تاياق جەگەن پوليسەي
جات قاباققا جاۋتاڭداعان سوت قورداي.
ار اشۋى, جان اشۋى قىزدىرىپ,
قاحارلانىپ, قانى تاسىپ, ۇزدىگىپ.
قورداي-قورداي اتىلعان وق, شاشقان وت.
قارا تۇسكە عايىپ بولعان ىزگىلىك.
قورداي-قورداي الماس قىلىش نامىسىن
سوتتالۋدان بيىك قويعان ءجۇز جىگىت!
الماس احمەتبەككۇلى
؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر