qamshy.kz
بۇگىن, 22 اقپاندا دەموكراتيالىق پارتيا شاقىرعان ميتينگىگە كەلگەن بەلسەندىلەردىڭ سوڭعى شوعىرىن پوليسيا "استانا" الاڭىنان ۇستاپ الىپ كەتتى. ؛
قامشى ءتىلشىسىنىڭ حابارلاۋىنشا, ميتينگىگە جينالعان 15-كە جۋىق بەلسەندى "استانا" الاڭىنداعى مانشۇك مامەتوۆا, ءاليا مولداعۇلوۆا ەسكەرتكىشىنىڭ الدىندا ءوز نارازىلىقتارىن ايتتى. ولار جانبولات مامايدى بوساتۋىن تالاپ ەتىپ, ساياسي كۇرەس جولىن توقتاتپايتىنىن ءمالىم ەتتى. دەمپارتيا قۇرۋ بويىنشا ىنتالى توپ جەتەكشىسى جانبولات ماماي اباقتىدان شىققان سوڭ پارتيانى تىركەۋ جۇمىستارى جالعاسادى دەدى.
الماتى قالاسى اكىمدىگىنىڭ قىزمەتكەرلەرى مەن پروكۋراتۋرا وكىلدەرى ولاردان بۇل جيىندارى زاڭسىز ەكەنىن ايتىپ, تاراۋعا شاقىردى.
ودان كەيىن پوليسيا بەلسەندىلەردى جاپپاي ۇستاپ, كولىككە تيەپ الىپ كەتتى. ؛ولاردىڭ اراسىندا "دەموكراتيا" باستاماشىل توبىنىڭ جەتەكشىسى, وپپوزيسيالىق ساياساتكەر جانبولات مامايدىڭ ايەلى, "جاس الاش" گازەتىنىڭ باس رەداكتورى ينگا يمانباي, "دەمپارتيا" باستاماشىل توبىنىڭ نەگىزگى مۇشەسى, ساياساتكەر تولەگەن جۇكەەۆ تە بار. ؛
وسىدان ەكى كۇن بۇرىن, 20 اقپاندا "دەمپارتيا" باستاماشىل توبىنىڭ جەتەكشىسى جانبولات ماماي ازماتتاردى 22 اقپان كۇنى ساعات 11.00-دە "استانا" الاڭىنا كەلۋگە شاقىرعان. ءبىراق كەشە, 22 اقپان كۇنى كەشكە قاراي جانبولات مامايدى قاسكەلەڭ قالاسىندا پوليسيا ۇستاپ, قاراساي اۋداندىق ىشكى ىستەر بولىمىنە جەتكىزگەن. بۇگىن تاڭعى بەستە ونىڭ "ميتينگىگە شاقىردى" دەگەن ايىپپەن ءۇش تاۋلىككە قامالعانى بەلگىلى بولدى. ؛
مامايدى بوستاتۋدى تالىپ ەتىپ, اشتىق جاريالاعان ازاماتتار دا بۇگىن تاڭعى 9.30-دا ۇستالدى. ؛
سوڭعى جىلدارى قازاقستاندا بيلىككە قارسى اكسيالار مەن ميتينگىلەر ءجيى بولىپ ءجۇر. مۇنداي قارسىلىق جيىندارىنا كوبىنە فرانسيادا تۇرىپ جاتقان ەكس-بانكير مۇحتار ءابليازوۆ شاقىرادى. ؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر