ۇلتتىق قورعا ءتۇسىم ەكى ەسە ازايدى

2020 جىلدىڭ قاڭتارىندا ۇلتتىق قورعا 50,6 ملرد تەڭگە تۇسكەن. بۇل بىلتىرعى سايكەس كەزەڭدەگى كورسەتكىشتەن 2,2 ەسە تومەن, دەپ جازادى ls سايتى.

ۇلتتىق قازىناعا ەڭ كوپ كولەمدە قاراجات تۇسىرگەندەر كوشىن اقتوبە وبلىسى (19,6 ملرد تەڭگە) باستاپ تۇر. ەكىنشى ساتىدا ماڭعىستاۋ وبلىسى (12,7 ملرد تەڭگە) جايعاسقان.

اتىراۋ وبلىسىنان 5,6 ملرد تەڭگە, قىزىلوردا وبلىسىنان 5,3 ملرد تەڭگە, نۇر-سۇلتان قالاسىنان 5,2 ملرد تەڭگە, تۇركىستان وبلىسىنان 1,1 ملرد تەڭگە, باتىس قازاقستان وبلىسىنان 466,3 ملن تەڭگە, الماتى قالاسىنان 371,9 ملن تەڭگە تۇسكەن.

جامبىل وبلىسى 7,5 ملن تەڭگە, الماتى وبلىسى 4,8 ملن تەڭگە, شىعىس قازاقستان وبلىسى 1,9 ملن تەنگە, قاراعاندى وبلىسى 345 مىڭ تەڭگە, اقمولا وبلىسى 91 مىڭ تەنگە كولەمىندەگى قاراجاتتى ۇلتتىق قورعا اۋدارعان.

قوستاناي, پاۆلودار, سولتۇستىك قازاقستان وبلىستارى مەن شىمكەنت قالاسىنان ءتۇسىم جۇزەگە اسىرىلماعان.