ەكى كۇندە 12 كەزدەسۋ. پرەزيدەنتتىڭ گەرمانياعا ساپارى

قر پرەزيدەنتى قاسىم-جومارت توقاەۆ 14-15 اقپان كۇندەرى گەرمانيادا رەسمي ساپارمەن بولدى. پرەزيدەنت وندا ؛قاۋىپسىزدىك جونىندەگى 56-شى ميۋنحەن كونفەرەنسياسىنا قاتىسۋ ءۇشىن بارعان, دەپ حابارلايدى قازاقپارات.

ق.توقاەۆ كونفەرەنسيادان تىس الەمدىك كوشباسشىلارمەن, حالىقارالىق ۇيىمداردىڭ جانە گەرمانيانىڭ ءىرى كومپانيالارىنىڭ جەتەكشىلەرىمەن, سونداي-اق حالىقارالىق قاتىناستار سالاسىنداعى بەدەلدى ساراپشىلارمەن كەزدەسۋ وتكىزىپ ۇلگەردى.

پرەزيدەنت كەلىسسوزدەردى گەرمانيانىڭ ءىرى كومپانيا باسشىلارى &ndash؛ «؛baywa ag»؛ كومپانياسىنىڭ باسقارما ءتوراعاسى كلاۋس لۋتسپەن, «؛rhenus se&؛co.kg»؛ كومپانياسىنىڭ باسقارما مۇشەسى ميحاەل ۆيفەرسپەن جانە «؛reverse logistics systems gmbh»؛ كومپانياسىنىڭ باسقارما ءتوراعاسى پاتريك ۆيدەماننمەن ەكىجاقتى كەزدەسۋلەر وتكىزۋدەن باستالدى.

ىرى اۋىلشارۋاشىلىق كومپانياسىنىڭ باسشىسى ك. لۋتسپەن بولعان كەزدەسۋدە ەنەرگيا كوزدەرىن قايتا قالپىنا كەلتىرۋ جانە اگروونەركاسىپ كەشەنىن سيفرلاندىرۋ سالالارى بويىنشا بىرلەسكەن ينۆەستيسيالىق جوبالاردى جۇزەگە اسىرۋدىڭ باسىمدىقتارى ەگجەي-تەگجەيلى تالقىلاندى.

پرەزيدەنت قازاقستاننىڭ گەرمانيا بيزنەسىمەن اراداعى تىعىز ءارى جەمىستى ىنتىماقتاستىقتى دامىتۋعا باسا ءمان بەرەتىنىن اتاپ ءوتتى. وسى ورايدا كاسىپكەردىڭ نازارىن ەلىمىزدەگى ەنەرگيا كوزدەرىن قايتا قالپىنا كەلتىرۋ جانە تىڭايتقىشتار ءوندىرۋ باعىتىنىڭ الەۋەتىن ارتتىرۋدىڭ ماڭىزدىلىعىنا اۋداردى.

ميحاەل ۆيفەرسپەن كەزدەسۋ كەزىندە كولىك-لوگيستيكا سالاسى بويىنشا بىرلەسكەن ينفراقۇرىلىمدىق جوبالاردى ىسكە اسىرۋ پەرسپەكتيۆالارى پىسىقتالدى. مەملەكەت باسشىسىنىڭ پاتريك ۆيدەماننمەن وتكىزگەن كەزدەسۋىندە قازاقستاندا بوس ىدىستاردى قايتا اينالىمعا جىبەرۋدىڭ كەپىلدىك-قايتارىمدىق جۇيەسى جونىندەگى جوبانىڭ جۇزەگە اسىرىلۋ قادامدارى ءسوز بولدى.

«؛reverse logistics systems gmbh»؛ كومپانياسىنىڭ باسشىسى ماتەريالدار مەن قالدىق زاتتاردى قايتا وڭدەۋ سالاسىندا ءتيىستى ەكوجۇيە قۇرۋ ءۇشىن قازاقستانمەن ىنتىماقتاستىق ورناتۋعا دايىن ەكەنىن ايتتى.

قاسىم-جومارت توقاەۆ قاۋىپسىزدىك جونىندەگى 56-شى ميۋنحەن كونفەرەنسياسى اياسىندا كانادانىڭ پرەمەر-مينيسترى دجاستين تريۋدومەن كەزدەسىپ, كەلىسسوز جۇرگىزدى. تاراپتار قازاقستان مەن كانادا اراسىنداعى ساۋدا-ەكونوميكالىق, ينۆەستيسيالىق جانە مادەني-گۋمانيتارلىق ىنتىماقتاستىقتىڭ قازىرگى احۋالى مەن پەرسپەكتيۆالارىن تالقىلاپ, حالىقارالىق ۇيىمدار اياسىنداعى ىقپالداستىقتى قاراستىردى.

سونداي-اق حالىقارالىق كۇن تارتىبىندەگى وزەكتى ماسەلەلەر بويىنشا پىكىر الماستى. كانادا ۇكىمەتىنىڭ باسشىسى ساياسي جانە ەكونوميكالىق رەفورمالاردى جۇزەگە اسىرۋ جونىندەگى قازاقستان پرەزيدەنتىنىڭ كۇش-جىگەرىن جوعارى باعالاپ, ازاماتتىق قوعام مەن دەموكراتيانى دامىتۋ سالاسىنا قولداۋ كورسەتۋگە دايىن ەكەنىن جەتكىزدى.

14 اقپان تۇستەن كەيىن مەملەكەت باسشىسى ەكونوميكالىق ىنتىماقتاستىق جانە دامۋ ۇيىمىنىڭ باس حاتشىسى حوسە انحەل گۋرريامەن كەزدەسۋ وتكىزدى. قاسىم-جومارت توقاەۆ قازاقستاننىڭ ەكونوميكالىق ىنتىماقتاستىق جانە دامۋ ۇيىمىنىڭ ستاندارتتارىن ەنگىزۋگە, ساياسي جانە ەكونوميكالىق رەفورمالاردى جۇزەگە اسىرۋ بارىسىندا اتالعان بەدەلدى ۇيىممەن بەلسەندى ىقپالداستىقتى جالعاستىرۋعا باسا ءمان بەرەتىنىن ايتتى. ءوز كەزەگىندە ا. گۋرريا قازاقستانمەن ارادا ىنتىماقتاستىق بايلانىستار نىعايىپ كەلە جاتقانىن اتاپ ءوتتى.

&ndash؛ مەن بۇگىنگى كەزدەسۋگە وتە قۋانىشتىمىن. ءبىز كوپتەگەن مينيسترلەرمەن بىرلەسىپ جۇمىس ىستەدىك. وسى ورايدا قارىم-قاتىناستىڭ جىل ساناپ دامىپ كەلە جاتقانىن اتاپ وتكىم كەلەدى. بۇگىنگى كەزدەسۋگە شىن جۇرەكتەن قۋانىشتىمىن. بيىل ىنتىماقتاستىعىمىز ودان ءارى ورلەي تۇسەدى دەگەن سەنىمدەمىن, ؛&ndash؛ دەدى انحەل گۋرريا.

بۇدان بولەك قازاقستان پرەزيدەنتى ميۋنحەنگە جاساعان جۇمىس ساپارى بارىسىندا ازەربايجان پرەزيدەنتى يلحام اليەۆپەن دە كەزدەستى. ازەربايجان پرەزيدەنتى بيىل ەكى ەلدىڭ قارىم-قاتىناسى جەمىستى بولاتىنىنا سەنىمدى ەكەنىن اتاپ ءوتتى.

&ndash؛ كوپتەگەن بىرلەسكەن جوبالار ىسكە اسىرىلۋدا. 2020 جىل دا ەكى ەلدىڭ بايلانىسى ءۇشىن تابىستى بولادى دەگەن سەنىمدەمىن. تاۋار اينالىمىن ارتتىرۋدى كوزدەپ وتىرمىز, سونداي-اق ترانسپورت, تۋريزم سالاسىنداعى سەرىكتەستىكتىڭ الەۋەتى زور. ەكى ەل اراسىندا تىعىز بايلانىس ورناعان, ؛&ndash؛ دەدى يلحام اليەۆ.

كەزدەسۋ سوڭىندا قاسىم-جومارت توقاەۆ يلحام اليەۆتى قازاقستانعا رەسمي ساپارمەن كەلۋگە شاقىردى.

سونىمەن قاتار, 15 اقپان كۇنى تۇسكە دەيىن قاسىم-جومارت توقاەۆ التى كەزدەسۋدى قاتارىنان وتكىزدى.

وسى ورايدا كۋۆەيتتىڭ پرەمەر-مينيسترى شەيح ساباح حاليد ءال-حاماد اس-ساباحپەن, اۋعانستان پرەزيدەنتى اشراف عانيمەن, «؛siemens ag»؛ كومپانياسىنىڭ اتقارۋشى ديرەكتورى دجو كەزەرمەن, «؛eurasia group»؛ زەرتتەۋ جانە كونسالتينگ كومپانياسىنىڭ نەگىزىن قالاۋشى يان برەممەرمەن پىكىر الماستى.

مۇنىمەن قوسا, قازاقستان پرەزيدەنتى دۇنيەجۇزىلىك دەنساۋلىق ساقتاۋ ۇيىمىنىڭ باس ديرەكتورى تەدروس ادحان گەبرەيەسۋسپەن جانە حالىقارالىق قىزىل كرەست كوميتەتىنىڭ پرەزيدەنتى پەتەر ماۋرەرمەن كەزدەسۋگە ايرىقشا ءمان بەردى.

پەتەر ماۋرەرمەن جۇزدەسۋدە قازاقستان مەن حالىقارالىق قىزىل كرەست كوميتەتى اراسىنداعى بايلانىستاردى ودان ءارى نىعايتۋ ماسەلەلەرى قارالدى. وسى ورايدا حالىقارالىق كۇن تارتىبىندەگى ورتاق ماسەلەلەر تۋرالى پىكىر الماسىلدى. كەزدەسۋ سوڭىندا مەملەكەت باسشىسى قازاقستان مەن حالىقارالىق قىزىل كرەست كوميتەتىنىڭ اراسىنداعى ىنتىماقتاستىقتى دامىتۋعا قوسقان ۇلەسى ءۇشىن پەتەر ماۋرەرگە ءىى دارەجەلى «؛دوستىق»؛ وردەنىن تاپسىردى.

ميۋنحەن كونفەرەنسياسى

جۇمىس ساپارىنىڭ ءبىرىنشى كۇنىندە قاسىم-جومارت توقاەۆ قاۋىپسىزدىك جونىندەگى 56-شى ميۋنحەن كونفەرەنسياسىنىڭ رەسمي اشىلۋ راسىمىنە قاتىستى. اتالعان ءىس-شاراعا 40-قا جۋىق مەملەكەتتىڭ باسشىلارى, 100-دەن استام سىرتقى ىستەر جانە قورعانىس مينيسترلەرى, حالىقارالىق قاتىناستار سالاسىنداعى بەدەلدى ساراپشىلار, ەۋروكوميسسيا وكىلدەرى, سونداي-اق ەۋروپالىق پارلامەنت دەپۋتاتتارى كەلدى.

كونفەرەنسيا كۇن تارتىبىندە «؛ەو مەن ناتو بولاشاعى»؛, «؛كيبەرقاۋىپسىزدىك»؛, «؛دەنساۋلىق ساقتاۋ ماسەلەلەرى»؛, «؛ساۋدا سوعىستارى مەن سانكسيالار»؛, «؛جالعان اقپارات, ناسيحات پەن كۇماندى جاڭالىقتار»؛, «؛تاياۋ شىعىستاعى احۋال»؛, سونداي-اق ەۋروپالىق وداق, اقش, رەسەي, قىتاي جانە باسقا دا ەلدەرمەن اراداعى ءوزارا قاتىناستار تاقىرىپتارى تالقىلاندى.

كونفەرەنسيانىڭ ەكىنشى كۇنىندەگى «؛گەوگرافيالىق ورنالاسۋدىڭ ماڭىزى: ورتالىق ازياداعى قازىرگى جاعداي»؛ تاقىرىبىنداعى وتكەن پانەلدىك پىكىرتالاس كەزىندە قاسىم-جومارت توقاەۆ كورشىلەس ەلدەرمەن ءوزارا ءتيىمدى قارىم-قاتىناس تۋرالى ايتتى. حالىقارالىق قاتىناستار كەڭەسىنىڭ پرەزيدەنتى ريچارد حااس جەتەكشىلىك ەتكەن پىكىرتالاسقا اۋعانستان يسلام رەسپۋبليكاسىنىڭ پرەزيدەنتى مۇحاممەد اشراف عاني قاتىستى.

مەملەكەت باسشىسى جيىنعا قاتىسۋشىلارعا پرەزيدەنت قىزمەتىندەگى باسىمدىقتارى, ەلىمىزدەگى ساياسي جانە ەكونوميكالىق رەفورمالاردىڭ نەگىزگى باعىتتارى تۋرالى ايتىپ بەردى. وسى رەتتە پرەزيدەنت ەكونوميكانى ءارتاراپتاندىرۋدىڭ, يننوۆاسيالار مەن سيفرلاندىرۋدى دامىتۋدىڭ اسا ماڭىزدى ەكەنىنە نازار اۋداردى. ؛

بۇۇ-نىڭ بەدەلى مەن استانا پروسەسى اتالعان بەدەلدى كونفەرەنسيادا بۇۇ اياسىنداعى ىنتىماقتاستىق تاقىرىبى ساراپشىلاردىڭ ەرەكشە نازارىندا بولدى. بۇل تۇرعىدا ميۋنحەن قاۋىپسىزدىك كونفەرەنسياسىنىڭ ءتوراعاسى ۆولفگانگ يشينگەر الەم كوشباسشىلارىن بۇۇ-نىڭ بەدەلىن نىعايتۋ ىسىنە بەلسەندى اتسالىسۋعا شاقىردى.

&ndash؛ اشىعىن ايتۋ كەرەك, ۇجىمدىق كۇش-جىگەر ەڭ ءقاۋىپتى داعدارىستار مەن حالىقارالىق قاۋىپسىزدىكتىڭ قاتەرلەرىن رەتتەۋ ءۇشىن جەتكىلىكسىز. ادامداردىڭ ءومىرى قيىلىپ جاتىر, قارۋلانۋ جارىسى جاڭا قارقىن الا باستادى, جاھاندىق جىلىنۋ جالعاسۋدا. سوندىقتان الەمدەگى ەڭ ىقپالدى ادامداردىڭ بۇل تۇرعىدا تەك شاراسىزدىق تانىتۋى دۇرىس ەمەس. اتاپ ايتقاندا, بۇل احۋال قازىرگى ءقاۋىپتى جاعدايدا وتە ءتيىمسىز بولىپ تۇر, ؛&ndash؛ دەدى ۆ. يشينگەر ميۋنحەن قاۋىپسىزدىك كونفەرەنسياسىنىڭ 56-شى وتىرىسىندا.