• usd 389.52
  • eur 429.21
  • rub 6.07
  • cny 54.94
29 ناۋرىز, 20:26:52
شىڭجاڭدىق دۇنگەن: دەرەۋ قازاقتاردان كەشىرىم سۇراڭدار! (اۋديو)

17 اقپان, 2020 news

"؛ون بەس بالاعا – 159 مىڭ"؛: نۇرىمبەتوۆ جاردەماقى تاعى وسەتىنى تۋرالى ايتتى

قازىرگە دەيىن 8 بالاعا دەيىن بالا سانىنا وراي ءار دەڭگەيدە قاراستىرىلعان اتاۋلى الەۋمەتتىك كومەك ارى قاراي دا سارالانباق. دالىرەك ايتقاندا, 7 بالادان سوڭ بىردەي تارتىپپەن بەرىلىپ كەلگەن جاردەماقى كولەمى دە ەندى وسەدى.

فوتو: strategy2050.kz

بۇل تۋرالى ؛قر ەڭبەك جانە حالىقتى الەۋمەتتىك قورعاۋ مينيسترلىگىنىڭ كەڭەيتىلگەن القا وتىرىسىندا ۆەدومستۆو باسشىسى ءبىرجان نۇرىمبەتوۆ ايتتى.

وسى رەتتە, مينيستر 15 بالاعا دەيىن جاردەماقى كولەمىنىڭ ەسەپتەلىپ قويعانىن مالىمدەدى. ؛

&ndash؛ كوپبالالى وتباسىلارعا تابىستارىنا قاراماستان, بالالار سانىنا قاراي سارالانعان مولشەردە 42 500-دەن 74 400 تەڭگەگە دەيىن تولەنەتىن جاردەماقى ەنگىزىلدى. بۇل جاردەماقى ءقازىردىڭ وزىندە شامامەن 370 مىڭ وتباسىنا تولەندى. 2020 جىلعا وسى ماقساتتارعا بيۋدجەتتە 177,6 ملرد تەڭگە قاراستىرىلعان. قازىرگى ۋاقىتتا بايقاساڭىزدار جەتى بالادان ارى قاراي بىركەلكى مولشەردە. سوندىقتان, ءبىز وسى ماسەلەنى قاراستىرىپ, سەگىزىنشى جانە ودان كەيىنگى بالالارعا دا جاردەماقىنى سارالانعان تۇردە تولەۋ ماسەلەسىن قاراستىرىپ جاتىرمىز. سوندا سەگىز بالاعا 74 000 ەمەس, 85 000, ون بالاعا &ndash؛ 106 000, ون بەس بالاعا &ndash؛ 159 مىڭ تەڭگەدەن تولەنەتىن بولادى, ؛&ndash؛ دەدى ءبىرجان نۇرىمبەتوۆ.

مينيستردىڭ ايتۋىنشا, 2020 جىلدان باستاپ ااك-پەن قامتاماسىز ەتۋدىڭ جاڭا تاسىلدەرى ەنگىزىلگەن. ول بۇل تاسىلدەردىڭ اشىق, ءادىل ەكەندىگىن جانە ەڭبەككە ىنتالاندىرۋدى كوزدەيتىنىن دە جەتكىزدى. ؛

ايتالىق, جاڭا تاسىلدەرگە سايكەس, ااك توقسان سايىن تاعايىندالادى. ەگەر ەڭبەككە قابىلەتتى الەۋمەتتىك كومەك الۋشىلار جۇمىسقا ورنالاسۋعا جاردەمدەسۋ شارالارىنان باس تارتسا, وندا ااك كورسەتۋ بۇكىل وتباسىنا توقتاتىلادى دەگەن ءسوز. ؛

ەسكە سالا كەتەيىك, 2019 جىلدىڭ قورىتىندىسى بويىنشا 486 مىڭ وتباسىنا ااك تاعايىندالعان. ياعني, 2,4 ميلليونعا جۋىق ادام بۇل كومەكتەن يگىلىكتەنگەن بولاتىن.

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر