turkistan.kz
دياس باتىربەكۇلى اتتى facebook قولدانۋشىسى ؛وز پاراقشاسىنا شەتەلدەگى وپپوزيسيونەر مۇحتار ابلازوۆپەن الەۋمەتتىك جەلىدە بولعان اڭگىمەنىڭ سكرينشوتتارىن جاريالاندى.
اڭگىمە بارىسىندا مۇحتار ءابلازوۆ ەكس-پرەزيدەنت نۇرسۇلتان نازارباەۆتىڭ جيەنى ايسۇلتان راحاتقا وسىنداي ماتىندە پوست جاريالا دەپ جازباق بولعانىن, ول ءماتىننىڭ ابايسىزدا ءوزىنىڭ اككاۋنتىندا جاريالانىپ كەتكەنىن تۇسىندىرگەن.
بۇعان دەيىن الەۋمەتتىك جەلىدە ايسۇلتان راحاتتىڭ داۋلى جازبالارىنىڭ ارتىندا مۇحتار ءابلازوۆ تۇرعان بولۋى مۇمكىن دەگەن اقپارات تارادى. ؛
وعان ءابلازوۆتىڭ پاراقشاسىندا جاريالانىپ, ۇزاماي وشىرىلگەن جازبا تۇرتكى بولعان. ول جازبادا "مەن, ايسۇلتان نازارباەۆ. پاراقشامدا جاريالانعان جازبالاردى ءوزىم جازدىم. بۇل ءوز قالاۋىم, وعان ەشكىم ىقپال ەتپەدى. بۇل مەنىڭ اككاۋندىم, مەنىڭ ويىم, مەنىڭ تالاپتارىم" دەلىنگەن.
بۇل جازبانىڭ قالاي جاريالانىپ كەتكەنىن شەتەلدەگى وپپوزيسيونەر بىلاي دەپ تۇسىندىرگەن:
"مەن پوست جازىپ باستاعانمىن. بارلىق سۇراقتارعا جاۋاپ بولۋى ءۇشىن وسىنداي مالىمدەمە جاساۋىن جاريالى تۇردە ايتپاق بولدىم. الايدا جازعاندارىمنىڭ جوباسى ەفيرگە شىعىپ كەتكەنىن بايقامادىم. مەن ءماتىن جازاردا قۇلىپتى قويماعان ەكەنمىن" دەلىنگەن مۇحتار ءابلازوۆتىڭ جاۋابىندا.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر