ماڭعىستاۋدا گازدان ۋلانۋ سالدارىنان وتباسىنىڭ بالالارى مەن اناسى قايتىس بولدى

وبلىستىڭ مۇنايلى اۋدانىندا ءبۇتىن ءبىر وتباسى گازدان ۋلانىپ, ءۇش بالا مەن اناسى دارىگەرلەر كەلىپ جەتكەنشە قايتىس بولدى. ؛گاز قىزمەتىنىڭ ماماندارى اقاۋدىڭ ۇيدەگى جىلۋ قازاندىعىنىڭ مۇرجاسىنان شىققانىن انىقتاعان. بۇل تۋرالى كتك ارناسى حابارلادى. ؛

قايعىلى جاعداي باتىر اۋىلىندا بولعان. وقۋشىلار ساباققا كەلمەي, اتا-اناسى بايلانىسقا شىقپاعان سوڭ, مەكتەپ ءمۇعالىمى ولاردى ۇيىنە ىزدەپ كەلەدى. ءبىراق ەشكىم ەسىك اشپاپتى. مەكتەپ باسشىلىعى كوپبالالى وتباسىنا ولاردىڭ تۋىسقانى بولىپ كەلەتىن دەنە تاربيەسى ءمۇعالىمىن جىبەرەدى. ەسىكتى اياعىن ارەڭ باسقان ەر بالا اشىپتى. ۇيگە كىرگەن جىگىت سۇمدىق جاعدايدىڭ ۇستىنەن تۇسكەن.

&ndash؛ ولار دەمالىس كۇنى حابار بەردى. وتباسىمىزبەن تۇماۋراتىپ جاتىرمىز, ءۇش كۇننەن كەيىن انىقتاما قاعاز الىپ كەلەمىز دەدى. ءبىز كۇتتىك. تەلەفون سوقتىق. تەلەفون كوتەرمەگەننەن كەيىن باردىق. ەكى ؛كۇن ساباققا كەلمەگەن بالانى ءبىز ىزدەيمىز. ءبىزدىڭ تاراپتان جاسالاتىن جۇمىستاردىڭ ءبارى جاسالدى,&ndash؛ دەيدى مۇنايلى اۋدانىنىڭ №10 ورتا مەكتەبىنىڭ ديرەكتورى قۇرالاي نۇرمانوۆا.

اۋرۋحاناعا جەتكىزىلگەن 43 جاستاعى اكەسى مەن 8 جاسار ۇلىنىڭ جاعدايى اۋىر. دەگەنمەن ءۇمىت بار دەيدى دارىگەرلەر.

&ndash؛ ءقازىر 1977 جىلى تۋعان ازامات, ءۇيىنىڭ وتاعاسى جان ساقتاۋ بولىمىندە جاتىر. ونىڭ جاعدايى اۋىر. دارىگەرلەر ونىڭ ءومىرىن امان الىپ قالۋعا بار كۇشىن سالىپ جاتىر. ال ونىڭ بالاسىنىڭ جاعدايى تۇراقتى اۋىر. ەڭ باستىسى, ول ەسىن جوعالتقان جوق, &ndash؛ دەيدى وبلىستىڭ دەنساۋلىق ساقتاۋ باسقارماسىنىڭ ءباسپاسوز حاتشىسى نۇربول وقۋوۆ.