دابىل: 100-گە جۋىق ەلدى مەكەندى سۋ شايۋى مۇمكىن

بۇل تۋرالى ؛qamshy.kz اقپارات اگەنتتىگى ؛سقو توتەنشە جاعدايلار دەپارتامەنتى ءباسپاسوز قىزمەتى دەرەگىنە سۇيەنە وتىرىپ حابارلايدى.

سقو توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنشە, بيىلعى مەتەورولوگيالىق بولجام جانە ىلعال قورىن تالداۋ الدا سۋ تاسقىنى ءقاۋپى بار ەكەندىگىن كورسەتكەن.

وڭىردە ءۇش مىڭنان استام وزەن-كول بار. ال ولاردىڭ مەجەلى مولشەردەن ارتىق تولۋى مەن ارناسىنان اسۋى وبلىستا 100-گە جۋىق ەلدى مەكەندى سۋ شايۋىنا الىپ كەلۋى ىقتىيمال.

سوندىقتان ايماقتا ءقازىردىڭ وزىندە اپاتتىڭ الدىن الۋ ماقساتىندا كەشەندى ءىس-شارالار قولعا الىنعان. ماسەلەن, ؛ ساقتىق ماقساتىندا قر ۇلتتىق ۇلانى 6637 اسكەري بولىمىنەن 60 ادام مەن 4 تەحنيكا بولىنەدى. وسى رەتتە كۇش قۇرىلىمىنىڭ ازىرلىگىن پىسىقتاۋ ماقساتىندا وقۋ-جاتتىعۋ شاراسى دا وتكەن. ؛

سونىمەن بىرگە, سۋ تاسقىنىمەن كۇرەستە جەدەل ارەكەت ەتۋ ماقساتىندا تجد تاراپىنان وبلىس اۋماعىندا قۇرامىندا شامامەن 500-گە جۋىق ادام جانە 155 تەحنيكا, 8 ءجۇزۋ قۇرالى, سونداي-اق, 72 موتوپومپا بار ىشكى ىستەر ورگاندارى اراسىنان ارنايى توپ قۇرىلدى.

ال جەرگىلىكتى اتقارۋشى ورگاندار تاراپىنان بۇل جۇمىستارعا 1619 ادام, 1163 تەحنيكا, ونىڭ ىشىندە 299 سۋ سورعىش تەحنيكا, 109 اۋىر ينجەنەرلىك تەحنيكا جانە 83 ءجۇزۋ قۇرالى دايىندالعان. جانارماي جانە ينەرتتى ماتەريالدار, قاپتار ازىرلەنگەن.

ايتپاقشى, بىلتىر وسى ۋاقىتتاردا باق-تا 92 ەلدى مەكەندى سۋ شايۋ ءقاۋپى بار ەكەنى ايتىلعان.

 ؛