ۆيدودان سكرينشوت
جامبىل وبلىسى پوليسيا دەپارتامەنتىنىڭ ءباسپاسوز قىزمەتى قورداي اۋدانى ماسانشى اۋىلىندا تۇرعىندار اراسىندا جاپپاي توبەلەس بولعانىن حابارلادى. ؛
"ماسانشى اۋىلىندا تۇرعىندار اراسىندا جاپپاي توبەلەس بولدى. پوليسيا كۇشىمەن قاقتىعىس توقتاتىلدى, جاعداي باقىلاۋدا. جامبىل وبلىسى پوليسيا دەپارتامەنتىنىڭ تەرگەۋ باسقارماسى قازاقستان رەسپۋبليكاسى قىلمىستىق كودەكسىنىڭ 293-بابى (بۇزاقىلىق) بويىنشا سوتقا دەيىنگى تەرگەۋدى باستادى.قاقتىعىستى باستاۋشىلار مەن قاتىسۋشىلار انىقتالۋدا.جامبىل وبلىسىنىڭ پوليسيا دەپارتامەنتى ازاماتتاردان تەك رەسمي اقپاراتقا سەنۋدى جانە قاۋەسەتتەر مەن جالعان حابارلامالاردى تاراتپاۋدى سۇرايدى. جالعان اقپاراتتى, ونىڭ ىشىندە الەۋمەتتىك جەلىلەر مەن مەسسەندجەرلەر ارقىلى تاراتقانى ءۇشىن قىلمىستىق جاۋاپكەرشىلىك قاراستىرىلاتىنىن ەسكەرتەمىز." دەلىنگەن پوليسيا دەپارتامەنتىنىڭ حابارلاماسىندا.
بۇعان دەيىن الەۋمەتتىك جەلىدە جامبىل وبلىسى قورداي اۋدانىندا دۇنگەن ۇلتىنىڭ ازاماتتارى "80 جاستاعى قازاق قاريا مەن ونىڭ ەكى بالاسىن ارماتۋرامەن, بالعامەن ۇرىپ, باسىن جارعانى" تۋرالى اقپارات تاراعان. الەۋمەتتىك جەلىدە تاراعان ۆيدەولاردىڭ بىرىندە پوليسيا وكىلدەرى مەن ازاماتتار اراسىندا قاقتىعىس بولىپ جاتقانى بايقالدى. ؛ ؛
ماسانشى - جامبىل وبلىسى قورداي اۋدانىندا ورنالاسقان اۋىل. رەسمي اقپارات بويىنشا, ول اۋىلدا 13 مىڭنان استام ادام تۇرادى. تۇرعىنداردىڭ 90 پايىزى دۇنگەن ۇلتىنىڭ وكىلدەرى. ؛
؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر