• usd 399.67
  • eur 452.95
  • rub 5.82
  • cny 56.36

06 اقپان, 2020 الەۋمەت

مەديسينالىق "؛ماسكا"؛ ساۋداسى قىزىپ تۇر. مىڭداپ ىزدەپ جاتقاندار كوبەيگەن

news.ru

بۇگىن, ياعني 6 قاڭتاردا ەلوردا ۋاقىتىمەن 16:00-دە دەنساۋلىق ساقتاۋ مينيسترلىگىنىڭ رەسمي وكىلى دياس احمەتشارىپ ۆەدومستۆونىڭ facebook-تەگى پاراقشاسى ارقىلى مالىمدەمە جاسادى. وندا كوروناۆيرۋس ينفەكسياسىنىڭ قازاقستاندا تارالۋىنىڭ الدىن الۋ شارالارى, قىتايدان ەلگە كەلگەن ازاماتتاردىڭ جاعدايى تۋرالى, مەديسينالىق بەتپەردەنى تاعۋ كىمگە مىندەتتى, كىمگە مىندەتتى ەمەستىگى جايلى ايتتى.

قازاقستاندا كوروناۆيرۋستىڭ تارالۋ جاعدايى تىركەلمەگەنىن حابارلاعان رەسمي وكىل مەديسينالىق بەتپەردەنى جاپپاي تاعۋدىڭ قاجەتى جوق ەكەنىن, تەك سۋىق ءتيۋدىڭ بەلگىلەرى بولعاندا عانا تاعۋ كەرەكتىگىن ءمالىم ەتتى.

ونىڭ سوزىنشە, بەتپەردە ءوندىرۋشى قازاقستاندىق كومپانيالار مەن ديستريبيۋتورلار ارنايى قورلارىن قىتايعا ساتىپ جىبەرگەن. سونىڭ سالدارىنان ەل ىشىندە بەتپەردە تاپشىلىعى سەزىلگەن. ماسەلەنى شەشۋ ءۇشىن ۇكىمەت بەتپەردە ەكسپورتىنا تىيىم سالعان.

الماتىداعى ءدارىحاناشىلاردىڭ ايتۋىنشا, قالادا مەديسينالىق بەتپەردە ءالى دە تاپشى. كوبىندە بىرنەشە كۇن بۇرىن تاۋسىلىپ قالعان. قامشى ءتىلشىسى تىلدەسكەن ءدارىحانا قىزمەتكەرلەرى بەتپەردەلەردىڭ اپ-ساتتە ساتىلىپ كەتىپ جاتقانىن ايتتى.

ەسىمىن اتاماۋدى وتىنگەن ءدارىحاناشى "بەتپەردەلەر كوبىرەك جەتۋى ءۇشىن جازدا الىپ قويعان قوردى از-ازدان ساتىپ وتىرمىز" دەيدى.

– ءبىزدىڭ ءدارىحانانىڭ تۇسىندا مەكتەپ بار. بەتپەردەلەردى الاتىنداردىڭ كوبى وقۋشىلار. بىزدەگى بەتپەردەلەر جازداعى قوردان قالعان. ولاردىڭ ءوزى بىتۋگە جاقىن. وقۋشىلارعا مەيلىنشە جەتسىن دەگەن ويمەن ءار ادامعا شەكتەۋلى دانادان ساتىپ جاتىرمىز, – دەگەن ءدارىحاناشى باعانى 30 تەڭگەدەن اسىرماعانىن, الىپ-ساتارلار ءجيى كەلەتىنىن ايتتى.

– بىرنەشە مىڭداپ سۇرايتىندار كوپ. ولار بىزدەن ارزانعا الىپ, قىمباتقا ساتقىسى كەلەدى. ءبىز ونداي ادامدارعا بەرمەيمىز. ولارعا ساتساق, وقۋشىلارعا جەتپەي قالادى, – دەدى ءدارىحاناشى.

سادىحان دۇكەندەر جەلىسىنىڭ رانو ەسىمدى قىزمەتكەرى "بەتپەردە قويمالاردا دا قالمادى" دەيدى.

– بۇرىن بەتپەردەلەردى قاراعاندىدان, الماتىدان الاتىنبىز. تاپشىلىق سەزىلە باستاعاندا قىتايدان اكەلىندى. بەتپەردە ءقازىر ول جاقتا دا تاپشى سياقتى. كەشە بىزگە ءۇرىمشى قالاسىنان قوڭىراۋ شالىپ, 2 ملن دانا "ماسكا" كەرەك ەكەنىن ايتتى. تۇركيادان 50 مىڭ دانا ىزدەپ حابارلاسقان جاعداي بولدى. تاپسىرىس بەرىپ قويدىق. قاشان كەلەتىنى بەلگىسىز, – دەدى ول.

دارىحاناشىنىڭ ايتۋىنشا, كوروناۆيرۋستان قورعانۋدا بەتپەردەگە قاراعاندا ارنايى مەديسينالىق بەيدج تيىمدىرەك.

– "ماسكا" جەڭىل ينفەكسيالاردان قورعاماسا, كوروناۆيرۋستان قورعاي المايدى. ونىڭ ۇستىنە ونى ەكى ساعاتتان ارتىق تاعىپ جۇرۋگە بولمايدى. وداندا ينفەكسياعا قارسى ارنايى بەيدج العان دۇرىس. ولار ەكى ايعا دەيىن تاعۋعا جارامدى. باعاسى 3000 تەڭگە, – دەيدى ءدارىحاناشى.

دارى ساتۋشىلارعا ءبىر ادامعا 20 دانادان ارتىق بەتپەردە ساتپاۋ تۋرالى نۇسقاۋ ءتۇسىپتى.

ايجان ەسىمدى ءدارىحاناشىنىڭ سوزىنشە, ۇلكەن كولەمدە بەتپەردە ىزدەپ, قوڭىراۋ شالىپ جاتقانداردا ەسەپ جوق.

– سوڭعى بىرنەشە كۇننەن بەرى "ماسكا" ساۋداسى قىزىپ تۇر. 1 مىڭ دانادان, 1 ملن داناعا دەيىن الامىز دەپ جاتقاندار بار. ءوزىمىز الىپ جۇرگەن فيرمادا ۇزىن-سونار كەزەك. بارىنە بىردەي ۇلگەرمەي جاتىر. تاپسىرىسىمىز اراعان كۇن سالىپ كەلىپ جاتىر, – دەيدى ءدارىحاناشى.

قامشى ءتىلشىسى بارىپ كورگەن جەتى ءدارىحانانىڭ ەكەۋىنىڭ ەسىگىندە "ماسوك نەت" دەگەن جازۋ ءىلۋلى تۇر. تورتەۋىندە بەتپەردە شەكتەۋلى مولشەردە 30-50 تەڭگە ارالىعىندا ساتىلىپ جاتىر. ولاردىڭ اراسىندا وتاندىق وندىرۋشىلەردىڭ ءۇش قاباتتى بەتپەردەلەرى دە, قىتايلىق وندىرۋشىلەردىڭ ءبىر قاباتتى جۇقا بەتپەردەلەرى دە بار. ءبارىنىڭ ايتاتىنى بىرەۋ: بەتپەردەنى قوراپ-قورابىمەن, مىڭداپ ساتىپ العىسى كەلەتىندەر كوبەيگەن.

سونداي-اق مەديسينالىق بەتپەردەلەردى عالامتور ارقىلى ساتۋ جيىلەگەن. olx سايتىنداعى حابارلاندىرۋلاردان كوز سۇرىنەدى.

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر