qamshy.kz
وسى جىلى 6 قاڭتاردا "نۇر-قازاقستان" كومپانياسىمەن قاجىلىق ساپارعا بارعان ءبىر توپ الماتىلىق ازامات قازاقستان مۇسىلماندار ءدىني باسقارماسىنان كومپانيا ليسەنزياسىن الىپ تاستاۋعا ىقپال ەتۋىن سۇرايدى. ولاردىڭ سوزىنشە, كومپانيا ديرەكتورى امانگەلدى قاجى ءابدىحالىق قاجىلىققا باراتىن قازاقستاندىقتاردىڭ قالتاسىن قاعىپ, الاياقتىق جولمەن ازاماتتاردان ارتىق اقشا الىپ وتىر.
1700 اقش دوللارى تۇراتىن قاجىلىق
"ابدىحالىقتىڭ ايتقاندارىنا الدانىپ قالدىق" دەگەن 12 ازاماتتىڭ سوزىنشە, "نۇر-قازاقستان" كومپانياسىمەن قاجىلىق ساپارعا بارۋ ءۇشىن ولاردىڭ ءارقايسى كومپانياعا 1700 اقش دوللارىنان تولەگەن. ال ءابدىحالىق سول اقشاعا ولاردى 12 كۇندىك قاجىلىققا اپارۋدى ۋادە ەتكەن, ءبىراق بەرگەن ۋادەسىن ورىنداماپتى.
&ndash؛ ءبىز امانگەلدى قاجىمەن كەلىسكەندە 10 كۇن قاجىلىق ساپاردا, ودان بولەك ەكى كۇن دۋبايدا بولامىز دەپ كەلىستىك. ءبىراق جەمە-جەمگە كەلگەندە ول كىسى دۋبايدا بولعان ەكى كۇنىمىزدى قاجىلىق ساپارىنا قوسىپ جىبەرىپتى. سونىڭ كەسىرىنەن قاسيەتتى مەككە جەرىندە جۇما نامازىن وقي المادىق, ؛&ndash؛ دەيدى الماتىلىق تۇرعىن جۇماعالي قابىكەن.
التىنشى قاڭتاردا الماتى اۋەجايىنان دۋبايعا ۇشقان ازاماتتار ءابدىحالىقتىڭ تاپسىرۋى بويىنشا, كەدەن قىزمەتكەرلەرىنە قاجىلىققا ەمەس, تەك "دۋبايعا ساياحاتتاپ بارامىز" دەپ وتىرىك ايتقان. ولاردىڭ سوزىنشە, امانگەلدى قاجى "ەگەر سەندەردەن كەدەندە شەكاراشىلار سۇراسا, دۋبايعا بارامىز دەپ ايتىڭدار, مەككەگە دەمەڭدەر" دەپتى. سونىمەن قاتار ءابدىحالىق اۋەجايدا ءوزى قاجىلىققا اپارا جاتقان ادامداردان بولەك ءجۇرىپ, تانىمايتىن ءتۇر تانىتقان. ال ونىڭ بۇلاي ەتۋىنەن العاشىندا سەكەم العان ازاماتتار كەيىن "مۇمكىن كۆوتاسى ءبىتىپ قالعان شىعار" دەگەن ويعا كەلىپ, كەدەن قىزمەتكەرلەرىنە "دۋبايعا بارا جاتىرمىز" دەپ ايتقان. ؛ ؛ ءبىراق كەيىن ءابدىحالىق اشقىزىپ بەرگەن ۆيزالارى تۋريستىك ۆيزا ەكەنىن بىلگەن. ايتۋلارىنشا, ۆيزا اشتىرۋ ءۇشىن دە ولار "نۇر-قازاقستان" كومپانياسىنىڭ ديرەكتورى امانگەلدى قاجى ءابدىحالىققا 150 اقش دوللارىن تولەپتى.
"ۋادە ەتكەن جۇلدىزدى قوناق ءۇيى ەسكى, ساسىق بولىپ شىقتى"
قاجىلىققا بارعان الماتىلىق 12 تۇرعىننىڭ سوزىنشە, ولار "نۇر-قازاقستان" كومپانياسىنا "جاتاتىن قوناق ءۇيىمىز جايلى بولسىن" دەگەن تالاپ قويعان, ؛ال كومپانيا ديرەكتورى ول تالاپتارىن ورىنداۋعا ۋادە ەتكەن.
&ndash؛ مەدينەدە ءتورت جۇلدىزدى, مەككەدە بەس جۇلدىزدى قوناق ءۇي بولادى, جاعدايلارىڭنىڭ ءبارى جاسالادى, وزدەرىڭ ويلاعانداي قۇلشىلىق ەتىپ كەلەسىڭدەر" دەپ ۋادەسىن بەرگەن. ءبىراق ءبارى ويداعىداي بولمادى. سول ءۇشىن دە ءبىز ول كىسىگە وكپەلىمىز, ؛&ndash؛ ؛دەيدى "نۇر-قازاقستان" كومپانياسىمەن قاجىلىق ساپارعا اتتانعان الماتىلىقتاردىڭ ءبىرى قۇرمانبەك ءسابيدوللاۇلى.
الماتىدان "نۇر-قازاقستان" كومپانياسىمەن قاجىلىققا اتتانعان جۇماحان لەستىڭ سوزىنشە, مەدينە قالاسىندا ايالداعان قوناق ۇيلەرى الدىن الا ۋادە ەتىلگەندەي ءتورت جۇلدىزدى ەمەس, ەسكى ءھام جاعىمسىز ءيسى بار بولىپ شىققان. ؛
&ndash؛ ءبىز ورنالاسقان بولمەلەردە كىلەمى ساسىپ كەتكەن. قول جۋعىشى بىتەلىپ قالعان. ۆاننا دا ءدال سونداي بىتەلىپ قالعان. سۋى دۇرىس اقپايدى. بولمەنىڭ قابىرعالارى كوگەرگەن. مۇلدەم ادام تۇرۋعا جاعداي جاسالماعان. سونىڭ سالدارىنان ارامىزداعى كەيبىر ازاماتتىڭ تاماعى اۋىرىپ, تۇماۋ ءتيدى. قاجەتتى دارى-دارمەكتى ءوزىمىز الدىق. ءبىزدى قاجىلىققا باستاپ بارعان امانگەلدى قاجىدان ەش قايىر بولمادى, ؛&ndash؛ دەيدى ول.
"نۇر-قازاقستان" كومپانياسى جالداعان مەدينە قالاسىنداعى قوناق ءۇي ؛
وسى ساپارعا بارعان تاعى ءبىر الماتىلىق ازاماتتىڭ سوزىنشە, ايالداعان قوناق ۇيلەرىنىڭ قىزمەت ساپاسى كوڭىلدەرىنەن شىقپاي, ءابدىحالىقتان باسقا قوناق ءۇي تاۋىپ بەرۋىن تالاپ ەتەن. الايدا ول ازاماتتاردىڭ ايتقان شاعىمىنا قۇلاق اسپاي, بۇل ۋاجدەرىن تاكاپپارلىققا تەڭەگەن. ولاردى ءدىني ۋاعىزدارمەن قورقىتقان.
&ndash؛ ول كىسىنىڭ بىردەن-بىر ايتاتىن سىلتاۋى: سەن مەدينەگە كەلدىڭ, مەككەگە كەلدىڭ, اللانىڭ شاقىرۋىمەن كەلدىڭ. ەشقانداي شاعىم ايتۋعا قۇقىڭ جوق. بۇل جەردە ەشكىمنىڭ حاقىسى سۇرالمايدى. سەن قۇلشىلىققا كەلدىڭ, باسقا نارسەنىڭ ءبارىن قايىرىپ تاستاپ, قۇلشىلىق ەتۋىڭ كەرەك. بۇل قاسيەتتى جەرگە ادامدار ءۇش ءتۇرلى سەبەپپەن كەلەدى. ءبىرىنشىسى ؛&ndash؛ اللانىڭ شاقىرۋىمەن. ونداي ادامداردىڭ جاساعان قۇلشىلىعى قابىل بولادى. ەكىنشىسى ؛&ndash؛ پايعامباردىڭ شاقىرۋىمەن كەلەتىندەر. ياعني, ونداي ادامدار بەلگىلى ءبىر ادامنىڭ ىقپال ەتۋىمەن كەلىپ, قۇلشىلىعىن وتەيدى. ال ءۇشىنشىسى ؛&ndash؛ شايتاننىڭ شاقىرۋىمەن كەلەتىندەر. ونداي ادامدار كەلگەن سوڭ ءتۇرلى سىلتاۋ ايتا باستايدى. جاتقان جەرىنە, ىشكەن تاماعىنا ؛ ريزا بولماي, تاكاپپارلىق تانىتادى. ونداي ادامنىڭ قۇلشىلىعى البەتتە قابىل بولمايدى. ؛ سوندىقتان تاكاپپارلىق تانىتپاي, قاسيەتتى جەرگە كەلگەندە بارلىق جاعدايعا شۇكىر ەتىڭىزدەر. ايتپەسە, شايتاننىڭ شاقىرۋىمەن كەلگەندەي بولاسىزدار دەپ ايتتى, ؛&ndash؛ دەيدى ول.
ونىڭ ايتۋىنشا, وسى ءدىني ۋاعىزداردان كەيىن ولار كوپ نارسەگە كوز جۇما قاراپ, قۇلشىلىقتارىن ۇرىس-كەرىسسىز وتەپ قايتۋعا بەكىگەن, الايدا بارعان جەرلەرىندە كەلەڭسىز جاعدايلارعا كەزىگە بەرىپتى. ؛
"ەلباسىنىڭ شاقىرتۋىمەن كەتىپ قالدى"
قاجىلىققا بارعان ازاماتتار امانگەلدى ءابدىحالىق ولارمەن ساپار بارىسىندا ءۇش-اق كۇن بىرگە بولعانىن ايتادى.
&ndash؛ مەدينەدە جۇرگەن كەزدە ءبىزدى تاستاپ, "ەلباسىنىڭ جينالىسىنا مەن قاتىسپاسام بولمايدى. ەلباسى مەنى جينالىسقا شاقىرىپ جاتىر" دەگەن سىلتاۋمەن قاڭتاردىڭ توعىزى كۇنى قازاقستانعا ۇشىپ كەتتى. ول كىسىنىڭ راسىمەن ەلباسىنىڭ شاقىرتۋىمەن بە, الدە باسقا ماقساتپەن ۇشىپ كەتتى مە, ول جاعىن بىلمەدىك. ايتەۋىر, بىرنەشە كۇننەن كەيىن تاعى ءبىر توپ ازاماتتى قاجىلىققا الىپ كەلىپتى, ؛&ndash؛ دەيدى ولار.
ولاردىڭ سوزىنشە, مەدينەدە ەكى كۇن بولىپ, مەككەگە بارعاندا ءتۇن ورتاسىندا ەشقانداي جەتەكشى جوق, حابارسىز قالىپتى. 12 ازاماتتىڭ ول ؛جاقتاعى قوناق ءۇي ساپاسىنا دا كوڭىلى تولماعان.
سوزدەرىنشە, ول كەزدە امانگەلدى ءابدىحالىق قازاقستاندا بولعان, وعان تەلەفون ارقىلى بايلانىسقا شىعۋعا تىرىسقانمەن, بايلانىسا الماپتى. ال كومپانيا ديرەكتورى تابىستاپ كەتكەن گيد تە "بىلگەندەرىڭدى ىستەڭدەر!" دەپ قاشىپ كەتىپتى. سوندىقتان ولار ول قوناق ۇيگە ايالداماي, ءوز قالتالارىنان اقشا شىعارىپ, باسقا قوناق ۇيگە ورنالاسىپتى. ەرتەسى كۇنى وزدەرى ورنالاسقان قوناق ءۇيدىڭ شىعىنىن تولەپ بەرۋدى ءوتىنىپ, كومپانيا ديرەكتورىنا حابارلاسقاندا, ول "سەندەر قانداي تاكاپپار ەدىڭدەر؟! قوناق ءۇيدىڭ اقشاسىن تولەپ قويدىق. ول &ndash؛ بارلىق جاعدايى جاسالعان ساپالى قوناق ءۇي. تاماقتارىڭ دايىن. تاكاپپارلىق قىلماي سول قوناق ۇيگە بارىڭدار. ايتپەسە, كومپانيا ەشقانداي دا اقشالارىڭىزدى قايتارمايدى. مەنىڭ سىزدەرگە باسقا قوناق ۇيگە تولەپ بەرەتىن اقشام دا جوق. ۇناسا قونىڭدار, ۇناماسا ءوز ەرىكتەرىڭ" دەپ زەكىپ تاستاپتى.
وسى سوزدەردەن كەيىن ءابدىحالىقتىڭ "اقشاسى تۇگەل ءتولىنىپ قويدى" دەگەن قوناق ۇيىنە قايتا ورالعان 12 ازامات ول جاقتا ءوز اتتارىنا ەشقانداي بولمە تىركەلمەگەنىن, ولار ءۇشىن قوناق ۇيدەگى ەشقانداي بولمەگە اقشا تولەنبەگەنىن بىلگەن. سول ساتتەن باستاپ ءابدىحالىقتىڭ سوزىنە سەنۋدەن قالعان ولار ارى قاراي قاجىلىق ساپاردى ءوز بەتتەرىنشە جالعاستىرعان. قاجىلىققا بارعاندا مىندەتتى تۇردە زيارات ەتۋ كەرەك دەپ سانالاتىن قاسيەتتى جەرلەردى وزدەرى ارالاپ, قۇلشىلىقتارىن جالعاستىرىپتى. ؛ولارعا قاجىلىققا اپارعان كومپانيا ديرەكتورى دا, كومپانيانىڭ باسقا وكىلى دە حابارلاسپاعان, وزدەرى دە سول ساتتەن باستاپ ول كومپانيانىڭ كومەگىنە جۇگىنبەگەن.
"بىزدىڭ ماقسات &ndash؛ حالىقتىڭ كوزىن اشۋ"
قامشى تىلشىسىمەن سويلەسكەن الماتىلىق 12 ازامات ؛ وزدەرى سەنىپ بارعان كومپانيانىڭ وسىنداي جاعدايدا قالدىرعانىنا قايران قالىپ وتىر. ولاردىڭ سوزىنشە, "نۇر-قازاقستان" كومپانياسىنا وزدەرى قاجىلىققا الىپ بارعان ازاماتتاردىڭ ءومىرى, دەنساۋلىعى ەمەس, تەك اقشاسى عانا ماڭىزدى. ؛ ؛
&ndash؛ ءبىزدىڭ تۇسىنۋىمىزشە, "نۇر-قازاقستان" كومپانياسىنىڭ ديرەكتورى امانگەلدى قاجى ءابدىحالىق ءوزى قاجىلىققا اپارعان ادامداردىڭ قاۋىپسىزدىگىنە ەش الاڭدامايدى. ولاردىڭ دەنساۋلىعىنا, ومىرىنە جاۋاپكەرشىلىكپەن قارامايدى. مىسالى, ءبىزدى جارتى جولدان تاستاپ كەتتى. ەگەر سول كەزدە ءبىزدىڭ دەنساۋلىعىمىزعا, ومىرىمىزگە ءقاۋىپ تونسە قايتەر ەدى؟! بۇل &ndash؛ بارىپ تۇرعان ماسقارا! ءدىني باسقارمادان مۇنداي كومپانيانىڭ ليسەنزياسىن توقتاتۋعا ىقپال ەتۋدى تالاپ ەتەمىز. جانە بۇل كومپانيا حالىقتى الداپ وتىر دەپ ەسەپتەيمىز. ءبىز مەدينەدە, مەككەدە وزىمىزگە الدىن الا دايىندالعان قوناق ءۇيدىڭ اقشاسىن ينتەرنەت ارقىلى قارادىق. ءبىزدىڭ بۇل كومپانياعا تولەگەن اقشامىز بەن قوناق ءۇي باعاسىن سالىستىرۋعا مۇلدەم كەلمەيدى, ايىرماشىلىعى جەر مەن كوكتەي. وزدەرى ۋادە ەتكەندەي ءتورت جۇلدىزدى, بەس جۇلدىزدى دەي المايسىڭ. ؛
كومپانيا ديرەكتورى امانگەلدى ءابدىحالىق پەن ونىڭ جالدامالى گيد-تەرى قاجىلىق ساپارى بارىسىندا ءبىزدى ورتا جولدان تاستاپ كەتكەن كەزدە, ءبىز ءوز قالتامىزدان قوسىمشا اقشا شىعارىپ, جاتاتىن قوناق ءۇي, ارى-بەرى قاتىنايتىن كولىك جالدادىق. سوندىقتان كومپانيا باسشىلىعى بىزگە قالتامىزدان ارتىق شىققان 700 اقش دوللارىمىزدى ءوندىرىپ بەرسىن, ؛&ndash؛ دەيدى ولار. ؛
ولاردىڭ سوزىنشە, اراب جەرىندە بولعان جايتتاردىڭ ءبارىن جۇرتشىلىققا جاريا ەتۋدەگى ماقسات ؛&ndash؛ ؛حالىقتىڭ كوزىن اشۋ. ؛
&ndash؛ ءبىز باسىندا يسلام دىنىندەگى بەس پارىزدىڭ ءبىرى &ndash؛ قاجىلىعىمىزدى ورىنداۋ ءۇشىن قاسيەتتى جەرگە بارىپ, اناۋ ۇنامادى, مىناۋى دۇرىس ەمەس ەكەن دەپ ايتقىمىز كەلمەگەن. الايدا ويلانا كەلە ەگەر ءبىزدىڭ ورنىمىزدا جاسى ۇلكەن اتا-اپالار وسى كومپانيامەن قاجىلىققا بارسا, كۇنى نە بولماق دەگەن ويعا كەلىپ, بۇل كومپانيانىڭ بىلىقتارىن اشكەرەلەپ وتىرمىز. ءبىزدىڭ ماقسات &ndash؛ حالىقتىڭ كوزىن اشۋ, ؛&ndash؛ دەيدى "نۇر-قازاقستان" كومپانياسىمەن قاجىلىققا بارعان الماتىلىقتار. ؛
ولاردىڭ ايتۋىنا قاراعاندا, اۋەلدە "نۇر-قازاقستان" كومپانياسىمەن قاجىلىققا بارۋعا اداقنۇر نۇراحمەتۇلى دەگەن قاجى كەڭەس بەرگەن.
&ndash؛ نەگىزى ءبىز ۋمرا قاجىلىققا نيەت ەتكەننەن باستاپ باسقا كومپانيامەن سويلەسكەن ەدىك. ءبىراق ءوزىمىزدىڭ تانىسىمىز اداقنۇر نۇراحمەتۇلى دەگەن قاجىنىڭ ۇسىنۋىمەن وسى "نۇر قازاقستانعا" جولىعىپ قالدىق. امانگەلدى قاجىمەن كەزدەستىك. العاش كەزدەسكەندەگى ۋادەلەرىنىڭ ءبارى جاقسى بولدى. ەڭ الدىمەن ءبىز بۇل كىسىنىڭ ء"جۇز رەت قاجىعا بارعان اداممىن, نەشە جىلدان بەرى قانشاما مىڭداعان ادامداردى قاسيەتتى ساپارعا اپاردىم" دەگەنىنە يمانداي سەنىپ قالدىق. سوندىقتان ءبىز بۇل كىسىدەن كەلىسىم-شارت تالاپ ەتپەدىك. ەكىنشىدەن, ورتاق تانىسىمىز بولعاندىقتان ءبىز ول كىسىگە كوپ سۇراقتار قويمادىق. ءتىپتى, قاجىلىق ساپارعا تولەيتىن اقشامىزدىڭ جارتىسىن ول كىسىنىڭ جەكە كارتوچكاسىنا, ال قالعانىن قولما-قول تولەدىك. ول ءۇشىن چەك تە تالاپ ەتپەپپىز. كەيىن ويلانساق, بۇلاي ىستەۋىمىز قاتە بولعان ءتارىزدى. ءبىزدىڭ اقشانى وسىلاي تولەۋىمىزدىڭ ارقاسىندا ەلىمىزدە زاڭدى تۇردە تىركەلگەن "نۇر-قازاقستان" كومپانياسى سالىقتان دا جالتارعان بولۋى مۇمكىن, ؛ &ndash؛ دەيدى الماتىلىق ؛ 12 ازامات.
"نۇر-قازاقستان" قانداي كومپانيا, ونىڭ ديرەكتور امانگەلدى ءابدىحالىق دەگەن كىم؟
الماتىلىق تۇرعىندار قامشى تىلشىسىنە قاجىلىقتا كورگەن قيىنشىلىقتارىن ايتىپ, بولعان جايتتى بايانداپ بەرگەن سوڭ "نۇر-قازاقستان" كومپانياسى تۋرالى اقپارات الۋ ءۇشىن قازاقستان مۇسىلماندار ءدىني باسقارماسىنا حابارلاستىق. ءبىراق ءدىني باسقارما تاراپىنان ناقتى جاۋاپ بولعان جوق. ءبىزدىڭ قوڭىراۋمىزعا جاۋاپ بەرگەن قمدب وكىلى بۇل ماسەلەگە قاتىستى قاجىلىق ءبولىمىنىڭ مەڭگەرۋشىسى ؛جاندىللا بەكجىگىتوۆ قانا جاۋاپ بەرەتىنىن, الايدا ول شەتەلدە ءىس ساپارمەن جۇرگەنىن ايتتى. ؛
ال "نۇر-قازاقستان" كومپانياسىنىڭ ديرەكتورى امانگەلدى ءابدىحالىق بۇل ماسەلەگە بايلانىستى ەشقانداي پىكىر بىلدىرگەن جوق. ول قامشى ءتىلشىسىنىڭ وسى ماسەلەگە قاتىستى قويعان سۇراعىنا "اۋىرىپ جاتىرمىن. 1-2 كۇندە حابارلاسام. كەڭسەدە جولىعارمىز" دەپ قىسقا قايىردى. ؛
قامشى ءتىلشىسى امانگەلدى ءابدىحالىق پەن ول باسقاراتىن "نۇر-قازاقستان" كومپانياسى تۋرالى اقپاراتتى ينتەرنەتتەن ىزدەپ كوردى.
كومپانيانىڭ رەسمي سايتىندا قاي جىلى قۇرىلعانى تۋرالى اقپارات جوق. ەسەسىنە كومپانيا ديرەكتورى وتكەن جىلدىڭ كۇزىندە "adyrna.kz" پورتالىنا بەرگەن سۇحباتىندا كومپانيا 2007 جىلى قۇرىلعانىن ايتقان. "1998 جىلى ساۋد ارابياسىنىڭ شاقىرۋىمەن 220 ادام تەگىن قاجىلىققا بارىپ كەلدىك. سولاردىڭ جولىن ۇيىمداستىرىپ, اپارىپ الىپ كەلدىك. 1999 جىلى 250 ادامدى تاعى دا شاقىردى. 2001 جىلى "سپۋتنيك" تۋريستىك كومپانياسىنىڭ قاجىلىق ءبولىمىنىڭ مەڭگەرۋشىسى بولىپ جۇمىس ىستەدىم. ول كەزدە باسقا كومپانيا جوق. بەس جىل بويى بۇكىل قازاقستاننىڭ قاجىلارىنا ءبىز قىزمەت ەتتىك. تاجىريبە جيناپ, 2007 جىلى ءوز كومپانيامدى اشتىم" دەيدى ءابدىحالىق "adyrna.kz" پورتالىنا بەرگەن سۇحباتىندا. ؛ سول سۇحباتتا ءابدىحالىق قازاقستاندىقتاردى قاجىلىققا اپارۋدا 20 جىلدىق تاجىريبەسى بار ەكەنىن جانە وسى ۋاقىتقا دەيىن 16 مىڭنان استام قازاقستاندىقتى قاجىلىققا اپارعانىن ايتقان. ؛
ينتەرنەتتە امانگەلدى ءابدىحالىقتىڭ وتكەن جىلى كۇزدە "اللاعا شۇكىر" جانە "شۇكىر" دەگەن اتاۋمەن ۇلان-اسىر توي جاساعانى تۋرالى اقپارات بار. قازاقستاندىق سايتتاردىڭ جازۋىنشا, ول بۇل تويدى 100 رەت قاجىلىققا بارعانىنا شۇكىر ەتۋ ماقساتىندا وتكىزىپتى. كەيىن ول تويدىڭ ۆيدەولارى الەۋمەتتىك جەلىدە قىزۋ تالقىلانىپ, قوعامنىڭ وتكىر سىنىنا ۇشىراعان. كوپتەگەن جەلى قولدانۋشىلارى "يسلامدا ىسىراپقا جول جوق. بۇل ؛&ndash؛ بارىپ تۇرعان ىسىراپ" دەگەن پىكىر جازعان. ؛
؛
؛
؛
؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر