• usd 468.56

  • eur 497.56

  • rub 7.3

  • cny 67.18

29 ناۋرىز, 12:49:33
الماتى
+35°

كەشە, 28 قاڭتاردا اۋە اپاتىنا ۇشىراعان bek air ۇشاعىنىڭ ەكىنشى ۇشقىشى ءمىرجان مولداقۇلوۆ قايتىس بولدى. بۇل تۋرالى الماتى قالاسى دەنساۋلىق ساقتاۋ باسقارماسى حابارلادى.

ولاردىڭ مالىمەتىنشە, ۇشقىش 21 قاڭتار كۇنى №4 قالالىق كلينيكالىق اۋرۋحانادان تۇراقتى جاعدايدا ۇيىنە شىعارىلعانىن.


"ول اۋرۋحانادا ەمدەلۋ كەزىندە كارديولوگ, حيرۋرگ, تەراپەۆت, پسيحولوگتاردىڭ قاراۋىندا بولدى. 28 قاڭتار ساعات 18.00-دە ناۋقاس جاعدايىنىڭ كۇرت ناشارلانعانى تۋرالى قوڭىراۋ ءتۇستى. جەدەل جاردەم دەر كەزىندە جەتتى. جۇرەك قىزمەتىن قالپىنا كەلتىرۋ ءۇشىن بارلىق رەانيماسيالىق شارالار جاسالدى, ءبىراق ءبارى ءساتسىز اياقتالدى" دەلىنگەن دەنساۋلىق ساقتاۋ باسقارماسىنىڭ حابارلاماسىندا.


بۇعان دەيىن 5 قاڭتاردا ۇشقىش ەسىن جيىپ, رەانيماسيادان مامانداندىرىلعان بولىمگە اۋىستىرىلعانى تۋرالى حابارلانعان.


27 جەلتوقساندا الماتىدان نۇر-سۇلتانعا بەت العان bek air اۋە كومپانياسىنىڭ fokker-100 ۇشاعى تاڭعى ۋاقىتتا الماتى اۋەجايىنىڭ ماڭىندا قۇلعان ەدى. بورتتا 93 جولاۋشى جانە ەكيپاجدىڭ بەس مۇشەسى بولعان. اپات سالدارىنان 12 ادام قازا تاپتى. ولاردىڭ اراسىندا لاينەردىڭ باس ۇشقىشى مارات مۇراتباەۆ تا بار.

"قامشى" سىلتەيدى
ىلمەك سوزدەر: ۇشقىش bek air

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر