اۋىلدار ينتەرنەتپەن قاشان تولىقتاي قامتاماسىز ەتىلەدى؟

2021-2022 جىلدارى ەلدەگى 885 اۋىلعا كەڭ جولاقتى ينتەرنەت تارتىلادى. بۇل تۋرالى قازاقستان رەسپۋبليكاسى سيفرلىق دامۋ, قورعانىس جانە اەروعارىش ونەركاسىبى مينيسترلىگى دەپارتامەنتىنىڭ ديرەكتورى گۇلنار بوكەەۆا مالىمدەدى.

ونىڭ ايتۋىنشا, ەلدە جالپىعا بىردەي دەكلاراسيالاۋدى ەنگىزۋ كەزىندە كەڭ جولاقتى ينتەرنەتكە قولجەتىمدىكتى قامتاماسىز ەتۋ ماڭىزدى. قازىرگى ۋاقىتتا كەڭ جولاقتى ينتەرنەت بارلىق ءىرى قالالاردا, وبلىس ورتالىقتارىندا, سونداي-اق اۋدان ورتالىقتارى مەن 3 324 اۋىلدىق (حالىق سانى 250 ادامنان استام) ەلدىمەكەندە قامتىلعان. بۇل 16 ميلليونعا جۋىق ادامدى ياعني حالىقتىڭ 90 پايىزىن كەڭ جولاقتى ينتەرنەتپەن قامتۋعا مۇمكىندىك بەردى.

ينتەرنەتپەن قامتاماسىز ەتۋدە اۋىلدىق ەلدى مەكەندەردە قيىندىقتار بار ەكەنىن ەسكەرە وتىرىپ, وسىلاردى ەڭسەرۋ ماقساتىندا ەكى جوبا ىسكە اسىرىلۋدا دەپ اتاپ ءوتتى. ؛

بىرىنشى جوبا &ndash؛ تالشىقتى-وپتيكالىق بايلانىس تەحنولوگياسى بويىنشا ەلدى مەكەندەردى كەڭ جولاقتى ينتەرنەتكە قوسۋ. جوبا مەملەكەتتىك-جەكەشەلىك ارىپتەستىك تەتىگى ارقىلى جۇزەگە اسىرىلۋدا. ءۇش جىلدا سالىنعان تالشىقتى-وپتيكالىق جەلى 20 مىڭ شاقىرىمنان اسادى.

2019 جىلى ينتەرنەتكە 494 اۋىلدىق ەلدى مەكەندە ورنالاسقان 1 470 مەملەكەتتىك ورگان مەن بيۋجەتتىك ۇيىم قوسىلدى. 2020 جىلى 769 اۋىلداعى مەمورگاندار مەن بيۋدجەتتىك ۇيىمداردى قامتۋ جوسپارلانىپ وتىر.

ەكىنشى جوبادا ءتورتىنشى بۋىنداعى ۇيالى بايلانىس جەلىلەرىن سالىپ, اۋىلداردا باسقا دا تەحنولوگيالاردى ەنگىزۋ قاراستىرىلۋدا. بۇل جوبا 2020-2022 جىلدار ارالىعىندا ىسكە اسىرىلادى. وسى جوبانىڭ ناتيجەسىندە 880 اۋىلدىق ەلدى مەكەن قامتاماسىز ەتىلەدى. وسى ارقىلى ؛حالىقتىڭ 93 پايىزى ينتەرنەتپەن قامتىلادى.

"2022 جىلدىڭ سوڭىنا قاراي كەڭ جولاقتى ينتەرنەتپەن 5 مىڭعا جۋىق اۋىلدى ەلدى مەكەن قامتىلادى. ناتيجەسىندە, ءبىز 18 ميلليونعا جۋىق ادامعا نەمەسە حالىقتىڭ 97 پايىزىنا ينتەرنەت قولجەتىمدى بولادى. قالعان ءۇش پايىزى سپۋتنيكتىك بايلانىستى پايدالانۋدىڭ تەحنيكالىق مۇمكىندىگىمەن قامتاماسىز ەتىلەدى", ؛&ndash؛ دەدى دەپارتامەنت باسشىسى.

 ؛

 ؛