شەتەلدىك كولىكتەرگە ارنايى ءنومىر بەرىلەدى

ىشكى ىستەر ءمينيسترىنىڭ ءبىرىنشى ورىنباسارى مارات قوجاەۆ ەلىمىزدە ۋاقىتشا تىركەۋدە تۇرعان ؛ەاەو ەلدەرىنەن اكەلىنگەن كولىكتەرگە ارنايى ءنومىر بەرىلەدى دەپ ؛مالىمدەدى.

قوجاەۆتىڭ ايتۋىنشا, شەتەلدىك ءنومىر تاققان كولىكتەر ءۇشىن 2021 جىلدىڭ 1 ناۋرىزىنا دەيىن كەدەندىك جانە ۋتيليزاسيالىق الىمدى تولەمەۋگە رۇقسات بەرىلەدى. ؛

"ماسەلەن, قازاقستان ازاماتى ارمەنيادا كولىك ساتىپ الىپ, تەحنيكالىق ءتولقۇجاتتى ءوز اتىنا جازسا, ءوز كولىگىن تىركەۋگە قويا الادى. ال كەدەندىك جانە ۋتيليزاسيالىق الىمدى تولەۋ مىندەتى 2021 جىلدىڭ 1 ناۋرىزىنا دەيىن شەگەرىلەدى. ال قازاقستان ازاماتى كولىكتى رەسەيدەن الىپ, سەنىمحاتپەن جۇرگىزسە, كورشى ەلگە بارىپ, تىركەۋدەن شىعارۋى ءتيىس. ءسويتىپ, ءبىر رەتتىك اكسياعا قاتىسا الادى", - دەدى قوجاەۆ ؛وكق بريفينگىندە.

ۋاقىتشا تىركەۋ ءۇشىن قاجەتتى قۇجاتتار: ؛

• جەكە كۋالىك؛
• بۇرىنعى نەمەسە ترانزيتتىك تىركەۋ نومىرلەرى؛
• كولىك قۇرالىن تىركەۋ تۋرالى كۋالىك؛
• مەنشىك يەسى تۋرالى قۇجاتتار؛
• العاشقى تىركەۋ سالىعىن تولەگەنى تۋرالى تۇبىرتەك؛
• مەملەكەتتىك ءنومىر مەن تەحنيكالىق ءتولقۇجاتتى جاساۋ ءۇشىن سالىق تولەگەنى تۋرالى تۇبىرتەك.

"بۇل اۆتوموبيلدەرگە ارنايى سەريا مەن ءتۇردىڭ مەملەكەتتىك ءنومىرى بەرىلەدى, ال تەحپاسپورتقا اتالعان كولىكتى تىركەۋ شارتتارى تۋرالى ءتيىستى بەلگى ەنگىزىلەدى. ءىىم سارى فوندا ءنومىر ۇلگىسىن شىعاردى. 18 سيفرى. سونىمەن قاتار, تەحپاسپورتتا 2021 جىلدىڭ 1 ناۋرىزىنا دەيىن ارەكەت ەتۋ كۇنى كورسەتىلەدى", - دەدى مينيستر. ؛

"ەگەر ازاماتقا مۇنداي مۇمكىندىك بەرىلسە جانە ول 2021 جىلدىڭ 1 ناۋرىزىنا دەيىن تولەمەسە, كەشىرىڭىز, ونىڭ قۇجاتتارى 1 ناۋرىزدا اياقتالادى جانە مەملەكەتتىك ءنومىرى زاڭسىز بولادى", - دەپ مالىمدەدى ىشكى ىستەر ءمينيسترىنىڭ ءبىرىنشى ورىنباسارى. ؛