لا ليگا: "؛رەال"؛ بىلتىرعى چەمپيوننان وزىپ كەتتى

فۋتبولدان يسپانيا چەمپيوناتىنىڭ 22-تۋرىنان كەيىن ءمادريدتىڭ "رەالى" تۋرنير كەستەسىندە كوش باستادى. بۇعان دەيىن كاتالونيالىق "بارسەلونادان" قالىپ كەلە جاتقان مادريدتىك كلۋب جەكسەنبى كۇنى 22 تۋردا سىرت الاڭدا "ۆاليادوليد" كلۋبىن 0-1 ەسەبىمەن جەڭىپ, بارسەلونادان ءۇش ۇپايعا وزىپ كەتتى. "حوسە سورريليا" ستاديونىندا وتكەن ويىن تارتىسقا تولى بولدى. العاشقى تايمدا تابلوداعى ەسەپ وزگەرمەگەنىمەن, ويىننىڭ ەكىنشى جارتىسىندا ماچ ؛ تولىقتاي الاڭ قوناقتارىنىڭ باسىمدىلىعىمەن ءوتتى. رەال ساپىنان ؛ ويىننىڭ 78 مينۋتىندا قورعاۋشى حوسە يگناسيو ناچو توني كرووستىڭ اۋەلەتە اسىرعان دوبىنا ءبىرىنشى جەتىپ, قارسىلاس قاقپاسىن ءدال كوزدەدى. ناچونىڭ گولىنان كەيىن ؛ قوس تاراپ الما كەزەك شابۋىلداعانىمەن, ەسەپ وزگەرىسسىز قالدى.

ال 22 تۋردا رەالدىڭ باستى قارسىلاسى بارسەلونا "مەستاليا" ستاديونىندا جەرگىلىكتى "ۆالەنسيا" كلۋبىمەن كەزدەسىپ, 0-2 ەسەبىمەن ەسە جىبەردى. كاتالونيالىق كلۋبتىڭ سوڭعى ويىنداعى ساتسىزدىگى مادريدتىك كلۋبتىڭ تۋرنير كەستەسىندە العاشقى ورىنعا شىعۋىنا ءوز سەپتىگىن تيگىزدى.

فۋتبول جانكۇيەرلەرىن يسپانيا چەمپيوناتىنىڭ كەزەكتى تۋرىندا تارتىسقا تولى دەربي كۇتىپ تۇر. ؛ العاشقى ورىنداعى "رەال مادريد" تاعى ءبىر مادريدتىك ۇجىم ؛ "اتلەتيكومەن" وينايدى. ؛ ال رەالدىڭ باستى قارسىلاسى "بارسەلونانى" ؛ الداعى تۋردا ؛ "لەۆانتە" كلۋبىمەن ؛ ويناماق.

دايىنداعان: عالىمجان تاكىن

 ؛