27 قاڭتار, 2020 news
بۇل تۋرالى پرەزيدەنتتىڭ ءباسپاسوز حاتشىسى بەرىك ءۋالي ءوزىنىڭ facebook-تاعى پاراقشاسىندا حابارلادى.
"مەملەكەت باسشىسى قاسىم-جومارت توقاەۆ بىرىككەن اراب امىرلىكتەرىنە رەسمي ساپارمەن كەلدى. ؛بۇگىن قازاقستان پرەزيدەنتى ءابۋ-دابيدىڭ مۇراگەر حانزاداسى شەيح مۇحاممەد بەن زايد ءال ناحايانمەن كەزدەسەدى. كەزدەسۋدە ەكىجاقتى ىنتىماقتاستىق ماسەلەسى كەڭ اۋقىمدا تالقىلانادى.
ساپار بارىسىندا ءباا ىسكەرلىك توپتارىنىڭ وكىلدەرىمەن دوڭگەلەك ۇستەل وتكىزۋ جوسپارلانعان.
قاسىم-جومارت توقاەۆ 28 قاڭتاردا دۋبايدا بىرىككەن اراب امىرلىكتەرىنىڭ ۆيسە-پرەزيدەنتى, پرەمەر-مينيسترى, دۋباي بيلەۋشىسى شەيح مۇحاممەد بەن راشيد ءال ماكتۋممەن كەزدەسەدى, سونداي-اق, دۋباي حالىقارالىق قارجى ورتالىعىنا (difc) بارادى. سونىمەن قاتار بىرىككەن اراب امىرلىكتەرى كومپانيالارىنىڭ باسشىلارىمەن كەزدەسۋ وتكىزەدى", دەلىنگە حابارلامادا.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر