25 قاڭتار, 2020 وقيعالار
اشىق دەرەككوزدەن
كەشە, 24 قاڭتاردا تۇركيا شىعىسىنداعى ەليازىگ پروۆينسياسىندا قاتتى جەر سىلكىنىپ, كەمىندە 18 ادام قازا بولدى. جەرگىلىكتى باق-تىڭ حابارلاۋىنشا, كەمىندە جۇزدەگەن ادام جاراقاتتانىپ, تۇرعىن ۇيلەر مەن عيماراتتار قيراعان. ؛
تۇركيانىڭ توتەنشە جاعداي جونىندەگى اگەنتتىگى 6,8 ماگنيتۋدالى جەر سىلكىنىسىنىڭ ەپيسەنتر وشاعى سيۆريدج قالاسىنداعى اۋداندا ورنالاسقانىن حابارلادى. جەر قاتتى سىلكىنگەننەن كەيىن افتەرشوك بولعان. ەليازىگ پروۆينسياسىندا 13 ادام كوز جۇمعان, كورشى مالاتيا پروۆينسياسىندا بەس ادام ولگەن. ەكى پروۆينسيانىڭ اكىمشىلىگى 225 ادامنىڭ جاراقات العانىن حابارلادى.
ال تۇركيانىڭ ىشكى ىستەر ءمينيسترى سۇلەيمان سويلۋ اۋدانعا قۇتقارۋشىلار توبىن جىبەرگەنىن ايتتى. قيراعان ۇيىندىلەر استىنان ادامداردى ىزدەۋ جۇمىسى جالعاسىپ جاتىر. سويلۋدىڭ سوزىنشە, 533 ادام جاراقاتتانعان.
؛
؛
؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر