• usd 389.52
  • eur 429.21
  • rub 6.07
  • cny 54.94
18 اقپان, 06:16:18
شىڭجاڭدىق دۇنگەن: دەرەۋ قازاقتاردان كەشىرىم سۇراڭدار! (اۋديو)

24 قاڭتار, 2020 بارلىق ايماقتار

"؛قىتايداعى ۆيرۋس الماتىعا جەتتى"؛. دەنساۋلىق ساقتاۋ مينيسترلىگى مالىمدەمە جاسادى (ۆيدەو)

الەۋمەتتىك جەلىدە "قىتايداعى ۆيرۋس الماتىعا جەتتى" دەگەن اقپارات پەن ۆيدەو تارالىپ, قىزۋ تالقىلانىپ جاتىر. ؛الايدا قازاقستاننىڭ دەنساۋلىق ساقتاۋ مينيسترلىگى بۇل اقپاراتتىڭ جالعان ەكەنىن مالىمدەدى.

مينيسترلىكتىڭ حابارلاۋىنشا, الەۋمەتتىك جەلىدە تاراعان ۆيدەو تالدىقورعاداعى اۋرۋحانالاردىڭ بىرىندە وتكەن وقۋ-جاتتىعۋدان كورىنىس, سوندىقتان تۇرعىنداردىڭ الاڭداۋىنا ەش نەگىز جوق.

"بۇگىن تالدىقورعان قالاسىنداعى ايماقتىق ينفەكسيالىق اۋرۋحانادا ادام ومىرىنە ءقاۋىپتى ۆيرۋس جۇقتىرعان پاسيەنتكە كومەك كورسەتۋ تۋرالى جوسپارلى تۇردە وقۋ-جاتتىعۋ جۇمىستارى جۇرگىزىلدى. وقۋ-جاتتىعۋ جۇمىستارى دەنساۋلىق ساقتاۋ باسقارماسى مەن الماتى وبلىسى تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ ۇيىمداستىرۋىمەن وتكىزىلدى. تۇرعىنداردىڭ الاڭداۋىنا ەش نەگىز جوق. الەۋمەتتىك جەلىلەردە نەگىزسىز اقپاراتتىڭ تارالۋىنا جول بەرمەۋلەرىڭىزدى سۇرايمىز" دەلىنگەن دەنساۋلىق ساقتاۋ مينيسترلىگىنىڭ حابارلاماسىندا. ؛

وتكەن جىلدىڭ اياعىندا قىتايدا بەلگىسىز ۆيرۋس تاراپ جاتقانى ايتىلا باستادى. كورونوۆيرۋس دەپ اتالعان بۇل ۆيرۋس قىتايدىڭ ۋحان جانە حۋانگەن قالالارىندا كوپتەپ تارالعان. سوعان بايلانىستى قىتاي بيلىگى بۇل ەكى قالانى جاپتى. ازىرگە پنەۆمونياعا ۇقساس دەرتكە شالدىقتىراتىن ۆيرۋستىڭ قايدان شىعىپ جاتقانى بەلگىسىز. 2002 جىلى وسىعان ۇقساس ۆيرۋستان قىتاي مەن گونكونگتە 600-دەن استام ادام ولگەن.

23 قاڭتاردا دۇنيەجۇزىلىك دەنساۋلىق ساقتاۋ ۇيىمى (ددسۇ) قىتايدا ينفەكسيانىڭ تارالۋىنا بايلانىستى دەنساۋلىق ساقتاۋ سالاسىندا توتەنشە جاعداي جاريالاۋدان ؛باس تارتتى. ددسۇ-نىڭ باسشىسى تەدروس ادزحنوم گەبرەيەسۋستىڭ ايتۋىنشا, مۇنداي شەشىم قابىلداۋ ءۇشىن ءالى كوپ دەرەك جيناقتالۋى ءتيىس. ؛

 ؛

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر