24 قاڭتار, 2020 بارلىق ايماقتار
اشىق دەرەككوز
قازاقستان پرەزيدەنتى قاسىم-جومارت توقاەۆ «؛bek air»؛ ۇشاعى اپاتىنان زارداپ شەككەندەردەن وزىنە حاتتار ءتۇسىپ جاتقانىن ايتتى, دەپ جازادى qamshy.kz اقپارات اگەنتتىگى قازاقپاراتتىڭ دەرەگىن نەگىزگە الىپ.
«؛جاقىندا ەلىمىزدە اۋە اپاتى بولعانىن بارلىعى بىلەدى. ماعان وسىعان بايلانىستى زارداپ شەككەندەردەن ءالى دە حاتتار ءتۇسىپ جاتىر. ايتۋلارىنشا, ولار ءالى اقشالاي وتەماقىنى الا الماي جاتقان كورىنەدى. جۇمىسقا جارامسىز جاعدايدا قالعاندارى, اۋرۋحانادا جاتقاندارى بار. وسىعان بايلانىستى قانداي شارالار اتقارىلىپ جاتىر»؛, - دەپ مەملەكەت باسشىسى ۇكىمەتتىڭ كەڭەيتىلگەن وتىرىسىندا پرەمەر-مينيستردىڭ ورىنباسارى رومان سكليارعا قاراتا ايتتى.
وز كەزەگىندە رومان سكليار كوز جۇمعانداردىڭ وتباسىلارىنا 4 ميلليون تەڭگەدەن كومەك كورسەتىلگەنىن جەتكىزدى. سونىمەن بىرگە, ۇشاقتا بولعانداردىڭ ءبارى دە ساقتاندىرۋ كومپانياسى ارقىلى ءتيىستى كومەكتەر بەرىلمەك.
«؛جۋىق ارادا تولەمدەر جۇرگىزىلەدى. قاجەتتى قۇجاتتاردىڭ ءبارى رەسىمدەلدى»؛, - دەدى ول.
وز كەزەگىندە پرەزيدەنت «؛امان قالعان, ءبىراق زارداپ شەگىپ, جۇمىسقا جارامسىز بولىپ قالعان ادامداردىڭ جايى نە بولدى؟»؛ دەپ سۇرادى.
«؛جالپى, 52 ادام زارداپ شەككەن بولاتىن. ولارعا جەرگىلىكتى اتقارۋشى ورگاندار مەن ەڭبەك جانە حالىقتى الەۋمەتتىك قورعاۋ مينيسترلىگى كومەك كورسەتەدى»؛, - دەدى رومان سكليار.
پرەزيدەنت ءوز سوزىندە بۇل باعىتتاعى جۇمىستى جەدەلدەتۋدى تاپسىردى.
ەسكە سالا كەتەيىك, 2019 جىلدىڭ 27 جەلتوقسانىندا الماتىدان نۇر-سۇلتان قالاسىنا ۇشىپ شىققان 93 جولاۋشى جانە 5 ەكيپاج مۇشەسى مىنگەن ۇشاق اپاتقا ۇشىراعان بولاتىن. 12 ادام قازا تاپتى. كەيىن الماتى اۋەجايى «؛bek air»؛ ۇشاعىنىڭ قۇلاۋ ۋاقىتىنىڭ حرونولوگياسىن جاريالادى.
؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر