شەتەلدىك جۇمىسشىلار ماسەلەسى قالاي شەشىمىن تابۋدا؟

وتكەن جىلى 500-دەن استام شەتەلدىك جۇمىسشى ەلىنە قايتارىلدى. بۇل تۋرالى ۇكىمەتتىڭ كەڭەيتىلگەن وتىرىسىندا قر پرەمەر-مينيسترىنىڭ ورىنباسارى بەردىبەك ساپارباەۆ ايتتى, دەپ حابارلايدى ؛inform.kz.

&ndash؛ جالپى بەلسەندى جۇمىس اتقارىلىپ جاتىر. بۇل كورىنىپ تۇر. ءبىراق, سۇراعىم بار. شەتەلدىك جانە جەرگىلىكتى جۇمىسكەرلەرگە جالاقى تولەۋ جونىندە تەڭسىزدىككە جول بەرمەۋ كەرەك. بۇل ؛&ndash؛ انىق ماسەلە. وسى جۇمىستىڭ ناتيجەسى قانداي؟ ناتيجەلەر ءقازىر بار ما, جوق پا؟, ؛&ndash؛ دەپ سۇرادى مەملەكەت باسشىسى الەۋمەتتىك دامۋ جانە ەڭبەكپەن قامتۋ جونىندە بايانداعان قر پرەمەر-مينيسترىنىڭ ورىنباسارى بەردىبەك ساپارباەۆتان.

ۇكىمەت باسشىسى ورىنباسارىنىڭ ايتۋىنشا, بۇگىنگى تاڭدا قازاقستاندا 2010-عا جۋىق كاسىپورىندا شەتەلدىك ازاماتتار جۇمىس ىستەيدى. ولاردا ەڭبەك ەتەتىن قازاقستاندىقتاردىڭ ۇلەسى 90 پايىزدى قۇرايدى.

&ndash؛ ءسىزدىڭ تاپسىرماڭىزعا سايكەس, ەڭبەك مينيسترلىگى, باس پروكۋراتۋرا جەرگىلىكتى بيلىك وكىلدەرىمەن بىرىگىپ, 3 مىڭنان استام شەتەلدىك جۇمىس ىستەيتىن 96 كاسىپورىندى تەكسەردى. سونىڭ ناتيجەسىندە مىڭعا جۋىق زاڭ بۇزۋشىلىق انىقتالدى. باس پروكۋراتۋرانىڭ كومەگىمەن 500-دەن استام شەتەلدىك ەلىنە قايتارىلدى. 470 ەڭبەك شارتى بۇزىلدى, ؛&ndash؛ دەدى ول.

ب.ساپارباەۆتىڭ ايتۋىنشا, بيىل بىلتىرعى جىلمەن سالىستىرعاندا شەتەلدىك جۇمىسشىلار كۆوتاسى 40 پايىزعا قىسقارتىلدى. ياعني, بىلتىر 49 مىڭعا جۋىق شەتەلدىك ازامات قازاقستاندىق كاسىپورىندارعا جۇمىسقا تارتىلسا, بيىل ولاردىڭ سانى 29 مىڭعا دەيىن تومەندەتىلدى.

ال وسىدان 5 جىل بۇرىن ەلىمىزدە جۇمىس ىستەيتىن شەتەلدىكتەردىڭ سانى 100 مىڭعا جۋىق بولاتىن.

&ndash؛ وعان قوسىمشا ءبىز قازىرگى قولدانىستاعى زاڭناماعا وزگەرىستەر دايىنداپ, پارلامەنتكە بەردىك. كاسىپورىندارعا شەتەلدەن مامان تارتاتىن بولسا, كەمىندە 2-3 جىلدىڭ ىشىندە سولاردىڭ ورنىنا جۇمىس ىستەيتىن قازاقستاندىق مامان دايىنداۋ قاجەتتىگىن ەسكەرتتىك, ؛&ndash؛ دەدى ۇكىمەت باسشىسىنىڭ ورىنباسارى.