24 قاڭتار, 2020 news
sputnik.kz
قازاقستان پرەزيدەنتى قاسىم-جومارت توقاەۆ ۇلتتىق قورعا بالاما بولاتىن قوسىمشا ينستيتۋتتاردى قۇرۋعا رۇقسات بەرىلمەيتىنىن مالىمدەدى. بۇل تۋرالى ول بۇگىن نۇر-سۇلتاندا وتكەن ۇكىمەتتىڭ كەڭەيتىلگەن وتىرىسىندا ايتتى, دەپ حابارلادى قازاقپارت. ؛
توقاەۆتىڭ سوزىنشە, قازاقستاننىڭ بۇرىنعى پرەزيدەنتى نۇرسۇلتان نازارباەۆتىڭ باستاماسىمەن قۇرىلعان ۇلتتىق قور ەلدەگى بالاماسىز ينستيتۋت سانالادى. ؛
- ەلباسىنىڭ باستاماسىمەن قۇرىلعان ۇلتتىق قور بالاماسىز ينستيتۋت بولىپ سانالادى. قانداي دا ءبىر قوسىمشا قورلاردى قۇرۋعا جول بەرىلمەيدى جانە رۇقسات ەتىلمەيدى. بۇل ماقسات ۇكىمەت, ۇلتتىق قور جانە جاڭادان قۇرىلعان اگەنتتىك الدىندا تۇر دەپ ويلايمىن, - دەدى پرەزيدەنت.
ۇلتتىق قور 2000 جىلى قازاقستاننىڭ سول كەزدەگى پرەزيدەنتى نۇرسۇلتان نازارباەۆتىڭ جارلىعىمەن قۇرىلعان. ۇلتتىق قوردا قازاقستاننىڭ شيكىزات ساتۋدان تۇسكەن قارجى جينالادى. ۇلتتىق قوردا جينالعان قاراجاتقا قاتىستى قازاقستانداعى قوعام بەلسەندىلەرىنىڭ وزىندىك تۇجىرىمدامالارى بار. ولاردىڭ ايتۋىنشا, قورداعى قارجى حالىقتىڭ تۇرمىسىنا, بىلىمىنە, دەنساۋلىعىنا جۇمسالۋعا ءتيىس.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر