focus.ua
قىتايدىڭ ۋحان قالاسىندا كوروناۆيرۋستىڭ ورشۋىنە بايلانىستى كەيىنگە شەگەرىلگەن بوكستان ازيا جانە تىنىق مۇحيت ايماعى بويىنشا ىرىكتەۋ (2020 جىلى توكيودا وتەتىن وليمپيادا ويىندارىنا) ءتۋرنيرىنىڭ مەرزىمى دە, وتەتىن ورنى دا وزگەرەتىن بولدى. بۇل تۋرالى حالىقارالىق وليمپيادا كومميتەتىنە سىلتەمە جاساعان olympic.kz سايتى حابارلادى.
سايتتىڭ حابارلاۋىنشى, ىرىكتەۋ ءتۋرنيرىن وتكىزۋ كۇنى 3-11 ناۋرىزعا جوسپارلاندى, ءبىراق قاي مەملەكەتتە وتەتىنى ءالى بەلگىسىز.
"سپورتشىلار مەن رەسمي تۇلعالاردىڭ قاۋىپسىزدىگىن قامتاماسىز ەتۋ ماقساتىندا 3-14 اقپان ارالىعىنا جوسپارلانعان 2020 جىلعى توكيو وليمپياداسىنا ازيا/تىنىق مۇحيتى ەلدەرىنىڭ بوكسشىلارىن ىرىكتەۋدى كەيىنگە قالدىرۋ شەشىمى قابىلدانعان بولاتىن. ىرىكتەۋ ءتۋرنيرى وتكىزىلەتىن جاڭا مەرزىم &ndash؛ 3-11 ناۋرىز. قازىرگى كەزدە جارىستى وتكىزەتىن ورىن قاراستىرىلۋدا. ءبىر انىعى, تۋرنير قىتايدا ۇيىمداستىرىلمايدى. جۇمىس توبى ءتۋرنيردى قابىلدايتىن مەملەكەت پەن قالانى انىقتاعان كەزدە بارلىق ۇلتتىق وليمپيادالىق كوميتەتتەر, ۇلتتىق فەدەراسيالار مەن رەسمي تۇلعالار حاباردار ەتىلەدى"دەلىنگەن حوك-تىڭ رەسمي حاتىندا.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر