23 قاڭتار, 2020 news
جەتى جىل باس بوستاندىعىن شەكتەۋ: قىز الىپ قاشقان ءتورت جىگىتكە سوت ۇكىمى شىقتى
دوستارىنا قالىڭدىق الىپ قاشامىز دەپ باستارى داۋعا قالعان ءتورت جىگىتكە قاتىستى سوت شەشىمى شىقتى. قىز الىپ قاشۋشىلاردىڭ جەتى جىلعا باس بوستاندىعى شەكتەلدى.
فوتو: ۆەچەرنيي بيشكەك
دەگەنمەن سارقان قالاسىنان قالىڭدىقتى الىپ قاشۋ بارىسىندا قىز بەن ۇيلەنۋشى جىگىتتىڭ اراسىندا ەشقانداي ءسوز بايلاسۋدىڭ جوق ەكەنى بەلگىلى بولادى. شاڭىراق كوتەرۋگە اسىققان دوستارىنىڭ قالىڭدىعىن جەتكىزىپ بەرىپ, دوستارى ءوز ۇيلەرىنە كەتەدى. ەركىنەن تىس اكەلگەن قالىڭدىقتى جەرگىلىكتى ۋچاسكەلىك پوليسيا ينسپەكتورى قۇتقارىپ, ۇيىنە امان-ەسەن جەتكىزگەن.
- سارقان اۋدانىنىڭ پوليسياسىنا ەركىنەن تىس ادام ۇرلاۋ دەرەگى بويىنشا حابار ءتۇستى. ايتقان ۋاجدەرىن تىڭداماعان جىگىتتەردىڭ جىبەرمەيتىنىن تۇسىنگەن قالىڭدىق امالىن تاۋىپ, ىشكى ىستەر ورگاندارىنا حابار بەرەدى. زارداپ شەگۋشى تاراپىنان پوليسياعا ارىز ءتۇستى. دەرەك بويىنشا قر قىلمىستىق كودەكسىنىڭ 125-بابىنا سايكەس ءىس قوزعالىپ, قىلمىستىڭ ءمان-جايى انىقتالدى, - دەپ حابارلادى الماتى وبلىستىق ؛پوليسيا دەپارتامەنتى ءباسپاسوز قىزمەتى.
سارقان اۋدانىنىڭ سوتى سۇيىكتىسىن الىپ قاشقان ارەكەتى ءساتسىز شىققان 22 جاستاعى تۇرعىن مەن ونىڭ زاڭسىز ارەكەتىنە قولداۋ بەرگەن ءۇش دوسىن قىلمىس جاساعاندىعى ءۇشىن كىنالى دەپ تانىپ, جەتى جىل باس بوستاندىعىن شەكتەۋ جازاسىنا كەستى. سوت شەشىمى زاڭدى كۇشىنە ەندى.
 ؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر