23 قاڭتار, 2020 وقيعالار
اشىق دەرەكوزدەردەن
اقمولا وبلىسىندا ستۋدەنت ساباق ۇستىندە التىنشى قاباتتان سەكىرىپ كەتتى, دەپ جازادى qamshy.kz اقپارات اگەنتتىگى وبلىستىق پوليسيا دەپارتامەنتىنىڭ ؛ ءباسپاسوز قىزمەتىنە سىلتەمە جاساپ.
دەپارتامەنتتىڭ حابارلاۋىنشا, وقيعا بۇگىن تۇسكى ۋاقىتتا بولعان. ؛
"بۇگىن ساعات 13.15-تە بەلگىسىز ادام تەلەفون ارقىلى حابارلاسىپ, جاس جىگىتتىڭ شوقان ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتىنىڭ التىنشى قاباتىنان سەكىرگەنى تۋرالى ايتتى. وقيعا ورنىنا جەتكەن جەدەل تەرگەۋ توبى قۇلاعان ادامنىڭ وسى ءبىلىم ورداسىنىڭ ستۋدەنتى ەكەنىن جانە ساباق ۇستىندە التىنشى قاباتتاعى اۋديتوريانىڭ تەرەزەسىنەن سەكىرگەنىن انىقتادى" دەلىنگەن ۆەدومستۆو تاراتقان حابارلامادا.
پوليسيا دەپارتامەنتىنىڭ مالىمدەۋىنشە, زارداپ شەككەن ستۋدەنت جەدەل جاردەم قىزمەتىنىڭ كومەگىمەن اۋرۋحانانىڭ جانساقتاۋ بولىمىنە جەتكىزىلدى. قازىرگى كەزدە وقيعانىڭ ءمان-جايى انىقتالۋ ۇستىندە.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر