• usd 468.56

  • eur 497.56

  • rub 7.3

  • cny 67.18

29 ناۋرىز, 05:11:52
الماتى
+35°

20 قاڭتار كۇنى qamshy.kz اقپارات اگەنتتىگى ءتىلشىسىنىڭ جۋرناليست, ساياساتكەر ەرمۇرات باپيدەن العان ؛«؛توقاەۆتىڭ توڭىرەگى نازارباەۆشىلداردىڭ قورشاۋىندا قالدى»؛ ؛اتتى سۇحباتى شىقتى. سۇحبات بارىسىندا ەرمۇرات ءباپيدىڭ دەموكراتيالىق پارتيا قۇرعىسى كەلىپ جۇرگەن قوعام بەلسەندىسى جانبولات ماماي تۋرالى ايتقان كەيبىر ويلارىن الەۋمەتتىك جەلى قولدانۋشىلارى تالقىلاپ, «؛بۇل سۇحباتتىڭ ماقساتى &ndash؛ مامايدى ناسيحاتتاۋ ما»؛ دەپ پىكىر بىلدىرگەن. ؛qamshy.kz ؛پورتالى بەيتاراپ باعىتتى ۇستاناتىن ەركىن اقپارات الاڭى بولعاندىقتان, بەلگىلى ءبىر ماسەلەگە بايلانىستى كەز كەلگەن تاراپتىڭ ايتارىن جاريالاۋعا ءازىر. وسى رەتتە جانبولات مامايدىڭ پارتيا قۇرۋ ارەكەتىن "بيلىك جوباسى" دەپ سانايتىن بىرنەشە قوعام بەلسەندىسىنىڭ پىكىرىن ۇسىنادى.

جانبولاتتىكى يتاۋرە

جۋرناليست-جازۋشى تالعات ايتبايۇلى "مامايمەن التى الاسى, بەس بەرەسىم جوق, تەك حالىقتىڭ الدانعانىن قالامايمىن" دەيدى.

&ndash؛ ءدال بۇگىنگى كۇنى ەلدى 30 جىلدان بەرى باسقارىپ تۇرعان اۆتوريتارلىق رەجيمنەن دەموكراتياعا قاراي الدەبىر وزگەرىس كۇتۋ &ndash؛ اقىماقتىق. بۇنى ەسى دۇرىس, اقىلى ءتۇزۋ كەز كەلگەن ادام لوگيكاعا سالىپ-اق تۇسىنە الادى. سوندىقتان جانبولات ماماي بيلىك ازىرلەپ جاتقان كەزەكتى جوبانىڭ ءبىر ويىنشىسى دەپ بىلەمىن.

قىزىق ءۇشىن, قاراڭىزشى, قازاقستاندا الاڭعا شىققان انالاردى, پيكەتكە شىققان جالعىز ادامدى پوليسيا ۇستايدى دا, ماماي الاڭعا شىقسا ۇستامايدى. وعان جۋرناليستىك قىزمەتپەن اينالىسۋعا دا 3 جىلعا تىيىم سالىنعان. جوق, ونى ۇستامايدى دا, قامامايدى دا. مەن جانبولاتقا جاۋ ەمەسپىن. ونىڭ قازاقتىڭ جوقشىسى بولىپ جاساعان فيلمدەرىن قۇپتايمىن, ساياساتتاعى ۇستانىمىن, سويلەگەن ءسوزىن جاقسى بىلەمىن. ءبىراق بۇگىنگى جاعدايداعى ارەكەتتەرى كوڭىلگە كۇدىك ۇيالاتادى. "اۋزى كۇيگەن ءۇرىپ ىشەر" دەمەكشى, قوسانوۆ جوباسى قايتالانباسا ەكەن دەيمىن عوي. حالىق تاعى دا الدانىپ, وكىنىپ قالماسا دەگەن وي مەنىكى, &ndash؛ دەدى جازۋشى.

جۋرناليست ماماي پارتياسى تىركەلىپ, پارلامەنت سايلاۋىنا تۇسكەن كۇننىڭ وزىندە ودان قوعامعا كەلىپ-كەتەر ەشتەڭە جوق دەگەن پىكىردە.

&ndash؛ جانبولات بيلىكتىڭ جوباسى بولسىن, بولماسىن ونىڭ قۇرعان پارتياسى تىركەلدى, پارلامەنت سايلاۋىنا ءتۇستى دەلىك. سوندا بىردەڭە وزگەرە قويا ما؟ مەنىڭشە, سول باياعىداي ماجىلىستەگى ورىنداردىڭ 85 پايىزىن نۇروتاندىق دەپۋتاتتار الادى دا, قالعان 15 پايىزىن يتكە سۇيەك لاقتىرعانداي ەتىپ بىرنەشە پارتياعا ءبولىپ بەرەدى. جانبولاتتىڭ پارتياسىنا 2-3 ورىن بۇيىرار. وعان 50 پايىز داۋىستى بيلىك ولسە دە بەرمەيدى! سول 2-3 دەپۋتات حالىقتىڭ زارىن قانشا اشىنىپ جەتكىزگەنىمەن, جەمە-جەمگە كەلگەندە ونى شەشەتىن دەپۋتاتتاردىڭ داۋىسى. سوندا كوپشىلىك داۋىسپەن بيلىك ويىنا كەلگەنىن جۇزەگە اسىرىپ, ميىعىنان كۇلىپ وتىرا بەرەدى. ءبىزدىڭ حالىققا كەرەگى وسى ما؟ سوندىقتان دا جانبولاتتىكى يتاۋرە دەپ بىلەمىن. ول وسى ىسىمەن نازارباەۆتىڭ بيلىگىن سوزىپ, ونىڭ قۇرعان قاسىرەتتى جۇيەسىنىڭ ءومىرىن ۇزارتۋعا ۇلەس قوسادى. مەن لايىم قاتەلەسەيىن, الايدا ىشكى تۇيسىگىم وسىلاي دەيدى. سول سەبەپتى دە, قانشالىقتى جەككورىنىشتى بولسام دا, ءوز ويىمدى جاسىرماي جايىپ سالدىم, &ndash؛ دەدى تالعات ايتبايۇلى.

جانبولات كىم, ءابلازوۆ كىم؟

اقىن مىرزان كەنجەباي كولدەنەڭ تارتقان پىكىر دە وسىعان ۇقساس.

&ndash؛ مامايدى پارلامەنتكە اپارۋى دا عاجاپ ەمەس. ول وندا بارعاننان كەيىن بەكبولات (تىلەۋحان &ndash؛ رەد) سياقتى زۋىلداتىپ سويلەيدى. ەلدىڭ جوعىن جوقتاپ, مۇڭىن مۇڭدايدى. نازارباەۆتان باستاپ, توقاەۆقا دەيىن سىنايدى. سوسىن حالىق ء"بىزدىڭ ەلدە دەموكراتيانىڭ لەبى ەسە باستادى, وپپوزيسيانىڭ ءوزى پارلامەنتكە بارىپ جاتىر" دەپ الدانىپ قالادى. ءبىراق پارلامەنتتىڭ 99 پايىزى بيلىكتىك دەپۋتاتتار بولعاندىقتان, ونىڭ سىنىنان نە وزگەرەدى؟ ەشتەڭە دە وزگەرمەيدى, &ndash؛ دەپ اتاپ ءوتتى اقىن.

مىرزان كەنجەباي مامايدىڭ بانكير, قازاقستاندا تىيىم سالىنعان قازاقستاننىڭ دەموكراتيالىق تاڭداۋى پارتياسىنىڭ جەتەكشىسى مۇحتار ءابلازوۆتى سىناۋى "بارىپ تۇرعان ناداندىق" دەگەندى ايتتى.

&ndash؛ ادام ءوزىن ابلازوۆپەن سالىستىرۋ كەرەك قوي. جانبولات كىم, ءابلازوۆ كىم؟! ماماي ابلازوۆپەن ساياسي, ەكونوميكالىق ءبىلىمى, تانىم-تۇسىنىگى, مادەنيەتى جاعىنان دا تەڭەسە المايدى, دەگەن ول ءابلازوۆتى قولدايتىنىن ايتتى.

&ndash؛ ءابلازوۆتى ابدەن قولدايمىن. سەبەبى ول وتە ءبىلىمدى, مادەنيەتتى جىگىت. ونىڭ 2006 جىلدارى بيلىككە قالاي قارسى شىققانى كوز الدىمدا. تاڭ ارناسى قالاي كەرەمەت جۇمىس ىستەدى. حالىقتىڭ كوزىن اشتى. ءابلازوۆتى سىناۋشىلار ونى قازاقشا سويلەي المايدى دەپ سوگەدى. ول قازاقشا وتە جاقسى سويلەيدى. مىنا شىمكەنتتىڭ جىگىتى عوي. تەك شالا قازاقتار مەن وزگە ۇلت وكىلدەرى "مىناۋ ۇلتشىل ەكەن, قازاقتاردى عانا ويلايدى ەكەن" دەپ ايتپاس ءۇشىن عانا قازاقشا سويلەمەيدى. ونىڭ استارىندا ۇلكەن ساياسي ءمان بار, &ndash؛ دەدى ول.

ونىڭ سوزىنشە, قوعامدىق-ساياسي جاس الاش گازەتىنىڭ باسشىلىعىنا مامايدىڭ زايىبى ؛&ndash؛ ينگا يمانبايدىڭ كەلۋى ەرتەڭ مامايشىلار ءۇشىن ۇلكەن كۇشكە اينالادى.

قازاقستاندا نازارباەۆ رەجيمى داۋىرلەپ تۇرعاندا شىن مانىندەگى وپپوزيسيالىق پارتيا قۇرىلۋى مۇمكىن ەمەس

وپپوزيسيالىق ساياساتكەر جاسارال قۋانىشالين جانبولات ماماي پارتيا قۇرامىن دەپ مالىمدەگەن ساتتەن باستاپ وعان كۇمانمەن قاراعان.

&ndash؛ قازاقستاندا نازارباەۆ رەجيمى داۋىرلەپ تۇرعاندا شىن مانىندەگى وپپوزيسيالىق پارتيا قۇرىلۋى مۇمكىن ەمەس. شىنايى وپپوزيسيانى بۇل رەجيم ەركەلەتىپ قويمايدى. ماماي باستاعان ىنتالى توپتىڭ تىركەلۋى كۇمانىمدى تىپتەن قويۋلاتا ءتۇستى. بۇل دۇنيەدە ءبارى سالىستىرعاندا كورىنەدى عوي. قولىنا كوك شار ۇستاپ شىققان بالانى زىڭگىتتەي پوليسەيگە قۋالاتىپ قويعان قاراوردا (اقوردا &ndash؛ رەد) "نۇروتاننىڭ تاس-تالقانىن شىعارامىز", "بيلىكتى, رەجيمدى قۇلاتامىز" دەپ جۇرگەن مامايعا قالايشا جول اشىپ قويادى, &ndash؛ دەگەن ول پارتيا قۇرۋشى باستاماشىل توپقا قىسىم جاسالىپ جاتقانى وتىرىك ەكەنىن مالىمدەدى.

&ndash؛ ولارعا كەدەرگى جاساعانداي بولعان ارەكەتتى ولار وزدەرى-اق ۇيىمداستىرا الادى. حالىق "پارتيانى تىركەۋ پروسەسى وپ-وڭاي ءوتىپ جاتىر" دەپ ايتپاۋى ءۇشىن, "بىزگە كەدەرگى كەلتىرىلىپ جاتىر" دەگەندەي وسىنداي ارەكەتتەر جاسالادى. ەگەر ولاردىڭ اياعىن ەش وبلىسقا باسقىزباي قويسا, ەشقانداي بولىمشە قۇرعىزباي قويسا, وندا شىن كەدەرگى بولار ەدى. وندا سەنۋگە بولادى. سوندىقتان كەدەرگى دەگەندەردىڭ ءبارى كوزبوياۋشىلىق, &ndash؛ دەدى ساياساتكەر.

جانبولات ماماي "ساياسي قالام" گازەتىن شىعارعان ساتتە باسىلىمعا اۆتور رەتىندە ماقالا جازىپ تۇرعان جاسارال قۋانىشالين سول تۇستا بولعان ءبىر وقيعا ونىڭ كوڭىلىنە كۇدىك ۇيالاتقانىن ايتتى.

&ndash؛ كەزىندە كينورەجيسسەر ەرمەك تۇرسىنوۆتىڭ نازارباەۆتى اقتاپ, حالىقتى داتتاپ جازعان ماقالاسى شىققان. وندا "حالىق كىنانى نازارباەۆقا ارتا بەرمەي, وزىنەن باستاۋى كەرەك" دەگەن كولگىرسىگەن اڭگىمە ايتىلعان ەدى. مەن ونىڭ بۇل ويلارىن سىناپ, ونىڭ نازارباەۆشىل ەكەنىن, حالىققا قارسى ادام ەكەنىن ايتىپ ماقالا جازدىم. ماقالادا جاڭاوزەندەگى جاعدايدان كەيىن اقتاۋدا بولعان سوت پروسەسى تۋرالى دا ايتىلعان. وندا ۆلاديمير كوزلوۆ, بولات اتاباەۆ, جانبولات مامايدىڭ ءىسى قارالعان بولاتىن. سوتتا مىناداي جاعداي بولعان: جوعارىدا ايتقان رەجيسسەر ەرمەك تۇرسىنوۆ "سيزو"-عا كىرىپ, اتاباەۆقا قاتىستى سوت ىسىمەن تانىسىپ, اتاباەۆپەن جولىعىپ, ونى بوساتىپ الىپ شىعادى. ال وسى كەزدە كوزلوۆقا ادۆوكاتى مەن جاقىندارى كىرە الماي وتىردى. بۇل قالاي بولعانى؟ قايداعى ءبىر رەجيسسەر بارادى دا ەمىن-ەركىن جاڭاعىداي تىرلىكتەردى جاسايدى. بۇل مۇمكىن ەمەس نارسە عوي. دەمەك بۇل ۇقك-نىڭ كەلىسىمىمەن, سولاردىڭ سەنارييى, تاپسىرىسى بويىنشا جۇزەگە اسقان نارسە. وسىلاردى نەگىز ەتىپ, مەن تۇرسىنوۆ ۇقك-نىڭ جانسىزى دەپ ماناعى ماقالادا جازدىم. ماماي ماقالانى باستى دا, تۇرسىنوۆ تۋرالى ايتقاندارىمدى الىپ تاستادى. ويتكەنى جانبولاتتىڭ ءوزىن دە سول ىستە ۇقك-نىڭ تولەگەن جۇكەەۆ دەگەن تاعى ءبىر جانسىزى ءدال وسىلايشا الىپ شىققان بولاتىن. جانبولات تاياقتىڭ ءبىر ۇشى وزىنە تيەتىندىكتەن, ماقالاداعى ايتىلعان نارسەلەردى الىپ تاستادى, &ndash؛ دەيدى ول.

وپپوزيسيالىق ساياساتكەردىڭ ايتۋىنشا, ماماي پارتياسىن تىركەپ, پارلامەنتكە وتكىزۋ ارقىلى بيلىك ءبىر جاعىنان حالىقارالىق ۇيىمدار الدىندا بەدەل جيناپ, ديكتاتۋرانى دۇرىسىراق قىلىپ كورسەتۋگە تىرىسسا, ەكىنشى جاعىنان "حالىق وكىلى بيلىككە كەلدى" دەگەن وي تۋدىرىپ, حالىقتى الداۋدىڭ امالىن جاساۋدا.

&ndash؛ بيلىك مامايشىلارعا پارلامەنتتە وزدەرىن سىناۋعا مۇمكىندىك بەرگەنىمەن, ەلدە ءپرينسيپتى وزگەرىستەر بولمايدى. مامايشىلداردىڭ باستاماسىمەن جەڭىل-جەلپى رەفورمالار عانا ىسكە اسۋى مۇمكىن. ولاردىڭ وپپوزيسيا دەگەن داقپىرتى بار عوي. سوندىقتان الگىلەردىڭ شوقتىعى پارلامەنتتەگى قۋىرشاق پارتيالاردان جوعارى بولاتىنداي ەتىپ ۇيىمداستىرىلادى. الدا-جالدا ءبىر جاعدايلارمەن بۇل وي جۇزەگە اسپاسا, ولاردىڭ قوسىمشا بىرنەشە جوسپارى بار, &ndash؛ دەدى قۋانىشالين.

"ماماي وپەراسياسى" ساياسي-كونسپيرولوگيالىق سپەكتاكلدىڭ ءبىر اكتىسى

جۋرناليست باقىتجان قوسبارماقوۆ 2019 جىلعى 25 قاراشادا ءوزىنىڭ facebook-تەگى پاراقشاسىندا "قاراشا ەتيۋدتەرى جانبولات ماماي كىم؟ قازاقستاندا ساياسي پارتيا قۇرۋ مۇمكىن بە؟" دەگەن اتپەن جازبا قالدىرعان. "قامشى" ءتىلشىسى جۋرناليسكە حابارلاسىپ, ماسەلەگە قاتىستى پىكىر ءبىلدىرۋىن سۇراعانىندا الەۋمەتتىك جەلىدە جازعاندارىنا الىپ-قوسارى جوعىن, جازباسىن پايدالانۋعا بولاتىنىن ايتتى.

ول قازاقستانداعى وپپوزيسيالىق پارتيالاردى ىدىراتۋ تاجىريبەسى مەن ساياسي تەحنولوگيالاردى ەسكە الىپ, اقوردانىڭ دەمىل-دەمىل ۇيرەنشىكتى ەجەلگى ءادىس-تاسىلدى قولداناتىنىن, "ماماي وپەراسياسى" دا ءدال سول سەنارييگە قۇرىلعانىن جازعان.

جۋرناليست جانبولات مامايدىڭ ومىردەرەگىندە ءمىن جوق ەكەنىن, ءبىراق ؛ "پارتيا قۇرام" دەگەن كۇننەن باستاپ ونىڭ اۆتوبيوگرافياسىنىڭ جاڭا پاراعى اشىلعانىن ايتا كەلە ج.ماماي قازاقستاندا تىيىم سالىنعان قازاقستاننىڭ دەموكراتيالىق تاڭداۋى پارتياسىنىڭ جەتەكشىسى مۇحتار ءابلازوۆقا قارسى دەگەن پىكىرىن بىلدىرگەن.

&ndash؛ ءبىر نارسە انىق &ndash؛ ول &ndash؛ ج.ماماي ءم.ابىليازوۆقا قارسى. وسى ساياسي سەناداعى مىندەتى دە سول &ndash؛ ءم.ابىليازوۆتىڭ بەتىن قايتارۋ, اپتىعىن باسۋ, تىم بولماعاندا, ونى بىلەرمەن, وركوكىرەك, جامان قىلىپ كورسەتۋ. ءبىر ەسەپتەن ونىسى جۇزەگە استى دا. ءبىر ايدىڭ ىشىندە قازاق ساياسي بيرجاسىندا ج.مامايدىڭ رەيتينگى اشىعان قامىرداي كوتەرىلىپ, كوبىكتەي كوپىرىپ, رەكوردتىق دەڭگەيگە جەتتى.

ويتكەنى, قازاق قوعامى قول باستايتىن باتىرعا ءزارۋ. اقوردا مۇنى جاقسى بىلەدى. سوعان لايىق مانيپۋلياسيا جاسايدى, تەحنولوگيا قولدانادى. قوعامنىڭ ەنجارلىعىن, اڭعىرتتىعىن, ساياسي سوقىرلىعىن شەبەر پايدالانادى. قازاق قاشاندا كوسەمگە دىلگىر, ساياسي سەرگەكتىك, الەۋمەتتىك ەرىك-جىگەردەن گورى, توبىرلىق پسيحولوگيا باسىم. ونداي قوعامدى نوقتالاپ, بۇيدالاپ الۋ دا, سوسىن قالاعان جاققا قاراي قاقپاقىلداپ ايداپ, جەتەلەپ كەتۋ دە وڭاي.

ج.مامايدىڭ دا سىرىن وسىدان تۇسىنۋگە بولادى. ايتپەسە, ول ويى كەنەن, اقىلى كەمەل, سويى تولىسقان, ءبولمىس-بىتىمى كەلىسكەن ورەلى ساياساتكەر ەمەس. شيكى, دۇمبىلەزدەۋ. ول ءا دەگەننەن-اق ءبىلىندى. باسقا-باسقا ساياساتتىڭ الىپپەسىن بىلەتىن, اقوردانىڭ ساياسي ەرەجەسىنەن حاباردار ادام "نۇر-وتانعا" وپپونەنت پارتيا قۇرام" دەمەس ەدى. قۇرا دا المايدى. الىسقا بارماي-اق, وعان ەكى دالەل كەلتىرۋگە بولادى: ول &ndash؛ "العا" پارتياسىنىڭ تاريحى مەن "قدت قوزعالىسى &ndash؛ ەكسترەميستىك ۇيىم" دەگەن ۇكىم. ال ج.مامايدىڭ سونى كورە تۇرا وسىنداي قادامعا بارۋى &ndash؛ بەرىسى, ساياسي نوقايلىق, ءارىسى &ndash؛ ساياسي ەسەرلىك دەۋگە بولادى. ءبىراق قوياننىڭ ءىزىن قويعا شاتۋدىڭ كەرەگى جوق, ج.مامايدىڭ اتتانى &ndash؛ ەكەۋى دە ەمەس, جەلبۋازدىق, داڭعازا عانا. پارتيانى تىركەمەيتىنىن ءوزى دە بىلەدى جانە ونى بىرنەشە رەت ايتتى. ەندەشە, قوعامدى دۇرلىكتىرىپ, ەلەۋرەتىپ كەرەگى نە؟ گاپ &ndash؛ ءدال وسىدا. شىنى كەرەك, ول "نۇر-وتانمەن كۇرەسەم", "نۇر-وتاننىڭ تاس-تالقانىن شىعارام" دەگەنمەن, ونىمەن كۇرەسىپ جاتقان جوق, دۆك-مەن كۇرەسىپ, دۆك-نى ىدىراتىپ جاتىر. وعان مىسال &ndash؛ قاتارىنا دۆكشىلاردى تارتىپ جاتىر, ءالى بىردە ءبىر ادام "نۇر-وتاننان" شىعىپ, مامايشىلارعا قوسىلعان جوق, دەدى ول.

جۋرناليست كۇمان تۋعىزاتىن جايتتاردىڭ ءبىرى رەتىندە ج.مامايدىڭ ساياسي سەرىكتەرىن اتاعان.

&ndash؛ اسىرەسە, ونىڭ قاسىنان تولەگەن جۇكەەۆتىڭ قىلاڭ بەرۋى كۇدىكتى قويۋلاتا تۇسەدى. ت.جۇكەەۆ &ndash؛ ساقا ساياساتكەر بولعانمەن, بۇقپانتاي, ءبىر بۇگدەسى ىشىندە, سۇرقاي فيگۋرا. "سۇر كاردينال" سانالاتىن ول &ndash؛ 2001 جىلى دۆك-نىڭ, كەيىن "اق جولدىڭ" ىدىراۋىنا اتسالىسقانداردىڭ ءبىرى. ءتىپتى التى باقان الاۋىز قازاق وپپوزيسياسىنىڭ قارا جاشىگى سونىڭ قولىندا بولسا دا تاڭعالۋعا بولمايدى. ال كەشەگى ءا.قوسانوۆتىڭ سەرىكتەرى, ساياسي جاندايشاپ ەرمۇرات باپي مەن عالىم اعەلەۋوۆ ج.مامايعا كولەڭكەسىن تۇسىرمەسە, مارتەبەسىن كوتەرمەسى انىق. سونداي-اق, سەرگەي دۋۆانوۆتىڭ دا پاكتىگىنە سەنىم از. سوڭعى كەزدە ونىڭ كوپ ءسۇرىنىپ, شاتقاياقتاپ جۇرگەنى جاسىرىن ەمەس.

جۇرت ەسكەرمەگەن تاعى ءبىر ءجايت &ndash؛ ءسال بۇرىن ج.مامايدىڭ تۇياقبايشىل جسدپ-نى توڭىرەكتەگەنى. ءتىپتى ول جسدپ-نى رەانيماسيا جاساپ, ءتىرىلتىپ الماقشى دا بولدى. بۇل ونىڭ قانداي ساياسي ويىنعا دا دايىن ەكەنىن كورسەتسە كەرەك, دەپ اتاپ ءوتتى ب.قوسبارماقوۆ.

جۋرناليست "ج.ماماي نەگە بۇلاي جاسادى؟" دەگەن ساۋالدىڭ ەكى جورامالىن كەلتىرەدى.

 ؛&ndash؛ 1. بيلىك اۋزىن مايلاپ, ساتىپ الدى.

2. ءوزى كوندى. ياعني, ساياسي احۋالدى سارالاپ, قوعامنىڭ دەگراداسيالىق كەيپىن كورىپ, پۇشايماندىقتان وسىنداي قادامعا باردى. بۇل ەكى جولدىڭ قايسىن تاڭداسا دا, ول اداستى.

بىرىنشى ۆاريانت راس بولسا, ءا.قوسانوۆتىڭ كەبىن كيەدى, كوپ ۇزاماي ەكپىنى باسىلىپ, قۇپياسى اشىلىپ, اشكەرە بولادى. ەكىنشى جورامال دا ونىڭ وڭعاق ەكەنىن, ساياسي سولقىلداقتىعىن ايعاقتايدى. ەڭ جامانى &ndash؛ ەندى باس كوتەرىپ, ەندى عانا ۇيىسىپ, توپتاسا باستاعان قاۋىمنىڭ سەنىمىنە سەلكەۋ ءتۇسىرىپ, سىنا قاعىپ ۇلگەردى. قوعامدا "ساياسي سەركەلەر ءوزدى-وزى باسى پىسپەي جاتقاندا بىزگە نە جورىق؟!", "قايسى ءجون, قايسى قۇپ, قايسىنىڭ ءسوزى شىن؟!" دەگەن ءدۇدامال وي, ءابى-تابى حال بەلەڭ الدى. اقورداعا كەرەگى دە &ndash؛ وسى.

وكىمەت ءبىر-اق نارسەدەن قورقادى, ول &ndash؛ حالىقتىڭ توپتاسۋى مەن ميتينگ. "كوپ قورقىتادى, تەرەڭ باتىرادى" دەگەن راس. ونىڭ ۇستىنە سوڭعى كەزدەگى الەمدەگى وقيعالار &ndash؛ چيلي, گونكونگ, يرانداعى دۇربەلەڭنىڭ ءدۇبىرى اقوردانىڭ تىنىشىن الىپ تۇر. قازىرگى بار قام &ndash؛ سونى بولدىرماۋ, قالاي بولعاندا دا ءقاۋىپتى سەيىلتىپ, امالداپ رەجيمنىڭ كۇنىن ۇزارتۋ. بۇل ءۇشىن بيلىك پەن ساياسي ەليتا ەشقانداي ايانبايدى, ەشتەڭەدەن تايىنبايدى, قوعامدى ارنەكي ويىنعا كيلىكتىرىپ, ءتۇرلى شىرعالاڭعا سالادى. "ماماي وپەراسياسى" دا سول ساياسي-كونسپيرولوگيالىق سپەكتاكلدىڭ ءبىر اكتىسى دەۋگە بولادى, &ndash؛ دەيدى ول.

وقي وتىرىڭىز:

&diams؛ ؛ەرمۇرات باپي: توقاەۆتىڭ توڭىرەگى نازارباەۆشىلداردىڭ قورشاۋىندا قالدى

&diams؛ «؛جانبولات ماماي: «؛بارىبىر وزگەرىس بولمايدى»؛ دەپ ميتينگىلەرگە دە شىقپايىق

مەلىس سەيداحمەتوۆ

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى
ىلمەك سوزدەر: جانبولات ماماي

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر