• usd 468.56

  • eur 497.56

  • rub 7.3

  • cny 67.18

29 ناۋرىز, 16:28:28
الماتى
+35°

اقتوبەدە قىلمىستىق ىستەر جونىندەگى مامانداندىرىلعان اۋدانارالىق سوتىندا "سۇيىكتىسىن ءولتىردى" دەلىنگەن باقىت ورىنباساروۆقا سوت ۇكىمى شىقتى, دەپ جازادى qamshy.kz اقپارات اگەنتتىگى قازاقپاراتقا سىلتەمە جاساپ. ؛

قازاقپاراتتىڭ جازۋىنشا, باقىت ورىنباساروۆقا سۇيىكتىسى اسەم ەلبرۋسوۆانى ءولتىردى دەگەن ايىپ تاعىلىپ وتىر. ولار 2018 جىلى تانىسىپ, 2019 جىلى وتباسى قۇرۋعا كەلىسكەن. تەرگەۋ نۇسقاسى بويىنشا, ەكى جاس جالدامالى پاتەردە كەزدەسىپ, 23 جاستاعى سوتتالۋشى سول جەردە 22 جاستاعى بولاشاق جارىن ولتىرگەن.

كەشەگى سوت وتىرىسىندا ورىنباساروۆ سوتتا سوڭعى ءسوزىن ايتىپ, كەشىرىم سۇراعان. ال بۇگىن سوت ورىنباساروۆقا 10 جىل تۇرمە جازاسىن كەسكەن.

"باقىت ورىنباساروۆ قىلمىستىق كودەكستىڭ "ادام ءولتىرۋ" بابى بويىنشا ايىپتى دەپ تانىلىپ, 10 جىلعا باس بوستاندىعىنان ايىرۋ جازاسى تاعايىندالسىن. جازاسىن قىلمىستىق اتقارۋ جۇيەسىنىڭ قاۋىپتىلىگى جوعارى تۇزەتۋ مەكەمەسىندە وتەسىن" ؛ دەدى سۋديا ا. سابىر.

سوتتالۋشى جابىرلەنۋشىگە 2,7 ميلليون تەڭگە ماتەريالدىق جانە 3 ميلليون تەڭگە مورالدىق شىعىندى وتەۋى ءتيىس. جابىرلەنۋشى تاراپ ۇكىممەن كەلىسپەدى, اپەللياسيالىق شاعىم بەرەدى.



"قامشى" سىلتەيدى
ىلمەك سوزدەر: سۇيىكتىسىن ءولتىردى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر